Fréttatíminn - 18.10.2013, Blaðsíða 64

 Kórsöngur Landssamband bLandaðra Kóra fagnar 75 ára afmæLi um heLgina
Níu hundruð kórsöngvarar í Hörpu
Fjölmennasti tónlistarviðburður sem haldinn hefur verið í Hörpu.
Blandaðir kórar landsins munu syngja sig inn í Hörpu
og hjörtu landsmanna um helgina í tilefni af 75 ára
afmæli Landssambands blandaðra kóra. Á hátíðinni
koma saman 24 blandaðir kórar víðs vegar af land-
inu, alls um 900 kórsöngvarar. 25 örtónleikar verða í
Hörpu á morgun, laugardaginn 19. október, frá klukk-
an 13 til 17. Örtónleikarnir verða í Norðurljósum og
opnum rýmum Hörpu. Aðgangur að þeim er ókeypis.
Á hátíðartónleikunum á sunnudaginn verður tón-
leikagestum boðið að syngja með í helstu kórperlum
landsins. 10 kórar flytja eigin efnisskrá og samkór
frumflytur sérpantað hátíðarlag eftir Hreiðar Inga
Þorsteinsson. Robert Sund, einn þekktasti kórstjóri
Norðurlanda, stjórnar Gloria og Sanctus úr eigin
messu ásamt 2 píanóum og 3 slagverksleikurum. Þá
frumflytur Hamrahlíðarkórinn verk eftir Jón Nordal
sem í ár er 87 ára. Hátíðartónleikarnir hefjast klukkan
15 á sunnudaginn. Miðasala er á harpa.is.
Segja má að kórsöngur sé einskonar þjóðaríþrótt Ís-
lendinga og tónleikarnir um helgina eru fjölmennasti
tónlistarviðburður sem haldinn hefur verið í Hörpu.
Í aðdraganda undirbúnings tónleikanna hafa verið
skrásettir 106 blandaðir kórar – og eru að mati að-
standenda tónleikanna örugglega ekki allir taldir. Til
samanburðar má nefna að rúmlega 30 kvennakórar og
tæplega 30 karlakórar eru starfandi á landinu. -jh
Kór Kópavogskirkju er meðal
blandaðra kóra sem koma fram
í Hörpu um helgina. Stjórnandi
hans er Lenka Mátéová.
b orgarleikhúsið frumsýnir á morgun, laugardag, í samstarfi við unga nýja listamenn leik-
verkið Saumur eftir Anthony Neilson. Á
hverju ári útskrifar Listaháskólinn hátt
á þriðja tug sviðslistafólks en Borgar-
leikhúsið hefur í gegnum árin kappkost-
að að fá vaxtarsprota inn í húsið, leikara,
leikstjóra, höfunda og fleiri. Einn af
þessum vaxtarsprotum er Ríkharður
Hjartar Magnússon sem leikstýrir
verkinu.
Sagan fjallar um par í stormasömu
sambandi sem neyðist til að ákveða
hvort það sé tilbúið til þess að ala upp
barn. Unga parið veltir fyrir sér hvort
það eigi framtíð saman þrátt fyrir reiði
og biturð yfir svikum fortíðarinnar. Ef
hvorki er hægt að taka til baka það sem
sagt hefur verið né það sem hefur verið
gert, er þá hægt að hefja nýtt líf án þess
að fyrirgefa?
Verkið var upphaflega útskriftarverk-
efni leikstjórans Ríkharðs Hjartar úr
Fræði og framkvæmd við Listaháskóla
Íslands og vakti mikla athygli en verður
nú sýnt í nýrri og endurbættri útgáfu á
Litla sviði Borgarleikhússins.
Anthony Neilson er, að því er fram
kemur í tilkynningu Borgarleikhússins,
tvímælalaust eitt magnaðasta samtíma-
leikskáld Bretlands. Hann hefur skrifað
mikinn fjölda leikrita, gríðarlega ólík að
gerð, innihaldi og framsetningu. Meðal
verka eftir Neilson sem flutt hafa verið
hérlendis má nefna Penetreitor, Ófagra
veröld og Lík í óskilum.
Jónas Haraldsson
jonas@frettatiminn.is
 saumur frumsýning í borgarLeiKhúsinu
Óráðin framtíð pars í
stormasömu sambandi
Leikarar í verkinu eru Hjörtur Jóhann
Jónsson og Vala Kristín Eiríksdóttir.
Um eða yfir 200 börn hér á landi á aldrinum 1-18 ára þjást af gigt. Á
hverju ári greinast 10-14 börn með gigtarsjúkdóm og sum þeirra með al-
varlega gigt. Gigtarfélagið vinnur nú að því að stofna styrktarsjóð fyrir
gigtveik börn og af þeim sökum verða haldnir veglegir styrktartónleikar
þriðjudagskvöldið 22. október í Háskólabíói. Markmið styrktarsjóðsins
er að bæta lífsgæði gigtveikra barna og fjölskyldna þeirra.
Fjöldi listamanna kemur fram og allir gefa þeir vinnu sína. Fram koma
Páll Óskar, Jóhanna Guðrún, Jón Jónsson, Friðrik Dór, Védís Hervör, Erna
Hrönn, Dikta, Dimma og fleiri. Kynnir er Jóhannes Haukur Jóhannesson
leikari. Tónleikarnir hefjast klukkan 20 og miðaverð er 3.000 krónur.
Styrktartónleikar
fyrir gigtveik börn
Jóhanna Guðrún treður upp á tónleikunum
í Háskólabíói. Ljósmynd/NordicPhotos/Getty
64 menning Helgin 18.-20. október 2013
v
Myndlistarsjóður
auglýsir eftir
umsóknum
Upplýsingar um myndlistarsjóð, umsóknareyðublað, úthlutunarreglur
og leiðbeiningar er að finna á vefsíðu myndlistarráðs myndlistarsjodur.is
Myndlistarsjóði er ætlað að stuðla að
framgangi listsköpunar, kynningu og
aukinni þekkingu á íslenskri myndlist
hérlendis sem erlendis. Sjóðurinn veitir
verkefnastyrki sem ætlaðir eru til að
auðvelda framkvæmd verkefna á sviði
listsköpunar og listrannsókna.
Umsóknarfrestur er
2.desember 2013
kl.17:00
TVEIR HRAFNAR
listhús, Art Gallery
Baldursgata 12 101 Reykjavík
+354 552 8822 +354 863 6860 +354 863 6885
art@tveirhrafnar.is www.tveirhrafnar.is
Opnunartímar: 11:00-17:00 miðvikudaga til föstudaga
13:00-16:00 laugardaga og eftir samkomulagi
TVEIR HRAFNAR
LISTHÚS
Davíð Örn Halldórsson
Hallgrímur Helgason
Hulda Hákon
Húbert Nói Jóhannesson
Jón Óskar
Ragnar Þórisson
Steinunn Þórarinsdóttir
Óli G. Jóhannsson
og Kristján Davíðsson
74,6% ... kvenna 35 - 49 ára á höfuðborgarsvæðinu lesa Fréttatímann*
*konur 35 – 49 ára
á höfuðborgarsvæðinu.
Capacent jan - mars 2013
850 svör