Fréttatíminn - 25.10.2013, Blaðsíða 68

68 bíó Helgin 25.-27. október 2013
Það má því
segja að
Greeng-
rass sé á
heimavelli
með Tom
Hanks úti
á reginhafi
þar sem
hann
rekur sögu
Phillips
skipstjóra.
 Frumsýnd Captain phillips
l eikstjórinn Paul Greengrass kann upp á sína tíu fingur að setja saman þéttar og góðar spennumyndir. Honum telst
sérstaklega til tekna í þeim efnum að hann
fer ekki hefðbundnar leiðir og nær yfirleitt
að gefa þeim sögum sem hann segir mikinn
slagkraft.
Hann leikstýrði The Bourne Supremacy
og The Bourne Ultimatum, tveimur seinni
myndunum í Bourne-þríleiknum, með Matt
Damon í titilhlutverkinu. Ágætis myndir sem
lítið er út á að setja sem spennumyndir en
Greengrass er hins vegar bestur þegar hann
keyrir upp spennuna í sönnum sögum. Hann
vakti til dæmis mikla og verðskuldaða athygli
2002 með Bloody Sunday, leikinni mynd í
hálfgerðum heimildarmyndastíl og fjallaði
um mótmælagöngu á Norður-Írlandi í janúar
1972. Mótmælin snerust upp í blóðbað þegar
breskir hermenn létu til skarar skríða gegn
mótmælendum af fullri hörku.
Þá vakti myndin United 93 ekki síður mikla
athygli árið 2006 en þar sem spunnin var upp
hugsanleg atburðarás í fjórðu flugvélinni sem
var rænt þann 11. september 2001 og hrapaði
í Pennsylvaníu. Í myndinni sneru farþegar um
borð vörn í sókn og buðu hryðjuverkamönn-
unum byrginn.
Það má því segja að Greengrass sé á heima-
velli með Tom Hanks úti á reginhafi þar sem
hann rekur sögu Phillips skipstjóra. Phillips
var skipstjóri á flutningaskipinu Maersk Ala-
bama sem sómalskir sjóræningjar rændu árið
2009. Við tekur æsispennandi og magnþrung-
in atburðarás þar sem skipstjórinn reynir allt
sem hann getur til þess að leysa málin frið-
samlega og leggur þar með líf sitt að veði.
Bandarísk yfirvöld senda herskip á vett-
vang en Phillips veit manna best að hann
og gíslarnir í áhöfn hans eiga litla von um
að verða frelsaðir með vopnavaldi þar sem
sjóræningjarnir eru fastir fyrir og eins og
alkunna er semja bandarísk yfirvöld ekki við
hryðjuverkamenn.
Greengrass rekur atburðina frá ýmsum
sjónarhornum og sjóræningjarnir njóta
nokkurrar samúðar og leikstjórinn reynir að
flétta pólitískri gagnrýni á alþjóðavæðinguna
saman við hasarinn.
Tom Hanks þykir standa sig frábærlega
í túlkun sinni á skipstjóranum og nýliðinn
Barkhad Abdi þykir ekki gefa honum neitt
eftir í hlutverki annars tveggja leiðtoga
sjóræningjanna. En sá, Muse, glímir við sam-
visku sína á meðan félagi hans, Bilal er öllu
kaldrifjaðari.
Aðrir miðlar: Imdb. 8,1, Rotten Tomatoes: 94%,
Metacritic: 83%.
Kvikmyndirnar Captain Phillips og Gravity eru ansi ólíkar enda gerist önnur úti í geimnum en hin
úti á hafi. Þær eru þó einhverjar umtöluðustu Hollywood-myndirnar þessar vikurnar enda þykja
þær stórgóðar og trekkja vel í miðasölunni. Captain Phillips er byggð á raunverulegum atburðum
og segir frá hremmingum skipstjóra sem lendir í klóm sómalskra sjóræningja. Tom Hanks leikur
skipstjórann og þykir líklegur til að landa sínum þriðju Óskarsverðlaunum fyrir frammistöðu sína.
Þórarinn
Þórarinsson
toti@frettatiminn.is
Hanks tekur stefnuna
á þriðja Óskarinn
Tom Hanks leggur sig allan fram í hlutverki Phillips skipstjóra og reynir að leysa gíslatöku um borð í skipi sínu friðsamlega.
SKÓLANEMAR: 25% AfSLáttuR gEgN fRAMvíSuN SKíRtEiNiS!
MEÐ StuÐNiNgi REYKJAvíKuRBORgAR & KviKMYNDAMiÐStÖÐvAR íSLANDS - MiÐASALA: 412 7711
pARADíS: tRú (16)
SJÁ SÝNINGARTÍMA Á BIOPARADIS.IS
pOSSESSiON (16)
SuNNuDAG: 20.00
LABYRiNth lAu - SuN: 16.00
Þú getur nálgast Fréttatímann frítt á
þjónustustöðvum N1 um land allt
HELGARBLAÐ
Græna ljósið frumsýnir Frances Ha, athyglisverða mynd frá leik-
stjóranum Noah Baumbach (Squid and the Whale, Margot at
the Wedding). Greta Gerwig (To Rome with Love) leikur villu-
ráfandi konu sem þvælist um stræti New York þar sem vináttan
er könnuð og metnaður, mistök og endurlausnir koma við sögu.
Vitleysingarnir í Jackass-hópnum hafa skreytt fávitagangs-
myndir sínar með kostulegri persónu óheflaðs og ruddalegs
gamalmennis sem Johnny Knoxville túlkar. Nú hefur þetta glat-
aða gamalmenni fengið sína eigin mynd í Bad Grandpa. Þar
ferðast hann um með meintu barnabarni sínu og þeir rugla og
bulla í saklausu fólki að hætti Borats.
Johnny Knoxville læst vera ruglað
gamalmenni og blekkir saklaust fólk
út í alls konar vitleysu. Frances Ha...
... og ömurlegur afi
 Frumsýndar
Disconnect
Disconnect er fyrsta
bíómynd leikstjórans
Henrys Alex Rubin
sem var tilnefndur til
Óskarsverðlauna fyrir
heimildarmyndina Mur-
derball árið 2006. Hér
segir Rubin þrjár að-
skildar sögur sem allar
fjalla um hremmingar
fólks á netinu. Neteinelti
og fleiri stafræn óáran
keyra sögurnar áfram
þar til þær renna saman
í eina heild.
Aðrir miðlar: Imdb: 7,5, Rotten Tomatoes: 67%, Metacritic: 69%