Fréttatíminn - 18.10.2013, Blaðsíða 4

Styrktar
tónleikar
Til styrktar sjóðs gigtveikra barna
kl. 20 í Háskólabíói Þriðjudaginn 22.okt
Þjóðþekktir tónlistamenn koma fram
Sjá nánar á midi.is
veður Föstudagur laugardagur sunnudagur
Hæg A-átt og þurrt. VíðAst
léttskýjAð og næturfrost.
HöfuðborgArsVæðið: Léttskýjað og
hægur andvari. hiti ofan frostmarks.
þutt og sólríkt um lAnd Allt.
HægViðri og Hægt kólnAndi.
HöfuðborgArsVæðið: Bjartviðri
og næturfrost.
smáél Við sjóinn A-lAnds, en AnnArs
þurrt, en þykknAr upp syðst.
HöfuðborgArsVæðið: Áfram sóL
og stiLLa og heLdur kóLnandi.
stillt og fallegt veður
Lítið lát viðist vera á haustblíðunni.
háþrýstingur við landið er þrálátur og
á meðan eru vindar hægir og til landins
hreinlega hægviðri. Á morgun er
útlit fyrir að nánast heiðríkt verði um
mikinn hluta landsins. fágæt
skilyrði til norðurljósa-
skoðunar ef af verður. Á
sunnudag dregur upp
ský á himin, en áfram
verður úrkomulaust
utan a- og sa-strand-
arinnar þar sem hætt
er við éljum.
7
3 3
4
7
3
1 -2 0
3
1
1 -1 -1
3
einar sveinbjörnsson
vedurvaktin@vedurvaktin.is
 aFbrot mikil breyting á aFstöðu milli ára
Íslendingar telja kyn-
ferðisbrot alvarlegust
Íslendingar líta á kynferðisbrot sem alvarlegustu brotin í samfélaginu. Þetta er í fyrsta sinn sem
kynferðisbrotin tróna á toppnum í langtímarannsókninni „viðhorf Íslendinga til afbrota“ sem
hófst fyrir 24 árum. enn er afgerandi andstaða gegn dauðarefsingum en andstaðan hefur þó
minnkað lítillega frá fyrri árum.
Í fyrsta sinn líta Íslendingar á kynferðis-brot sem alvarlegustu afbrotin í samfé-laginu. Þetta er niðurstaða rannsóknar
sem Helgi Gunnlaugsson, prófessor í félags-
fræði, gerði í samstarfi við Jónas Orra Jónas-
son, MA í félagsfræði. Helgi hefur frá árinu
1989 leitt rannsóknina „Afstaða Íslendinga til
afbrota“ og hefur neysla fíkniefna nær alltaf
verið nefnd af flestum sem alvarlegasta vanda-
mál afbrota á Íslandi, allt frá þriðjungi þjóðar-
innar til yfir helmings hennar. Í ár nefndu
flestir kynferðisbrot, eða 36%. Konur hafa
alltaf haft meiri áhyggjur af kynferðisbrotum,
41% kvenna nú samanborið við 32% karla.
Heildarniðurstöður rannsóknarinnar í ár
verða kynntar í Þjóðarspeglinum – ráðstefnu í
Háskóla Íslands föstudaginn 25. október.
Rannsóknin miðar að því að kanna við-
horf Íslendinga til afbrota og hvort afstaðan
breytist yfir tíma, út frá nokkrum spurning-
um sem hafa verið lagðar reglulega fyrir úr-
tak Íslendinga síðustu 24 árin í samvinnu við
Félagsvísindastofnun Háskóla Íslands. Helgi
bendir á að mikil aukning sé milli ára á fjölda
þeirra sem telji kynferðisbrot alvarlegust, en
í fyrra voru það aðeins 13%. „Mjög líklegt er
að umræða um kynferðisbrot í byrjun ársins
hafi haft mikil áhrif enda þjóðin nýbúin að
fara í gegnum erfiða og þunga umfjöllun um
kynferðisbrot gegn börnum,“ segir hann.
Í rannsókninni er fólk einnig spurt hverja
það telji vera mikilvægustu ástæðu þess að
fólk leiðist út í afbrot. Afstaðan hefur ekki
breyst að neinu marki á árunum 1989-2013.
Ætíð nefna flestir áfengis- og fíkniefna-
neyslu, eða 55-73%. Helsta breytingin er að
nú nefna 12% vægar refsingar en mun færri
hafa áður nefnt þær.
Áfram er afgerandi andstaða gegn dauða-
refsingum en í dag eru 83% andvígir því
að Íslendingar taki upp dauðarefsingar við
alvarlegum glæpum eins og morði af yfir-
lögðu ráði. Þetta er þó eilítið minni andstaða
en áður en árin 2002 og 1997 voru 89% mót-
fallnir dauðarefsingum. „Breivik-málið og
þung umræða um barnaníðinga hefur því
ekki breytt miklu,“ segir Helgi. Heldur fleiri
karlar fylgjandi dauðarefsingum en konur,
og yngra fólk frekar en eldra.
erla Hlynsdóttir
erla@frettatiminn.is
AfstAðA til nýlegrA dómsmálA
í rannsókninni var fólk spurt um afstöðu til raunverulegra dómsmála.
kynferðisbrot
„23 ára karlmaður sem ekki hefur
áður hlotið dóm hefur samræði
við 22 ára konu er hún liggur í
áfengisdái á heimili hans. myndir
þú segja að refsivist í fangelsi í 18
mánuði og miskabætur til þolanda
upp á 600 þúsund krónur sé:
Hæfilegur dómur, of vægur eða of
harður“.
