Fréttatíminn - 19.10.2012, Blaðsíða 18
Hver er réttur barnanna?
Að kúldrast eins og hundur á gólfi
Kona ein, mjög nákomin mér, ólst upp við erfiðar aðstæður vegna alkóhólisma föður síns. Hið sama á við um
sex þúsund börn á Íslandi. Á meðan á drykkju
túrum föðurins stóð þurfti stúlkan ósjaldan að
flýja heimilið með móður sinni og systkinum
og „kúldrast eins og hundur á gólfi hingað og
þangað,“ eins og móðir hennar orðaði það, á
meðan virki alkóhólistinn lagði undir
sig heimilið með drykkjufélögum
sínum.
Þegar hún var 14 ára hringdi hún
eitt sinn á sýslumann umdæmisins
og krafðist þess að faðir hennar yrði
fjarlægður af heimilinu svo hún og
móðirin og systkinin gætu snúið heim.
Ekki var hægt að verða við því svo
áfram kúldruðust þau eins og hundur
á gólfi.
Börn alkóhólista taka oft á sig
ábyrgð langt umfram getu og aldur.
Þessi stúlka var buguð af verndar
tilfinningu gagnvart móður sinni og
gerði allt sem í hennar valdi stóð til að vernda
hana gagnvart alkóhólistanum, stóð jafnvel
uppi í hárinu á honum sem endaði oftar en ekki
með ofbeldi.
Hún þjáðist af stöðugum kvíða og þótti erfitt
að sofna á kvöldin því hún vissi ekki hvernig
nóttin yrði. Hún var hrædd við að koma heim til
sín á kvöldin eða jafnvel eftir skóla, því hún gat
búist við hinu versta.
Ósjaldan forðaðist hún að fara heim til sín en
var þá plöguð af samviskubiti yfir því að vita
af mömmu sinni og yngri bræðrum heima og
pabba sínum fullum.
„Þegar ég hugsa til baka þá kemur alltaf
fyrst í huga hvað ég þekkti margt gott fólk
þegar ég var vaxa upp,“ segir hún. „Hvað ég
var heppin að eiga ömmur mínar og afa minn,
frændur og frænkur sem ég gat alltaf flúið til,
fengið að sofa og borða og verið þar eins og ég
ætti heima þar.“
„Í huga minn kemur einnig hvað ég saknaði
þess oft að eiga ekki venjulega fjölskyldu, hvað
ég saknaði þess oft að eiga ekki venjulegan
pabba. Ég var alveg viss um það í þá daga að
pabbi sem hagaði sér svona gæti ekki elskað
börnin sín.“
Konan er fullorðin í dag. Hún segist bera
mikla virðingu fyrir Kvenna athvarfinu en
vildi óska að það þyrfti ekki að vera til. „Hver
er réttur barnanna?“ spyr hún. „Á árinu 2012
ætti ekkert barn að búa við öryggisleysi, ótta
og hjálparleysi vegna óreglu foreldra,“ segir
hún. „Það er með ólíkindum að enn í dag eru
það börnin og maki alkóhólistans sem þurfa að
yfirgefa heimili sitt þegar alkinn gengur af göfl
unum,“ segir hún.
Nú stendur yfir átak á vegum SÁÁ undir yfir
skriftinni Betra líf. Markmiðið er að fá stjórn
völd til að verja 10 prósentum áfengisgjaldsins
í úrræði fyrir þolendur áfengis og vímuefna
vandans, þar á meðal úrræði fyrir börn alkóhól
ista. „Það er skylda samfélagsins að viðurkenna
tilvist þessara barna og vanda þeirra,“ segir
í tillögu SÁÁ, „viðurkenna að það er hægt að
þróa úrræði til að bæta líf [barnanna] – það er
skylda samfélagsins að veita þessum börnum
okkar bestu mögulegu hjálp.“
Sigríður
Dögg
Auðunsdóttir
sigridur@
frettatiminn.is
sjónarhóll
Sætar franskar
frá McCain
Sætu kartöflurnar frá McCain eru ómótstæðilega
bragðgóðar og ríkar af A-vítamíni. Þú skellir þeim í
ofninn og áður en þú veist af ertu komin(n) með
girnilegt og gómsætt meðlæti. Prófaðu núna!
Bolli er ekki bara bolli og rétta útlitið getur
breytt öllu. Smekkur manna er mismunandi
og bollarnir frá Kahla eru misstórir, mislitir
og fjölbreyttir í laginu svo flestir geta fundið
þann rétta fyrir sig. Spáðu í bollana hjá Kokku,
í verslun okkar eða á kokka.is
JÓ
N
S
S
O
N
&
L
E
’M
A
C
K
S
•
j
l.
is
•
S
ÍA
Bollaleggingar
Helgin 19.-21. október 201218 viðhorf