Fréttatíminn - 17.05.2013, Side 77

5ÍSLENSKT GRÆNMETIVOR 2013
Geymsla
Tómatar eru ákaflega viðkvæmir fyrir
kæliskemmdum og þá má ekki geyma í kæli,
hitinn á að vera 10 – 12 °C. Tómatar sem
hafa orðið fyrir kæliskemmdum verða fljótt
linir og bragðlitlir.
Margar tegundir af tómötum eru á
markaði frá íslenskum grænmetisbændum.
Þeir hafa lagt sig fram við að þjónusta
íslenska neytendur sem best og hafa því
undanfarin ár bryddað upp á mörgum
nýjungum í ræktun. Garðyrkjubændur
rækta tómatana með fullkominni tækni á
umhverfisvænan hátt með grænni orku, tæru
vatni og lífrænum vörnum.
Hefðbundnu tómatarnir sem allir
þekkja eru einstaklega bragðgóðir og
ómissandi í hvers konar matargerð.
Bragðgæði allra íslenskra tómata eru m.a.
tilkomin af því að þeir fá að fullþroskast á
plöntunni.
Konfekttómatar eru mjög bragðgóðir,
sætir og mildir. Þeir eru minni en
hefðbundnir tómatar en stærri og kjötmeiri
en kirsuberjatómatar. Konfekttómatar sem
og aðrir tómatar eru einnig hollt og gott
snakk.
Stórir Heilsutómatar. Í þeim er þrefalt
meira magn af lýkópeni, en í hefðbundnu
tómötunum.
Litlir Heilsutómatar. Í þeim er þrefalt
meira magn af andoxunarefninu lýkópeni.
Tómatar þessir eru sérlega bragðgóðir sætir
og mildir á bragðið.
Kirsuberjatómatar eru litlir og sérlega
bragðgóðir. Bragðið er sætt og afgerandi.
Þeir henta mjög vel til að bragðbæta og
skerpa salöt eða í nestisboxið.
Plómutómatar einkennast af góðu og
kröftugu bragði. Þeir eru kjötmiklir og
henta því vel í salöt, sem álegg og í hvers
konar matreiðslu. Lögun plómutómata
gerir þá ennfremur frábugðna öðrum
tómötum í útliti.
Buff tómatar eru mildir og frískandi á
bragðið. Þeir eru stórir og mjög kjötmiklir.
Henta mjög vel í salöt og eru frábærir á
hamborgara.
Kokteiltómatar eru dökkrauðir, frekar
kjötmiklir og sætir. Þeir eru heldur minni en
konfekttómatar.
Piccolotómatar eru litlir, rauðir, sætir
og safaríkir. Það þarf sérstakt leyfi til að
rækta þessa litlu og bragðgóðu tómata
og aðeins útvaldir fá það. Þau Helena og
Knútur á Friðheimum geta verið stolt af því
að uppfylla þau skilyrði sem sett eru fyrir
ræktuninni.
salat
-stútfullt af blaðgrænu
Helga Mogensen er brautryðjandi þegar kemur að hollu
matarræði. Hún hefur leitt
breytingar í veitingahúsarekstri
í áratugi. Helga kom að stofnun
og rekstri veitingastaðarins
Á næstu grösum fyrir nærri
þrjátíu árum. Einnig má
nefna veitingastaðinn Lifandi
markaður og Krúska. Þá
hefur hún verið með mörg
matreiðslunámskeið í gegnum
árin og notið þess að sjá fólk
tileinka sér nýjan lífsstíl.Helga
stofnaði nýlega eigið fyrirtæki,
Úr eldhúsi Helgu Mogensen,
og hefur nú sent á markaðinn
tilbúna rétti til að taka með
heim eða í vinnuna t.d. tvo
grænmetisrétti, einn rétt úr
lambakjöti og lasagna. Helga er
snillingur í matargerð og hún
er höfundur uppskriftanna sem
í er úrvals salat frá Laugarlandi,
Hveratúni,Heiðmörk og Ösp.
