Fréttatíminn - 07.06.2013, Qupperneq 8

Jónas
Haraldsson
jonas@
frettatiminn.is
www.odalsostar.is
Nýjasti meðlimur Óðalsfjölskyldunnar er
framleiddur í Skagafirði og nefndur eftir fjallinu
Tindastól. Tindur er einstakur ostur sem fengið
hefur drjúgan þroskunartíma þar til hinu
einkennandi þétta bragði hefur verið náð.
Óðals Tindur er sérstaklega bragðmikill, hæfir
við ýmis tækifæri og er dásamlegur einn og sér.
Tindur parast vel með sterku bragði enda lætur
hann fátt yfirgnæfa sig.
TINDUR
NýR osTUR úR skagafIRÐINUm
 Kópavogur Könnun á viðhorfi foreldra til leiKsKóla
Vel hugsað um leikskólabörnin
Yfir 93% foreldra í Kópavogi telja mjög
vel eða vel staðið að aðlögun barns í
leikskóla í bænum. Þetta er meðal þess
sem fram kemur í nýlegri könnun á við-
horfi foreldra til leikskóla Kópavogs.
Könnunin var gerð á vegum leikskóla-
deildar Kópavogs og send öllum for-
eldrum. Svörun var um 56%.
Ef marka má niðurstöðurnar eru
foreldrar mjög ánægðir með leikskóla
bæjarins, segir í tilkynningu hans. Um
90% svarenda segja að mjög vel eða
vel sé tekið á móti barninu þegar það
kemur í leikskólann á morgnana og
sömu sögu sé að segja þegar barnið er
kvatt að loknum degi.
Yfir 91% telja samstarf við starfsmenn
leikskólans mjög gott eða gott og um
92% finnst auðvelt eða nokkuð auðvelt
að ná tali af leikskólastjóra eða deildar-
stjóra. Um 88% eru mjög ánægð eða
ánægð með foreldrasamtöl og meiri-
hluti foreldra er ánægður með störf
foreldrafélaga við leikskólana.
Um 92% telja að sú kennsla og
umönnun sem barnið fær samræmist
mjög vel eða vel þeim væntingum sem
foreldrar hafa til leikskólans svo og sú
sérkennsla sem þau börn fá sem þess
þurfa. Meirihluti foreldra hefur kynnt
sér námskrá og starfsáætlun leikskól-
ans.
Dagleg samskipti, skriflegar upp-
lýsingar, foreldrasamtöl, heimsókn eða
dvöl foreldra í leikskólanum telja for-
eldrar hvað mikilvægast í samstarfi við
leikskólann.
Meirihluti foreldra telur að skipulags-
dagar og sumarleyfislokun valdi þeim
engum erfiðleikum. Um 87% foreldra
eru ánægð með þann mat eða næringu
sem boðið er upp á í leikskólanum.
Fram kemur að móðir svarar könnun-
inni í 74% tilfella en fleiri feður svöruðu
nú en í fyrri könnunum.
Foreldrar barna í Kópavogi eru ánægðir með starf
leikskólanna í bænum, sé mið tekið af könnun sem
send var öllum foreldrum.
á standið í skólanum er orðið hættu-legt börnunum og þess vegna stöndum við í þessari baráttu. Þetta
er ekki boðlegt í okkar samfélagi. Það er
löngu tímabært að ráðast í endurnýjun, bæði
innandyra sem utan,“ segir Ævar Karlsson,
formaður foreldrafélags Breiðholtsskóla.
Skólinn var byggður fyrir rúmlega fjörutíu
árum og hefur viðhaldi undanfarin ár verið
mjög ábótavant og er ástandið nú orðið
smánarlegt fyrir nemendur og starfsfólk, að
mati foreldrafélagsins.
Húsgögn skólans eru komin til ára sinna
og farin að láta á sjá, sprungur og raka-
skemmdir eru í veggjum, hurðir eru brotnar
svo hætta er á að börn fái í sig flísar. Öllum
búnaði er einnig ábótavant og eru tölvuskjáir
gamaldags túbuskjáir. Húsgögn eru flest
ósamstæð og hæðarstillingar borða víða í
ólagi þannig að lágvaxin börn sitja við of há
borð og öfugt og samkvæmt upplýsingum frá
foreldrafélaginu hefur það valdið stoðkerfis-
vanda hjá hluta nemendanna.
Skólalóð Breiðholtsskóla hefur að sama
skapi verið lítið við haldið. Þar eru víða
moldarbörð og marga ára gamalt veggjakrot.