 of vægur 75%
 Hæfilegur 21%
 of harður 4%
fíkniefnabrot
„29 ára karlmaður sem
ekki hefur áður hlotið dóm
er sekur um ræktun á 300
kannabisplöntum sem
alls gefa af sér 19 kíló af
kannabisefnum. myndir þú
segja að refsivist í fangelsi í
1 ár sé: Hæfilegur dómur, of
vægur eða of harður.“
 of vægur 56%
 Hæfilegur 34%
 of harður 10%
„Gagnrýnin er meiri á nauðgun-
ardóminn en fíkniefnabrotið enda
hefur lengi verið þung undiralda
í samfélaginu gagnvart dóms-
kerfinu í kynferðisbrotamálum
sem hefur skilað sér í þyngri
refsingum á síðustu misserum,“
segir Helgi Gunnlaugsson.
36% Íslendinga telja
kynferðisbrot vera
alvarlegustu brotin.
Þetta er mikil aukning
frá síðasta ári þar
sem aðeins 12% töldu
kynferðisbrot vera
alvarlegust. Ljósmynd/
NordicPhotos/GettyImages
jónas orri jónas-
son, ma í félags-
fræði frá háskóla
Íslands.
helgi gunnlaugs-
son, prófessor í
félagsfræði við
háskóla Íslands.
Borgin byggir
félagsbústaði
reykjavíkurborg mun beita sér fyrir
uppbyggingu almenns leiguhúsnæðis í
borginni í gegnum félagsbústaði, sem
er félag í eigu reykjavíkurborgar, að því
er fram kemur í tillögum húsnæðishóps
borgarráðs sem teknar voru fyrir á fundi
borgarráðs í gær. tillögurnar hafa það
að markmiði að 2.500 til þrjú þúsund
leiguíbúðir rísi á byggingarreitum víða í
Reykjavík á næstu þremur til fimm árum.
gert er ráð fyrir að uppbyggingin fari fram
í gegnum lóðaúthlutanir fyrir rótgróin
byggingarfélög, en að jafnframt verði ný
slík félög stofnuð í samráði við fulltrúa
verkalýðshreyfingarinnar. Uppbyggingar-
áætlun fylgir tillögunum og gerir hún ráð
fyrir að allt að helmingur nýrra íbúða sem
ráðist verði í til 2018 verði leiguíbúðir eða
búseturéttaríbúðir.
sýning um
íslenskt atvinnulíf
sýning um íslenskt atvinnulíf er í undir-
búningi hjá háskólanum á Bifröst en stefnt
er að því að sýningin opni í lok maí 2014.
sýningin verður öllum opin og er henni
ætlað að draga upp fjölbreytta og jákvæða
mynd af íslenskum fyrirtækjum og þýðingu
þeirra fyrir samfélagið. stjórnendur
og starfsfólk fyrirtækja munu kynna
starfsemi sína og kynna með margvís-
legum leiðum hvaða verðmæti þau eru
að skapa og hvernig. framtíðarsýn fyrir-
tækjanna verður gerð skil og því munu
gestir komast í góða snertingu við íslenskt
nútímaatvinnulíf. maría ólafsdóttir hefur
verið ráðin sýningarstjóri en hún starfaði
sem blaðamaður á morgunblaðinu og er
með Ba gráðu í blaðamennsku frá há-
skólanum í Sheffield sem og MA gráðu í
þjóðfræði frá háskóla Íslands.
nægt framboð er af starfsfólki en þó örlar á starfsmanna-
skorti í byggingarstarfsemi, samgöngum og ferðaþjónustu.
stöðnun í fjárfestingum og á vinnumarkaði
Flestir stjórndur telja aðstæður í atvinnulífinu vera í meðallagi og að þær batni ekki
á næstu sex mánuðum. Mun fleiri telja aðstæður í atvinnulífinu vera slæmar en að
þær séu góðar. nægt framboð er af starfsfólki en það örlar á starfsmannaskorti í
byggingarstarfsemi, samgöngum og ferðaþjónustu. Útlit er fyrir að fjárfestingar fyrir-
tækjanna standi í stað á árinu og í heild gera stjórnendur ráð fyrir óbreyttum starfs-
mannafjölda næstu sex mánuði, að því er fram kemur í ársfjórðungslegri könnun en
Samtök atvinnulífsins eru í samstarfi við Seðlabanka Íslands um reglubundna könnun
á stöðu og framtíðarhorfum stærstu fyrirtækja á Íslandi. Capacent
kannar.
Framleiðslu- og þjónustugeta fyrirtækjanna er vannýtt í flestum
tilfellum, að því er fram kemur í könnuninni. að jafnaði vænta
stjórnendur 3,7% verðbólgu næstu 12 mánuði og 4,6% eftir tvö ár.
stjórnendur búast við að gengi krónunnar veikist heldur á næst-
unni og að stýrivextir seðlabankans verði óbreyttir.
tæplega helmingur stjórnenda býst við að hagnaður, sem
hlutfall af veltu, á þessu ári verði svipaður og á síðasta ári, og
álíka margir að hann aukist og að hann minnki. horfur um
hagnað eru bestar í samgöngum og ferðaþjónustu, fjármála-
starfsemi og verslun en lakastar í byggingarstarfsemi, iðnaði,
sjávarútvegi og sérhæfðri þjónustu. horfur um hagnað eru
betri á höfuðborgarsvæðinu en á landsbyggðinni og nokkuð
betri hjá útflutningsfyrirtækjum en öðrum fyrirtækjum.
4 fréttir helgin 18.-20. október 2013