Fjallaspínatið frá Laugarlandi með avocadó og kjúklingi
Spínatið er stútfullt af blaðgrænu, mjög hollt og gott. Salatið er ferskt í pokum,
grillaður kjúklingur og þú galdrar fram flotta máltíð á met tíma.
Uppskrift fyrir 4-6
1 poki fjallaspínat frá Laugarlandi Flúðum
1 poki klettasalat frá Laugarlandi Flúðum
½ stk grillaður kjúklingur
2 stk avocadó
handfylli af kóríander
1 dós af jógúrt
½ tsk grófu salti
½ tsk pipar
1 tsk karrý
½ rauðlaukur
½ stk paprika
1 lime
pecan hnetur til skrauts
Rifa niður kjúklinginn, skera avocadóið i munnbita, saxa kóríander, smá saxa
rauðlaukinn og papriku. Skera niður salatið. Blanda öllu vel saman.
Þeyta saman jógúrt með kryddinu og setja saman við kjúkling og grænmeti. Skreyta
með pecanhnetum og lime sneiðum.
Gróft súrdeigsbrauð með og þetta er frábær máltíð.
Geysir frá Hveratúni er grunnur að salati dagsins
Þegar þú gerir úrvals salat fyrir þig og þína, búðu þá til aðeins meir til að taka með
þér í vinnuna.
Hér áður fyrr var afskaplega vinsælt að nota krukkur fyrir allskonar og er þau gildi
hippana að koma sterkt inn aftur. Umhverfisvænt og fallegt. En þegar þú setur salat
i krukku þá geymist það ferskt i dágóðan tíma. Þannig að þegar þú ert að gera salat,
hafðu það ríflegt.
Hérna er ein hugmynd af góðu salati, en það er um að gera að leyfa
hugmyndafluginu að ráða. Best er að hafa salatið lagskipt ef þú setur það í krukku til
að taka með. Hafðu sósuna neðst og græna salatið efst, því þannig helst það ferskt.
1 stk rauðrófa
4 stk gulrætur
hálfur bakki spírur
1 stk kúrbítur
1 poki Geysis salat frá Hveratúni
Í þessu tilfelli notast ég við blandað salat
frá Hveratúni og heitir það Geysir. Í því eru
margar góðar tegundir.
Byrjað er á því að rifa niður kúrbít, rauðrófu
og gulrætur og bæta spírum við. Raðað
bæði á salatdiskinn og lagskipt í krukku .
Þetta salat er gott t.d. með balsamik sýrópi
eða sinnepslagaðri salatsósu.
Heiðmerkursalatið með sætum kartöflum.
1 stk sæt kartafla
1 stk paprika
1 poki Heiðmerkursalat
Skrælið karöfluna og skerið í litla bita. Skera niður paprikuna.
Grænmetið sett í eldfast mót
Hristið saman 1 msk ólífuolíu, 1 tsk gróft salt og 1 tsk tamarisósu og 1 tsk Taza Masala
krydd.
Strá yfir grænmetið og bakið i ofni í ca. 12 mín á 190°C . Kælið grænmetið.
Skerið niður salatið og blandið grænmetinu saman við.
Salanova og íslenska romain salatið frá Ösp með Brie osti og perum
1 poki salanova frá Ösp
1 poki romain frá Ösp
2 stk perur
handfylli af ferskri steinselju
1 stk Brie ostur með hvítlauksrönd, skorinn niður í 6 sneiðar
4 cm engifer skrældur og skorinn í grófa bita
½ bolli appelsínusafi
½ tsk góft salt
bláber eða jarðarber til skrauts
Byrjað er á því að skræla perurnar og skera niður í sneiðar, sjóða í appelsínusafanum,
salti og engifer í 10-15 mín. Kæla og taka frá engiferinn.
Rifa niður salatið, leggja skornar ostasneiðar ofaná og síðan perurnar.
Skreyta með berjum.