Fréttatíminn - 25.10.2013, Blaðsíða 2

ÞÚ ÁTT ÞAÐ SKILIÐ – NJÓTTU
 Ofbeldi Karlar eiga erfiðara með að greina frá KynferðisOfbeldi
Kynjamunur á áhrif-
um kynferðisofbeldis
Áhrif kynferðisofbeldis
í æsku eru ólík eftir
kynjum. Karlmenn beina
tilfinningum sínum út
á við en konur bæla
þær niður. Þetta er
niðurstaða nýrrar ís-
lenskrar rannsóknar.
Í viðtölum við þátt-
takendur kom fram
að karlarnir urðu fyrir
fordómum þegar þeir
greindu frá ofbeldinu og
einum var í framhaldinu
meinað að umgangast
systkinabörn sín.
K ynjamunur er á því hvaða áhrif kynferðisofbeldi í æsku hefur á fólk. Karl-
menn eru líklegri til að beina
tilfinningum sínum út á við með
því að sýna reiði, árásargirni og
andfélagslega hegðun, en konur
líklegri til að bæla niður tilfinn-
ingar sínar og draga sig í hlé. Þetta
er niðurstaða eigindlegrar saman-
burðarrannsóknar Sigrúnar Sig-
urðardóttur, lektors við heilbrigðis-
vísindasvið Háskólans á Akureyri,
og samræmast þær niðurstöðum
erlendra rannsókna.
Sigrún tók alls 28 viðtöl við sjö
karlmenn og sjö konur sem urðu
fyrir kynferðisofbeldi í æsku. Flest
urðu þau fyrir ofbeldinu frá 4-5 ára
aldri en þátttakendur voru á aldrin-
um 30-65 þegar viðtölin voru tekin.
„Hjá báðum kynjum hafði gerend-
um tekist að koma inn sektarkennd
hjá börnunum þannig að þau upp-
lifðu sig ábyrg fyrir ofbeldinu.
Drengirnir virtust þar að auki
hafa verið í tilvistarkreppu
því þeir stóðu í þeirri trú að
„svona komi ekki fyrir
stráka.“ Karlarnir voru
frekar í afneitun og
leituðu sér síður
aðstoðar en
konurnar. Þá
voru dæmi um
að karlarnir
yrðu fyrir
fordómum
og jafnvel
útskúfun
þegar þeir sögðu frá því ofbeldi sem
þeir urðu fyrir sem börn og gekk
það svo langt að einum þeirra var
þá meinað að umgangast systkina-
börn sín. „Karlarnir töldu að ein
helsta ástæðan fyrir því að karl-
menn segja ekki frá kynferðisof-
beldi í æsku að sumir haldi að öll
fórnarlömb verði seinna gerendur,“
segir Sigrún.
Bæði kynin áttu erfitt með að
treysta fólki og mynda tengsl,
jafnvel við maka og börn. „Karl-
arnir sögðu konum sínum ekki frá
ofbeldinu og fannst erfitt að halda
leyndarmáli frá þeim. Konurnar
áttu mun erfiðara með líkamlega
snertingu en karlarnir. Bæði karl-
arnir og konurnar töluðu um að
minningar um ofbeldið ásæktu þau,
jafnvel á meðan á kynlífi við maka
stóð. Ein konan varð fyrir því að sjá
afa sinn endurtekið fyrir sér þegar
hún átti síst von á því,“ segir hún.
Fullorðinsárin einkenndust af
sársauka hjá bæði körlunum og
konunum. Allar konurnar glímdu
þar að auki við fjölþætt heilsufars-
vandamál á borð við vefjagigt og
svefnleysi. Karlarnir gripu til þess
í meira mæli en konurnar að reyna
að deyfa vanlíðan sína með áfengi.
Grein Sigrúnar um rannsóknina
bíður birtingar í erlendu fagtíma-
riti en fyrri rannsóknir hennar á
kynferðisofbeldi hafa einnig verið
birtar í alþjóðlegum vísindaritum.
Erla Hlynsdóttir
erla@frettatiminn.is
Sigrún Sigurðar-
dóttir, lektor
við heilbrigðis-
vísindasvið
Háskólans á
Akureyri.
Karlarnir í rannsókninni töldu að ein helsta ástæðan fyrir því að karlmenn segja ekki frá kynferðisofbeldi í æsku að sumir haldi
að öll fórnarlömb verði seinna gerendur. NordicPhotos/Getty
 sOrp samKOmulag um meðhöndlun úrgangs á höfuðbOrgarsvæðinu
Hætt að urða sorp á Álfsnesi
Stjórn samtaka sveitarfélaga á höfuðborgar-
svæðinu (SHH) hefur samþykkt eigandasam-
komulag um meðhöndlun úrgangs sem verður
undirritaður í dag á fundi samtakanna. Stefnt
er að því að hætta urðun í Álfsnesi í Reykjavík
á næstu fjórum til fimm árum auk þess sem
reisa á gas- og jarðgerðarstöð í Álfsnesi. „Þetta
er auðvitað öllum til góðs og þá sérstaklega þá
sem búa nálægt þessu. Þetta er mikið ánægju-
efni fyrir Mosfellinga,“ segir Haraldur Sverris-
son, bæjarstjóri Mosfellsbæjar.
