Fréttatíminn - 30.08.2013, Blaðsíða 24

Við erum
ekki orðin rík
É
g er búin að vera í svo miklum
vinnugír frá því við komum heim.
Ég hef vaknað um miðja nótt og
fundist ég þurfa að gera eitthvað.
Ég er frekar róleg týpa og er enn
ekki búin að finna taktinn hér heima aftur,“
segir Nanna Bryndís Hilmarsdóttir, lagasmið-
ur, gítarleikari og annar aðalsöngvari hljóm-
sveitarinnar Of Monsters and Men. Rúm vika
er síðan hljómsveitarmeðlimir komu heim til
Íslands eftir 18 mánaða tónleikaferð þar sem
hún lék á yfir 230 tónleikum í Evrópu, Banda-
ríkjunum, Bretlandi, Japan og Ástralíu.
Ég bið Nönnu að velja kaffihús til að hittast á
fyrir viðtalið og hennar fyrsta val er KEX Hos-
tel. Hún átti alltaf fastan samastað á Faktorý við
Smiðjustíg, einum helsta tónleikastað Reykja-
víkur, en honum var lokað fyrr í þessum mán-
uði og verður þar reist hótel í staðinn. „Þetta er
mjög sorglegt. Við spiluðum mikið á Faktorý
þegar við vorum að byrja. Þar var allt á staðn-
um þannig að ungar hljómsveitir þurftu ekki
að leggja út í mikinn kostnað til að geta haldið
tónleika.“ Nanna syrgir líka tónleikastaðinn
Nasa við Austurvöll sem einnig var skipt út
fyrir hótel. „Ferðamenn sem koma hingað vilja
auðvitað kynnast menningunni. Með þessu
áframhaldi geta þeir bara farið af hótelinu sínu
til að skoða önnur hótel,“ segir hún segir með
samblandi af glettni og alvöru.
Amman vildi gítar
Nanna er fædd og uppalin í Garði á Suðurnesj-
unum. Hana langaði alltaf að verða tónlistar-
kona en einnig blundaði í henni að gerast sál-
fræðingur. „Eftir menntaskóla var ég að hugsa
um að fara í sálfræði eða heimspeki.“ Sem barn
gat hún dundað sér mikið sjálf við að syngja,
spila og teikna. Fjórtán ára byrjaði Nanna í
tónlistarskóla og svona eftir á að hyggja þá var
ekki aftur snúið. „Ég var alltaf að biðja mömmu
um að leyfa mér að læra á píanó. Amma stakk
þá upp á því að mamma myndi gefa mér gítar
því þá yrði ég svo vinsæl í partíum.“ Úr varð að
Nanna fór að spila opinberlega undir nafninu
Songbird. „Ég byrjaði líklega að kalla mig þetta
um 17, 18 ára aldurinn. Smátt og smátt fór ég að
þora meira, ég fór að spila á börum og ýmsum
viðburðum, til dæmis á Paddy´s í Keflavík. Ég
var síðan að taka upp lög heima og fattaði að
ég var bara ekki með nógu margar hendur til
að gera allt sem ég vildi gera.“ Hún fékk þá til
liðs við sig Brynjar Leifsson, góðan vin sinn og
gítarleikara. Nokkru síðar heyrði hún Ragnar
Þórhallsson syngja í partíi og hugsaði með
sér: „Þessi kann sko að syngja!“ Hún spurði þá
Ragga hvort hann vildi vera með og þau byrj-
uðu að semja saman. Arnar Rósenkranz Hilm-
arsson trommuleikari bættist í hópinn og fjögur
tóku þau þátt í Músíktilraunum árið 2010, og
sigruðu, undir nafninu Of Monsters and Men.
Árni Guðjónsson, píanó- og harmonikkuleikari,
og Páll Kristjánsson, bassaleikari, gengu til liðs
við hljómsveitina eftir sigurinn en Árni hætti í
hljómsveitinni á síðasta ári og fór í skóla.
Ruggað í svefn í rútunni
Sem sigurhljómsveit Músíktilrauna tók hún
þátt í Airwaves-tónlistarhátíðinni og bandarísk
útvarpsstöð í Seattle, KEXP radio, tók í fram-
haldinu upp nokkur lög með hljómsveitinni.
Lagið Little Talks varð mjög vinsælt á stöðinni
og hlustendur vildu ólmir vita meira um þessa
íslensku hljómsveit. Árið 2011 spilaði Of Mon-
sters and Men aftur á Airwaves, nú á KEX
Hostel og útvarpaði KEXP radio beint frá hátíð-
inni. Hljómsveitin hafði þá þegar náð nokkrum
vinsældum í Bandaríkjunum þrátt fyrir að hafa
aðeins gefið út disk á Íslandi en hún gerði síðan
samning við Universal og diskurinn My Head
is an Animal kom út á heimsvísu í apríl 2012.
