Fréttatíminn - 30.08.2013, Blaðsíða 26

– fyrst og fre
mst
ódýr!
TILBOÐ!
dúndur-
99 kr.pk.
Verð áður 219 kr. pk.
Krónubrauð, stórt og g
róft
55%afsláttur
Hámar
k
6 pk.
á mann
meðan

birgðir
endas
t!
ég myndi aldrei þora að spyrja hvort
ég mætti láta taka mynd af mér með
því. Það er helst í Bandaríkjunum
sem við höfum orðið vör við að fólk
vill láta taka mynd af okkur með
sér.“
Lög hljómsveitarinnar hafa líka
ratað víða. Fréttir bárust af því að
Katrín Middleton hertogaynja hafi
sett lagið Mountain Sound á lista
yfir þau lög sem hún hlustaði á þeg-
ar hún beið eftir fæðingu sonar síns.
Lagið Dirty Paws var spilað í Apple-
auglýsingu fyrir nýjan iPhone 5 og
lagið er einnig að finna í kynningar-
myndbandi fyrir mynd Ben Stillers
sem tekin var hér á landi; The secret
life of Walter Mitty. Þá er lagið Little
Talks í auglýsingu gosdrykkjarfram-
leiðandans Coca Cola. „Við mis-
skildum alveg þessa kókauglýsingu
í fyrstu. Við fengum símtal þar sem
var spurt hvort strákur mætti spila
lagið okkar á kókflöskur fyrir mynd-
band á YouTube og okkur fannst
það bara í góðu lagi en fannst pínu
skrýtið að fá borgað fyrir eitthvað
YouTube-myndband. Svo sáum við
bara að þetta var kókauglýsing.“
Fyrst að talið hefur borist að
peningum þá blasir næsta spurning
við: Ertu orðin ógeðslega rík? „Ég
var alveg að bíða eftir þessari spurn-
ingu,“ segir Nanna hlæjandi. „Ég hef
oft verið spurð að þessu og fólk er
forvitið. Mamma og tengdamamma
eru líka oft spurðar hvort við séum
ekki orðin rík. Tengdamamma hefur
svarað þessu með að benda á að
ég búi allavega hjá henni.“ Nanna
bendir á að það sé mikill kostnaður
sem fylgi því að vera á tónleikaferða-
lagi. „Við ferðumst á rútu sem kostar
mjög mikið. Síðan eru við með fólk
í vinnu; umboðsmann, lögfræðing,
ljósamann, mann sem sér um að
skipuleggja tónleikaferðalagið. Það
þarf að eyða miklu til að þetta gangi
upp.“ Startkostnaðurinn er því mikill
hjá hljómsveit sem er að stíga sín
fyrstu skref úti í hinum stóra heimi.
Niðurstaðan er því: „Nei, við erum
ekki orðin rík.“
Henti harðfisknum þeirra
Rík eða ekki rík, þá hafa hljóm-
sveitarmeðlimir allavega einfaldan
matarsmekk. „Þegar við lentum á
Íslandi keyrði ég beint á Pizzuna í
Garðabæ og þegar ég var að leggja
í stæðið kom Arnar og lagði við
hliðina á mér. Þetta er orðinn smá
brandari innan bandsins hvað við
erum öll hrifin af Pizzunni.“ Ég
spyr hvað aðgreini pizzurnar þar
frá öðrum pizzum en Nanna getur
ekki almennilega svarað því til. „Ég
fæ mér alltaf hvítlaukspizzu með
pepperoni og jalapeno. Engri sósu,
bara hvítlauksbrauð með áleggi. Þú
verður að prófa þetta!“ Það er hér
með komi á dagskrána næst þegar
ég fer til Garðabæjar.
Garðabær er heimabær þriggja
meðlima sveitarinnar; Ragga,
Arnars og Kidda Palla. Brynjar
er síðan úr Keflavík. „Við Brynjar
erum Suðurnesjafólkið,“ segir hún.
Þessi mikla tenging við Garðabæ
er ein stærsta ástæðan fyrir því
að Of Monsters and Men ákváðu
að halda þar ókeypis tónleika á
morgun, laugardag. Síðasta sumar
hélt hljómsveitin útitónleika í
Hljómskálagarðinum í Reykjavík
og heppnuðust þeir svo vel að þau
vildu endurtaka leikinn á Vífilssta-
ðatúni í Garðabæ. „Þetta er fínt tún
og mikið pláss. Okkur langaði að
sýna fólki hvað við erum búin að
bralla saman og hafa gaman. Þetta
eru í raun eins konar heimkomu- og
lokatónleikar.“
Nanna viðurkennir að hún
hafi stundum fengið heimþrá á
ferðalaginu. „Það var sérstaklega
svona undir lokið. Ég á litla systur
sem er þriggja ára. Hún var eins
árs þegar ég fór út og mér finnst
eiginlega leiðinlegast að hafa
misst af henni. Svo eru það vin-
irnir. Ég sé alltaf á Snapchat og
Instagram þegar þeir eru að fara í
bústað og gera eitthvað skemmti-
legt og þá langar mig alltaf með.“
Hljómsveitarmeðlimir hafa haldið
í minningar frá Íslandi með veit-
ingum frá þeim sem heimsóttu
þau á ferðalaginu. „Gestir koma
alltaf með harðfisk og slátur. Þeir
sem „túra“ með okkur skilja þetta
ekki. Einu sinni voru við með
rútubílstjóra sem tjúllaðist þegar
við opnuðum harðfisk í rútunni og
hann henti fisknum okkar. Þetta
var mikið drama og við reyndum
að útskýra fyrir honum að þetta
væri eðalfiskur frá Íslandi.“
„Nanna, I love you“
Ekki þarf að leita mikið á netinu
til að finna athugasemdir frá fólki
sem segir hljómsveitina þá bestu í
heimi og margir tjá sig um Nönnu
persónulega. Ég var ekki lengi
að finna nokkra sem dásömuðu
fegurð hennar, rödd og hæfileika
og vildu einfaldlega giftast henni.
