Fréttatíminn - 25.10.2013, Side 29

stæður fyrir ákveðna sjúklinga eru
ekki eins og best verður á kosið,
við viljum bæta aðstöðu fyrir við-
kvæma sjúklingahópa eins og
krabbameinssjúklinga sem þurfa
sannarlega betri aðstöðu,“ segir
Ragna.
Bára Benediktsdóttir, mannauðs-
ráðgjafi bráðasviðs, segir að sviðið
sé þokkalega sett hvað varðar
starfsfólk þótt auðvitað sé einhver
skortur á læknum. Síðustu þrjú ár
hafa hins vegar fimm sérfræðingar
í bráðalækningum ráðið sig til
sviðsins sem hafa nýverið lokið sér-
menntun í faginu erlendis og fleiri
séu væntanlegir.
Alls eru 18 sérfræðilæknar starf-
andi á sviðinu auk 16 deildarlækna.
Auk sérfræðinga í bráðalækning-
um séu þar sérfræðingar í hinum
ýmsu greinum læknisfræðinnar,
svo sem í lungnalækningum, heim-
ilislækningum, skurðlækningum,
nýburalækningum, bráðabarna-
lækningum og fleira. Alls starfa um
90 hjúkrunarfræðingar á bráða-
móttöku og 15 sjúkraliðar auk 25
móttökuritara.
Undir hádegi fer sjúklingum að
fjölga. Þeir koma með sjúkrabílum,
með aðstandendum eða sjálfir og
eru meðhöndlaðir eftir því hve
veikindi þeirra sýnast bráð við
fyrstu skoðun. Veikustu sjúkling-
arnir, sem eru í bráðri hættu, eru
meðhöndlaðir á jarðhæð en þeir
sem eru ekki í bráðri hættu flytjast
upp á aðra hæð. Á annarri hæð eru
meðhöndluð langflest beinbrot,
nema þau sem eru talin ógna lífi
fólks. „Hingað kemur þverskurður
af samfélaginu,“ segir Guðlaug
Rakel. „Og allir fá sömu þjónustu.
Við leggjum metnað okkar í að
koma eins fram við alla, sama í
hvaða ástandi fólk er,“ segir hún og
bendir á að kjörorð bráðadeildar
séu „Við fyrir þig“.
Smáslys og beinbrot algengust
Algengustu ástæðurnar fyrir
komu á bráðamóttöku eru smá-
slys, svo sem skurðir, tognanir
eða minniháttar beinbrot, að sögn
Hjalta Más Björnssonar, sérfræð-
ings í bráðalækningum. Einnig er
mikið um alvarleg bráð veikindi
á borð við kransæðastíflur og
heilablóðföll. „Hér áður fyrr var
bráðadeildin móttökueining þar
sem sjúklingar fóru í gegn til að
leggjast á aðrar deildir. Nú er það
hins vegar svo að ef sjúklingar
koma frá öðrum læknum úti í bæ
leggjast þeir beint inn á deildir. Á
bráðadeild koma þess í stað þeir
sem eru með bráð veikindi eða
óljós einkenni. Okkar verkefni er
þá að greina sjúklingana og finna út
á hvaða deild þeir eigi að leggjast,“
segir Hjalti.
Algeng ástæða komu er eitrun
vegna ofneyslu lyfja eða áfengis- og
fíkniefna. Á vikulegum fundi lækna
og hjúkrunarfræðinga deildarinn-
ar, svokölluðum L &L fundi, sem
stendur fyrir „lærum og lagfærum“
er farið yfir tvö tilfelli sem þykja
þess eðlis að það geti reynst lær-
dómsríkt fyrir deildina að fara yfir
þau saman. „Ýmist eru tekin dæmi
þar sem við teljum að eitthvað hefði
ef til vill mátt betur fara, eða dæmi
þar sem sérstaklega vel tókst að
leysa úr flóknum vandamálum sem
við teljum að allir geti ef til vill lært
af,“ segir Guðlaug Rakel. Þennan
morguninn er sagt frá tveimur til-
fellum sjúklinga sem komu inn með
einkenni sem bentu fyrst í stað
til eitrana. Annað reyndist eitrun
vegna langvarandi lyfjanotkunar
en hitt reyndist sýking. Farið er yfir
tilvikin skref fyrir skref og læknar
og hjúkrunarfræðingar beðnir að
leggja til hvaða rannsóknir skuli
panta og lesa úr niðurstöðum
þeirra. Í þessu tilfelli voru viðstadd-
ir almennt sammála um að vel hefði
verið leyst úr málum sjúklinganna
þótt fáein atriði hefðu mátt betur
fara en þau eru lítilvæg í þessum
tilfellum.