Tónleikaferðalag um heiminn hafði þá hafist í
marsmánuði.
„Raggi fór að tala um það í flugvélinni á leið-
inni heim að þegar við byrjuðum að „túra“ hafi
hann verið 24 ára og hann sé núna 26. Svona
eins og honum hafi fundist að þessum tíma hafi
verið rænt af honum,“ segir Nanna og brosir.
Sjálf var hún 22ja ára þegar tónleikaferðalagið
hófst en er nú orðin 24 ára. Henni finnst tíminn
hafa liðið ótrúlega hratt enda hafi þau unnið
mikið á þessum 18 mánuðum sem ferðalagið
stóð yfir. „Til að byrja með þá vöknuðum við
klukkan níu á morgnana, rótuðum sjálf, fórum
á æfingar og tókum hljóðprufu. Núna undir lok-
in höfum við fengið meiri hjálp og sofið yfirleitt
til hádegis. Stundum förum við í viðtöl yfir dag-
inn og erum að vinna í einhverju efni. Síðan eru
það bara tónleikar, allt tekið niður, við förum
út í rútu og ökum af stað. Við sváfum mjög oft
í rútunni. Ég kunni mjög vel við það. Fyrst var
það svolítið erfitt, ég varð bílveik og svona en
síðan var þetta bara fínt. Það er eins og rútan
væri að rugga manni í svefn og mér fannst það
alveg frábært. Nú þarf ég eiginlega að venjast
því að sofna bara í rúmi.“
Þrjú í bíó á Menningarnótt
Áður en tónleikaferðalagið hófst leigði Nanna í
miðbæ Reykjavíkur ásamt kærastanum sínum,
Sigurbirni Kristjánssyni. Þau ákváðu að halda
ekki þeirri íbúð og búa núna heima hjá for-
eldrum Sigurbjörns í Garðabæ. „Við erum að
leita að íbúð niðri í bæ. Allt dótið mitt er enn í
kössum og mér líður svolítið eins og ég sé að
fara aftur út strax í næstu viku,“ segir Nanna
en er óviss um hvort þau ætla að leigja eða
kaupa enda hvoru tveggja rándýrt. „Við komum
úr Garðabænum og ætluðum í bæinn á Menn-
ingarnótt en komumst ekki lengra en hingað á
KEX því það var svo mikið af fólki. Við ákváð-
um því bara að fara í bíó.“ Kvikmyndin Bling
ring varð fyrir valinu þetta kvöldið. „Ég vissi al-
veg að hverju ég gekk. Þetta var ágætis afþrey-
ing en samt auðvitað Sofia Copila-mynd. Við
vorum þarna þrjú í risastórum sal, við tvö og
einn maður. Þetta var frekar skondið.“ Nanna
Nanna Bryndís Hilmars-
dóttir er komin aftur heim
ásamt félögum sínum í
hljómsveitinni Of Mon-
sters and Men eftir 18
mánaða tónleikaferðalag
um heiminn. Hennar fyrsta
verk eftir að hún lenti var
að fá sér hvítlaukspizzu með
pepperoni og jalapeno á
uppáhalds pizzastaðnum.
Nanna var alltaf staðráðin
í að verða annað hvort sál-
fræðingur eða tónlistarkona.
Hún segir það stórkostlegt
að heyra mannhaf á tón-
leikum syngja lögin sem
hún glamraði á gítar heima
í stofu.
Nanna Bryndís byrjaði ung að koma
fram undir nafninu Songbird. Smátt
og smátt fékk hún fleiri til liðs við
sig og úr varð Of Monsters and Men.
Ljósmynd/Hari
sölutölur
Breiðskífan My Head is an
Animal er platínuplata í Kanada,
Nýja-Sjálandi og á Írlandi. Hún er
gullplata í í Bandaríkjunum, Bret-
landi, Ástralíu og Þýskalandi.
Smáskífan Little Talks er fimmföld
platínuplata í Ástralíu, þreföld
platínuplata í Bandaríkjunum og
Kanada, og tvöföld platínuplata á
Ítalíu, Sviss, Belgíu, Nýja-Sjálandi,
Þýskalandi og Írlandi.
Breiðskífan Smáskífan
Ísland 26.000
Bandaríkin 882.000 2.723.000
Annars staðar 783.000 1.809.000
Alls 1.691.000 4.532.000
24 viðtal Helgin 30. ágúst-1. september 2013