Nanna hefur vissulega séð svona
athugasemdir á netinu. „Það er
rosalega skrýtið að sjá svona frá
ókunnugu fólki. Þetta er heimur
sem er ekki raunverulegur. Stund-
um gerist svona á tónleikum líka.
Um daginn hrópaði einn strákur til
mín: „Nanna, I love you!“ Ég ákvað
að grínast í honum og hrópaði til
baka að ég elskaði hann líka og að
við þyrftum að kynnast betur. Eftir
tónleikana sá ég hann svo aftur,
hann var þvílíkt vandræðalegur
og bað mig um eiginhandaráritun.
Svo sagði hann bara „thank you“
og bæ. Þetta var frekar fyndið.“
Bæjaryfirvöld í Garðabæ inn-
réttuðu æfingahúsnæði sérstak-
lega fyrir Of Monsters and Men en
hljómsveitin afþakkaði það, lagði
til að yngri hljómsveitir fengju þar
að njóta sín, og er nú að leita að æf-
ingahúsnæði. „Okkur langar svo-
lítið að fara aðeins út fyrir bæinn,
geta aðeins keyrt og verið í friði
og ró.“ Vinna við næstu plötu hefst
ekki alveg strax enda ekki allir
hljómsveitarmeðlimir á landinu
næstu tvo mánuði eða svo. „Maður
fær svolítið að heyra að nú sé
mikil pressa því við erum að gera
plötu númer tvö. Fólk er svona
að innprenta því í mann en við
erum voðalega róleg.“ Stefnt er að
því að platan komi út í kring um
áramótin 2014-2015. „Eftir áramót
þurfum við að fara að spýta í
lófana.“ Þangað til ætlar Nanna
að reyna að finna sinn eigin takt.
„Ég get verið mjög dugleg en ég
á líka stundum til að gleyma mér
og tíminn bara flýgur. Mig langar
að geta skipulagt mig þannig að
kannski frá tíu til þrjú á daginn sé
ég bara að vinna í tónlist. Svo ætla
ég að vera dugleg að hitta vini og
fjölskyldu.“ Mér finnst það hálf
kjánalegt, því ég er jú feiminn Ís-
lendingur, en áður en við kveðj-
umst spyr ég Nönnu hvort ég
megi láta taka mynd af mér með
henni. Mér nánast til undrunar
jánkar hún því eins og ekkert sé
eðlilegra. Ef fer sem stefnir þykir
barnabörnunum mínum eflaust
merkilegt að sjá mynd af ömmu
sinni með Nönnu í Of Monsters
and Men.
Erla Hlynsdóttir
erla@frettatiminn.is
Á tónlist-
arhátíðinni
Coachella í
Kaliforníu, einni
af fjölmörgum
hátíðum sem
hljómsveitin
spilaði á.
Nanna Bryndís og félagar í Of Monsters and Men hafa stimplað sig inn í tónlistar-
söguna á stuttum tíma en þau tóku þátt í Músíktilraunum árið 2010. Ljósmynd/Hari
Tónleikar á
VífilssTaðaTúni
Túnið opnar klukkan 17 laugardaginn
31. ágúst. Aðalbílastæði tónleikanna
verður á Kauptúnssvæðinu í Garðabæ
þar sem meðal annars IKEA er til húsa
en engin almenn bílaumferð verður
leyfð í kringum Vífilsstaði og þar verða
engin bílastæði nema fyrir fatlaða.
Garðabær býður upp á fríar ferðir með
Strætó frá Kauptúnssvæðinu, skiptistöð
Strætó í Mjódd og Ásgarði. Ferðirnar
verða í gangi allan tímann sem tónleik-
arnir standa yfir og eftir að þeim lýkur.
Hljómsveitirnar Hide Your Kids og
Moses Hightower, auk Mugison stíga á
svið í þessari röð. Klukkan 20.40 byrja
Of Monsters and Men að spila og lýkur
tónleikunum klukkan 22.00.
Tónleikagestir hafa einnig aðgang að
bílastæðum í Molduhrauni í Garðabæ,
þar sem meðal annars Marel er til húsa.
Ekki verða ferðir með Strætó þaðan.
26 viðtal Helgin 30. ágúst-1. september 2013