„Þetta hefur verið mjög lengi í umræðunni
vegna stefnumörkunar sveitarfélaganna og
þeirra óþæginda sem þessi starfsemi hefur haft
fyrir íbúa Mosfellsbæjar. Meðal annars höfum
við hjá bæjarstjórn Mosfellsbæjar farið að skoða
tæknilausnir á Norðurlöndunum og niðurstað-
an er komin fram í þessu sem er mjög góð fyrir
Sorpu og sveitarfélögin á höfuðborgarsvæðinu
sem og Mosfellsbæ að vera búin að gera sam-
komulag um meðhöndlum úrgangs á mjög
nútímalega máta,“ segir Haraldur.
Samkomulagið felur í sér að Sorpa og sveitar-
félögin á höfuðborgarsvæðinu ætla að leita
samstarfs við önnur byggðarlög á Suðurlandi,
Suðurnesjum og Vesturlandi um úrræði á með-
höndlun úrgangs. „Meiningin er að reisa gas-
og jarðgerðarstöð í Álfsnesi en þó ekki á þeim
stað sem upprunalega var talað um, heldur fjær
Mosfellsbæ og úr augsýn,“ segir Haraldur. -mep
Ruslahaug-
arnir á Álfs-
nesi munu
brátt heyra
sögunni til.
Mynd/Hari
Rjúpnaveiðitímabilið hafið
Í dag hefst rjúpnaveiðitímabilið sem varir
fjórar helgar í röð; frá föstudegi til sunnu-
dags í hverri viku. Eingöngu er leyfilegt
að veiða í 12 daga, það er á föstudögum,
laugardögum og sunnudögum næstu
fjórar helgar. - eh
Jafnréttisvikan hafin
Árleg Jafnréttisvika hófst í gær og
lýkur henni með Jafnréttisþingi þann
1. nóvember. Félags- og húsnæðis-
málaráðherra ásamt Jafnréttisráði boða til
þingsins, í samræmi við lög um jafna stöðu
og jafnan rétt kvenna og karla, en vikan
fyrir það verður helguð jafnréttismálum.
Áskorun hefur verið send á fjölmiðla, aðila
vinnumarkaðarins, sveitarfélög og fleiri
til að vekja sérstaka athygli á jafnrétti
kynjanna þessa viku.
Á Jafnréttisþinginu, sem haldið
verður á Hilton Reykjavík Nordica hótel,
verður meðal annars fjallað um afleiðingar
kynjaskipts vinnumarkaðar, meðferð
nauðgunarmála innan réttarkerfisins og
kynjaða hagstjórn.
Eygló Harðardóttir, félags- og hús-
næðismálaráðherra, kynnir þar skýrslu
um stöðu og þróun jafnréttismála 2013.
Hlutverk þingsins er að efna til samræðu
milli stjórnvalda og þjóðar um málefni
kynjajafnréttis og gefa öllum áhugasömum
kost á að hafa áhrif á stefnu stjórnvalda í
jafnréttismálum. -eh
Vilja vekja athygli á
samfélagslegri ábyrgð
JCI Ísland auglýsir eftir tilnefningum á
einstaklingum sem hafa verið að vinna í
samfélagslegri ábyrgð innan fyrirtækja
sinna. JCI Ísland eru alþjóðleg samtök
sem stuðla að því að vekja meðvitund og
skilning á samfélagslegri ábyrgð fyrirtækja
„corporate social responsibility“ og vinna
að verðlaunaafhendingunni „The Creative
Young Entrepreneur Award“ (CYEA) sem
verður haldin í fyrsta skipti nú í lok nóvem-
ber og verður árlegur viðburður. „Það
að fyrirtæki hafi stefnu í samfélagslegri
ábyrgð þarf ekki að fela í sér að fyrirtæki
leggi til beina fjármuni í verkefni heldur er
hægt að taka þátt í samfélagslegri ábyrgð
með ýmsum hætti. Gott viðskiptasiðferði,
áhrif starfsemi fyrirtækisins á umhverfið,
heilsu, öryggismál og mannréttindamál
eru lykilatriði í samfélagslegri ábyrgð,“
segir Lyuba Kharitonova sem vinnur í
markaðsrannsóknum hjá tölvuleikafyrir-
tækinu CCP og er meðlimur í JCI Ísland.
-mep
Vegur á faglegum forsendum
„Ákvörðun um veglínu Álftanes-
vegar hefur ávallt byggst á
faglegum forsendum og aldrei
verið tekin í sérstöku samráði við
landeigendur,“ segir í tilkynningu
frá Garðabæ vegna mótmæla
við nýjan veg um Gálgahraun.
„Núverandi veglína nýs Álftanes-
vegar liggur í landi Selskarðs á sama stað og gamli Álftanesvegurinn og því verða
engar bætur greiddar til landeigenda vegna hans,“ segir ennfremur í tilkynningunni
og er þar með vísað á bug sögusögnum um að fjölskylda fjármálaráðherra, Bjarna
Benediktssonar, hagnist á framkvæmdinni. Faðir Bjarna er einn eigenda Selskarðs. Þá
segir ennfremur að samkvæmt aðalskipulagi Garðabæjar sé jörðin Selskarð skilgreind
sem óbyggt svæði að undanskildum þeim hluta sem skilgreindur er sem svæði fyrir
þjónustustofnanir. „Vangaveltur um að veglína Álftanesvegar geti varðað landeigend-
ur fjárhagslegum hagsmunum vegna sölu lóða fá því engan vegin staðist. Lóðir verða
ekki seldar á svæði sem í skipulagi er skilgreint sem óbyggt svæði.“ -sda
2 fréttir Helgin 25.-27. október 2013