Fréttatíminn - 18.10.2013, Síða 70

Þetta gæti því
vaxið hratt og þeir
vilja fá aðra plötu
frá okkur fljótlega.
 GIG Gospel Innrás á BandaríkIn
Himneskt dauðafæri
GIG, Gospel Invasion Group, er ein fárra gospel-hljómsveita á Íslandi og sú fyrsta sem fær
raunverulegt tækifæri til þess að spreyta sig utan landsteinanna. Sveitin er nýbúin að gera
samning við bandaríska útgáfufyrirtækið Tate Music Group. Guðni Gunnarsson, trymbill
sveitarinnar, segir þau hafa fengið sannkallað dauðafæri og ómögulegt sé að segja til um
hvert samningurinn muni fleyta þeim ef vel tekst til enda nýtur gospel-tónlist mikilla vinsælda í
Bandaríkjunum.
H ljómsveitin Gospel Invasion Group hefur starfað í ellefu ár og gaf nýlega út sína fimmtu geislaplötu, God with us. GIG gerði nýlega samning við útgáfufyrirtækið Tate
Music Group og mun herja á Bandaríkjamarkað með nýju plötunni
í byrjun næsta árs. Og þar er eftir miklu að slægjast enda gospel
feikivinsælt í Bandaríkjunum þar sem ótal útvarps- og sjónvarps-
stöðvar senda eingöngu út efni á kristilegum nótum.
Hjónin Guðni Gunnarsson trommuleikari og Daney Haralds-
dóttir eru aðalsprauturnar í bandinu og þau eru í tónlistinni af lífi
og sál enda alin upp í „þessum bransa,“ eins og Guðni orðar það en
hann á ekki trúarsannfæringuna langt að sækja, sonur predikar-
ans Gunnars Þorsteinssonar sem jafnan er kenndur við Krossinn.
„Við erum búin að vinna saman í þessu í ellefu ár og þetta er
okkar sameiginlega verkefni,“ segir Guðni og nú bendir flest til
þess að þau uppskeri eins og þau hafa sáð. „Þetta er gríðarlega
flott og öflugt fyrirtæki og þetta er fyrsta íslenska gospel-hljóm-
sveitin sem gerir slíkan samning.“
GIG hefur haft franskan umboðsmann í fjögur ár og Guðni
segir hann hafa lagt mikla áherslu á að koma þeim á samning
ytra. „Hann talaði við þetta fyrirtæki og sendi þeim lag með okkur
og þeir voru fljótir að slá til. Þetta er mjög stórt fyrirtæki og það
er stórmál að fá svona samning vegna þess að þetta er gríðar-
lega stór gospel-markaður og mjög eftirsótt að ná samningi sem
þessum.“
Guðni segir útgáfufyrirtækið hafa góðar tengingar við eitthvað
um 400 gospel- útvarpsstöðvar og sambönd út um allan heim,
þannig að í raun sé ómögulegt að spá til um hvert þessi samning-
ur geti skilað þeim.
„Þetta er allavegana dauðafæri og gríðarlega flott tækifæri.
Þetta gæti því vaxið hratt og þeir vilja fá aðra plötu frá okkur
fljótlega og ætla að skjóta henni hærra. Gert er ráð fyrir að God
with us komi út í Bandaríkjunum í janúar og hún fer inn á iTunes,
Amazon og þessar stærstu sölusíður og svo er planið að fara til
Bandaríkjanna og fylgja henni eftir.“
Þórarinn Þórarinsson
toti@frettatiminn.is
Guðni Gunnarsson
trommar með GIG og
segist þannig fá að
vera með mest læti
á meðan eiginkona
hans, Daney Haralds-
dóttir er í forgrunni og
syngur eins og engill.
Hið sígilda lag Gunnars Þórðarsonar,
Vetrar sól, við texta Ólafs Hauks Símon-
arsonar er á plötunni, bæði á ensku og
íslensku en Gunnar og Óalfur Haukur
hrifust svo af laginu í meðförum GIG að
Ólafur orti enskan texta byggðan á frum-
texta sínum.
 arnór oG ólI UnGIr leIkarar á UppleIð
Rosalega frábært tækifæri
Hafnfirðingarnir Arnór Björnsson og Óli Gunnar Gunnars-
son frumsýndu eigið leikrit, Unglinginn, í Gaflaraleikhúsinu
á fimmtudagskvöld og sýndu og sönnuðu að þrátt fyrir ung-
an aldur að í þeim leynast bæði efnileg leikskáld og leikarar.
