Fréttatíminn - 17.05.2013, Blaðsíða 65

B jörn G. Björnsson leikmyndahönnuður hefur sent frá sér
fjórar bækur í nýjum flokki
sem kallast Íslenskur menn-
ingararfur. Þetta er einstök
ritröð um sögustaði, menn-
ingarminjar og íslenska
byggingarlist, handhægar
bækur með ríkulegu mynd-
efni og stuttum texta. Í
hverri bók er kort sem sýnir
staðsetningu bygginganna
sem fjallað er um.
Bækurnar eru áhugaverð-
ar fyrir alla sem vilja vita
meira um menningararfinn,
bæði Íslendinga og ferða-
menn, en þær koma út bæði
á íslensku og á ensku í þýð-
ingu Önnu Yates. Lítið hefur
verið um bækur af þessu
tagi á ferðabókamarkaðnum
þar sem aðaláherslan hefur
verið á landið og náttúruna.
Margrét Hallgrímsdóttir
þjóðminjavörður, ritar for-
mála í bókina um torfkirkj-
urnar.
Höfundurinn hefur fleiri
bækur á prjónunum en þær
fyrstu sem koma út eru
þessar:
HÚS SKÁLDANNA
Hér heimsækir Björn
Snorrastofu í Reykholti,
Hraun í Öxnadal, Dav-
íðshús, Sigurhæðir og
Nonnahús á Akureyri,
Skriðuklaustur í Fljótsdal,
Þórbergssetur á Hala og
Gljúfrastein í Mosfellssveit
og fjallar um sýningu á mið-
aldahandritum í Þjóðmenn-
ingarhúsi.
TORFKIRKJUR Á ÍSLANDI
Torfkirkjurnar eru með því
merkasta í íslenskri bygg-
ingarlist, þær sem enn
standa eru aðeins fimm og
sú sjötta er sett saman úr
viðum eldri kirkju. Víði-
mýrarkirkja í Skagafirði,
Grafarkirkja á Höfðaströnd,
Saurbæjarkirkja í Eyjafirði,
Hofskirkja í Öræfum og
Bænhúsið á Núpsstað, auk
Árbæjarkirkju í Reykjavík.
STÓRU TORFBÆIRNIR
Örfáir stórir torfbæir eru
enn uppistandandi á Íslandi,
flestir á Norðurlandi, og í
mörgum þeirra eru byggða-
söfn. Þessir eru til umfjöll-
unar: Glaumbær í Skaga-
firði, Laufás við Eyjafjörð,
Grenjaðarstaður í Aðaldal,
Þverá í Laxárdal, Bustarfell
í Vopnafirði, Safnbærinn í
Skógum, Skálinn á Keldum
og Árbær.
ÁTTA STEINHÚS Á 18. ÖLD
Á seinni hluta 18. aldar lét
danska stjórnin byggja átta
vönduð steinhús á Íslandi,
fjögur íbúðarhús fyrir emb-
ættismenn sína og fjórar
kirkjur. Þau voru teiknuð af
fremstu arkitektum Dana
og gegna enn mikilvægu
hlutverki: Stjórnarráðshúsið
í Reykjavík, Viðeyjarstofa
og Viðeyjarkirkja, Nesstofa
við Seltjörn, Hóladómkirkja
í Hjaltadal, Landakirkja á
Heimaey, Bessastaðastofa
og Bessastaðakirkja.
 kynning Fjórar nýjar Bækur
Einstakur bókaflokkur um
íslenskan menningararf
Björn söng lengi með Savanna
tríóinu en starfaði eftir það sem
leikmyndahönnuður hjá Sjón-
varpinu frá upphafi 1966. Síðan
hefur hann starfað við hönnun leik-
mynda, búninga, sviðsetninga í
leikhúsum, sjónvarpi og kvikmynd-
um hér og erlendis. Síðustu 20 árin
hefur hann þó aðallega hannað
sýningar í söfnum og setrum víða
um land. Hann hefur einnig gert 70
þætti fyrir sjónvarp um menningar-
minjar svo fáir þekkja menningar-
arfinn betur.
Björn G. Björnsson.
salka.is • Skipholti 50c • 105 Reykjavík
Einstök ritröð um byggingarlist,
sögustaði og menningarminjar
eftir Björn G. Björnsson, leikmyndahönnuð
Tilvaldar tækifærisgjafir handa
íslenskum og erlendum vinum
Glæsilegar og aðgengilegar bækur fyrir unnendur íslenskrar menningar.
Ríkulegt myndefni og kort sem sýna staðsetningu bygginganna.
menning 65 Helgin 17.-19. maí 2013