Brotnað hefur upp úr einum útvegg svo börn
geta notað misfellur í veggnum sem þrep og
klifrað upp á þak.
Í skýrslu sem Fasteignastofa Reykjavíkur
vann í samvinnu við Fræðslumiðstöð borgar-
innar árið 2004 kom fram að þörf væri á við-
byggingu og nauðsynlegum breytingum á
húsnæði, átaki í endurnýjun á tölvulögnum
og búnaði, svo sem stórum hluta húsgagna,
töflum og fleiru. Í skýrslunni kom jafnframt
fram að húsnæði skólans væri hvorki hentugt
fyrir skóla án aðgreiningar, einstaklingsmið-
að nám né sveigjanlega kennsluhætti. Árið
2008 stóð til að byggja við skólann en svo var
hætt við þau áform. Nú eru níu ár liðin frá því
tillaga að viðbyggingu og endurbótum kom
fram og síðan hefur öllu viðhaldi verið haldið
í lágmarki. Foreldrar hafa því í mörg ár gert
ítrekaðar athugasemdir við aðbúnað á bygg-
ingum og skólalóð en án árangurs.
Í febrúar á þessu ári sendi Foreldrafélagið
áskorun til borgaryfirvalda um að endur-
skoða forgangsröðun ársins og ráðast í tíma-
bærar framkvæmdir við Breiðholtsskóla.
Að sögn Rúnars Gunnarssonar, deildar-
stjóra frumhönnunar hjá umhverfis- og
skipulagssviði Reykjavíkurborgar, stendur
nú yfir vinna við úttekt á Breiðholtsskóla.
„Þetta er allt í ferli núna, bæði þörf á viðbygg-
ingu, viðhaldi, endurnýjun búnaðar og lóðar.
Niðurstaðan ætti að liggja fyrir við lok þessa
mánaðar. Þá verður hægt að vinna að fjár-
hagsáætlun en þetta verkefni er ekki á fjár-
hagsáætlun þessa árs,“ segir Rúnar og getur
þess jafnframt að um viðamikið verkefni sé
að ræða. Skólastjóri Breiðholtsskóla, Jónína
Ágústsdóttir, er bjartsýn á að framkvæmdir
hefjist á næstunni. „Það hafa margir aðilar á
vegum borgarinnar komið hingað á síðustu
vikum og unnið að undirbúningi endurbóta.
Foreldrar eru búnir að vinna vel og ég er af-
skaplega ánægð með þá,“ segir Jónína sem
tók við sem skólastjóri árið 2012 og viður-
kennir að hafa brugðið þegar hún kom fyrst í
skólann og sá ástand hans.
Dagný Hulda Erlendsdóttir
dagnyhulda@frettatiminn.is
 sKólamál foreldrafélagið segir ástand bygginga og lóðar breiðholtssKóla hættulegt
Margra ára bið eftir endurbótum
Foreldrar nemenda í Breiðholtsskóla eru orðnir langþreyttir á bið eftir endur-
bótum á byggingum og lóð skólans. Í skýrslu borgarinnar frá árinu 2004 var
lögð fram tillaga að viðbyggingu og nauðsynlegum endurbótum. Nú árið 2013,
níu árum síðar, hafa framkvæmdir ekki enn hafist. Í úttekt Foreldrafélags kemur
fram að slæmt ástand skólans ógni öryggi nemenda.
Brotnar hillur notaðar sem skilrúm.
Ljósmyndir/Foreldrafélag Breiðholtsskóla
Brotið er upp úr hurðum
svo hætta er á að börn
fái í sig flísar.
Skólalóð Breiðholtsskóla er í niður-
níslu og eru víða moldarbörð.
Á myndinni er eini myndvarpinn í
unglingadeildinni. Hann er kominn
til ára sinna.
Húsgögn eru ósamstæð og mikið
notuð. Á myndinni má sjá rifið
áklæði á stól sem er í notkun.
Frágangi á lofti í vistarverum
yngsta stigs er ábótavant.
Borgaryfirvöld hafa ekki sinnt nauðsynlegu viðhaldi á byggingum og lóð Breiðholtsskóla sem skyldi
undanfarin ár og er ástandið orðið hættulegt að mati foreldrafélags. Samkvæmt upplýsingum frá
borgaryfirvöldum er nú unnið að úttekt á þörf á endurbótum. Ljósmynd/Hari.
8 fréttir Helgin 7.-9. júní 2013