Starfsfólk er almennt ánægt
með starfsandann þótt allir
séu sammála um að starfsað-
staðan sé langt undir því sem
ásættanlegt mætti teljast. Hér
starfar stór og góður hópur
frábærra starfsmanna sem
hefur metnað til að sinna
sjúklingum af fagmennsku
og umhyggju. Ragna óttast að
fólk sé farið að fyllast vonleysi
yfir ástandinu. „Það þarf að
vekja vonina aftur,“ segir hún.
„Við erum föst í þessu erfiða
ástandi. Við verðum að fá að
vita að það vari ekki að eilífu.
Þá kemur gleðin aftur,“ segir
hún. Spurð hvernig hægt sé
að bæta ástandið til skemmri
tíma segir hún að nauðsyn-
legt sé að ráðast í tækjakaup
sem allra fyrst. „Starfsfólkið
var byrjað að leita á eBay að
stól fyrir háls-, nef- og eyrna-
lækna því skoðunarstóllinn
brotnaði um daginn og við
höfum ekki efni á að kaupa
nýjan,“ bendir hún á. Guð-
laug Rakel tekur undir þetta.
„Við erum með langan lista af
tækjum sem bráðnauðsynlegt
er að festa kaup á. Ég myndi
áætla að tækjakaup hafi
numið 6 milljónum á síðasta
ári. Þörfin var að minnsta
kosti 60 milljónir,“ segir Guð-
laug Rakel.
Sigríður Dögg Auðunsdóttir
sigridur@frettatiminn.is
Blöndun krabbameinslyfja í æð
Í framleiðslueiningu apóteksins,
sem heyrir undir bráðasvið, fer
fram blöndun á krabbameins-
lyfjum og næringu í æð. Unnið
er með smitgát til að koma í
veg fyrir bakteríumengun og
tryggja gæði framleiðslunnar og
öryggi sjúklinganna. Til þess þarf
sérútbúið húsnæði og sérþjálfað
starfsfólk sem vinnur samkvæmt
gæðastöðlum. Í blöndunar-
einingunni fer fram blöndun á
öllum krabbameinslyfjum fyrir
Landspítala, ásamt næringu í
æð, bæði fyrir börn og fullorðna.
Auk þess eru í apótekinu búnir
til augndropar úr stungulyfjum
sem annars væru ófáanlegir.
Þar er líka blandað töluvert af
flóknum verkjadreypum, bæði
fyrir inniliggjandi sjúklinga og
sjúklinga í heimahúsum.
Alls eru allt að 23 þúsund
blöndur blandaðar á ári í
einingunni bæði fyrir Landspít-
ala og sjúklinga í heimahúsi en
að meðaltali er blönduð næring
eða verkjalyf fyrir 5-10 sjúklinga
utan spítalans á hverjum tíma.
Þessi þjónusta gerir sjúklingum
kleift að dvelja heima og er hægt
að útskrifa þá fyrr en ella, spara
þannig peninga og auka lífsgæði
sjúklinganna.
Starfsfólkið var
byrjað að leita
á eBay að stól
fyrir háls-, nef- og
eyrnalækna því
skoðunarstóllinn
brotnaði um dag-
inn og við höfum
ekki efni á að
kaupa nýjan.
fréttaskýring 29 Helgin 25.-27. október 2013