Þeir félagar eru fjórtán og fimmtán ára en hugmyndin
um að þeir settust við skriftir kom frá kennara þeirra á leik-
listarnámskeiði sem sá að þeir hefðu fulla burði til þess
að semja leikrit um líf unglingsins. „Þetta var ógeðslega
skemmtilegt,“ segir Arnór um skriftirnar. „Þetta er bara það
sem við elskum, að semja og leika. Og að fá að gera svona
langt handrit og setja það upp er bara alger draumur.“
Óli Gunnar segir þá félaga hana gripið hugmynd kennara
síns á lofti. „Við tókum þetta bara að okkur.“
Leikkonan Björk Jakobsdóttir og móðir Óla Gunnars tók
leikstjórnina að sér þar sem kennari strákanna hafði ekki
tíma til þess. „Þeir létu ekki staðar numið bara við hug-
myndina, eins og við gerum svo mörg. Þeir settust við skrift-
ir og mættu svo bara í vor með fullbúið handrit og okkur
leist bara svo vel á að við vildum endilega styðja þá í þessu
verkefni og gefa þeim svolítið faglegan umbúnað.“
En hvernig er að vinna undir leikstjórn mömmu sinnar?
„Hún hefur nú leikstýrt okkur áður þannig að við vissum
hverju von var á,“ segir Arnór. „Og um leið og við erum
komnir niður í leikhús þá er hún ekki lengur mamma neins.
Þá er hún bara orðinn leikstjórinn.“
Björk segir viðbrögð áhorfenda á forsýningu lofa mjög
góðu og hróður drengjanna hefur þegar borist það langt að
Ríkisútvarpið hefur fengið þá til þess að semja stutt grínat-
riði.
„Já, sketsa-þættirnir. Það er rosalegt fjör og rosalegt tæki-
færi sem við erum mjög spenntir fyrir. Þetta er rosa frábært.
Það eru mjög fáir sem fá svona tækifæri, ég meina, þótt að
þú sért með hæfileika þá færðu mjög sjaldan svona tækifæri.
Maður verður bara að vinna mikið,“ segir Óli Gunnar. -þþ
Arnór og Óli Gunnar gerðu sér lítið fyrir og sömdu leik-
ritið Unglinginn sem þeir sýna í Gaflaraleikhúsinu.
Útgefendur berjast um bók Bergsveins
Bókamessunni í Frankfurt lauk um síðustu helgi og gerðu útsend-
arar bókaútgáfunnar Bjarts og Veraldar góða ferð þangað. Ungur
glæpasagnahöfundur, Jón Óttar, vakti athygli en erlendir útgefendur
voru þó sérstaklega spenntir fyrir verkum Bergsveins Birgissonar.
Guðrún Vilmundardóttir, bókaútgefandi hjá Bjarti, segir í samtali við
Fréttatímann að útgefendur um allan heim séu nú að skoða útgáfu á
Svari við bréfi Helgu, bók Bergsveins. Bókin kom út á frönsku í sumar
og hefur selst í yfir tíu þúsund eintökum. Að sögn Guðrúnar er bókin í
þriðja sæti yfir „uppáhalds þýddu bækur bóksala“ þetta haustið.
„Franski útgefandi Bergsveins, Zulma, er mjög vel tengdur út í hinn
stóra heim, sérstaklega til Austurlanda, og því rignir nú eftir messuna
inn fyrirspurnum frá mjög framandi löndum. Maður veit ekki hvernig
Bjarni bóndi hefði kunnað við þetta, svei mér þá,“ segir Guðrún í
léttum tón.
Bergsveinn hefur ekki setið auðum höndum því fyrir skemmstu kom
út á norsku bókin Svarti víkingurinn: Saga Geirmundar Heljarskinns.
Að sögn Guðrúnar er þetta fræðirit en, „það er á dagskrá að smíða
róman upp úr efninu“.
Guðrún hjá Bjarti segir að bókafólkið í Frankfurt hafi skemmt sér vel
þegar titillinn á væntanlegri skáldsögu Jóns Kalmans Stefánssonar
barst í tal. Bókin kallast Fiskarnir hafa enga fætur. „Kalman á orðið
rótgróna útgefendur víða um lönd, sem er gaman að hitta marga sam-
an í góðum hópi, og þeir hlógu mikið og flissuðu við að snara þessum
kostulega titli yfir á hin ýmsu tungumál, sænsku, þýsku, ítölsku og
portúgölsku...,“ segir Guðrún.
Bók Bergsveins Birgissonar, Svar við bréfi Helgu, hefur notið mikilla vinsælda og
ekkert lát virðist ætla að vera á. Útgefendur á bókamesssunni í Frankfurt sýndu
bókinni mikinn áhuga.
70 dægurmál Helgin 18.-20. október 2013