Fréttatíminn - 25.10.2013, Síða 78

 TónlisT HljómsveiTin Drangar gefur úT plöTu og ferðasT um lanDið
Blanda af Siggu Beinteins, Bó og GCD
„Við erum hrikalega spenntir að sjá hvað fólki finnst því
okkur finnst þetta geðveik plata. Mamma er hrifin af lagi
sex og ellefu enda syng ég mest í þeim. Pabbi kom á eina
æfingu og sagði bara jamm og já og fór strax út. En svo
höfum við verið að heyra frá fleira fólki sem er ánægt og
sjálfstraustið er að koma aftur,“ segir Örn Elías Guðmunds-
son, Mugison.
Mugison skipar hljómsveitina Dranga ásamt Ómari Guð-
jónssyni og Jónasi Sigurðssyni en fyrsta plata sveitarinnar
kom út í vikunni. Útgáfutónleikar Dranga voru í Iðnó á mið-
vikudagskvöld og liðsmenn sveitarinnar eru nú lagðir upp
í tónleikaferð um landið. Allar upplýsingar um tónleikana
má finna á Drangar.is.
Drangar urðu til þegar Jónas og Ómar voru að rúnta um
landið og Mugison bað um að fá að troða upp með þeim á
Vagninum á Flateyri. „Eftir það kvöld vorum við svo spennt-
ir að það voru uppi hugmyndir að ég héldi áfram með þeim
á ferðalaginu. Svo fattaði ég að ég ætti tvö börn, konu og
einhverjar skuldbindingar,“ segir Mugison.
Í febrúar komu tvímenningarnir vestur til Mugisons og
þá sömdu þeir 30 lög á tveimur sólarhringum. „Það reyndist
helvíti auðvelt að búa til lögin og við héldum að við værum
með einhverja náðargáfu. Svo var bölvuð þrautaganga að
semja textana og syngja inn á plötuna.“
Og hvernig músík er þetta, við hverju má fólk búast?
„Fyrstu lögin sem við sömdum... þá var augljóst að þarna
væru miðaldra karlar sem langaði til að spila rokktónlist.
Svo þegar við náðum þeim hrolli úr okkur þá kom slatti af
lögum í rólegri kantinum. Annars eru þetta bara ótrúlega
næs blanda af Siggu Beinteins, Bó og GCD.“ -hdm
Ómar, Mugison og Jónas eru lagðir upp í hringferð um
landið. Fyrsta plata Dranga er komin út. Ljósmynd/Hari
Airwaves að hefjast
Fimmtánda Iceland Airwaves-tónlistarhá-
tíðin fer fram í miðborg Reykjavíkur í
næstu viku. Hátíðin sjálf hefst á miðviku-
dag og stendur fram á sunnudag. Löngu
er uppselt og eru þeir sem tryggðu sér
miða eflaust þegar farnir að skipuleggja
dagskrána í appi hátíðarinnar. Þeir sem
ekki eru svo heppnir geta huggað sig
við að boðið er upp á yfir 600 tónleika
utan dagskrár og ókeypis er inn á þá alla.
Dagskráin hefst þegar á mánudag í Lucky
Records við Hlemm og næstu vikuna geta
áhugasamir fundið forvitnilega tónleika
um alla borg. Einn af nýju tónleikastöð-
unum í ár er Kvosin Downtown Hotel þar
sem John Grant treður meðal annars upp.
Bó vinsæll
sem fyrr
Miðasala á Jólagesti Björg-
vins Halldórssonar hófst
með látum í gærmorgun.
Allir miðar, um þrjú þúsund
talsins, seldust upp á innan
við tíu mínútum. Ákveðið
hefur verið að bæta við
aukatónleikum klukkan 16
sama dag, laugardaginn 14.
desember, og er sala á þá
hafin.
Vinsæl stuttmynd
Stuttmynd Guðmundar Arnars Guðmunds-
sonar, Hvalfjörður, hefur verið valin besta
stuttmyndin á þremur virtum alþjóðlegum
kvikmyndahátíðum á undanförnum dögum.
Myndin hlaut
Golden Starfish
verðlaunin
þegar hún var
frumsýnd á
Hamptons há-
tíðinni í
Banda-
ríkjunum og
er þar með
orðin gjaldgeng
fyrir tilnefningu
til Óskars-
verðlauna fyrir
bestu leiknu
stuttmyndina
árið 2015. Þá
var hún valin
besta stutt-
myndin á Film
Fest Gent hátíðinni í Belgíu en með þeim sigri
hlaut hún tilnefningu til Evrópsku kvikmynda-
verðlaunanna 2014. Síðast en ekki síst var
Hvalfjörður valin besta leikna stuttmyndin á
alþjóðlegu kvikmyndahátíðinni í Varsjá í Pól-
landi sem lauk um síðustu helgi.
v ið erum að tala um æsispennandi skemmtiþátt fyrir alla fjölskylduna,“ segir Skarphéðinn Guðmundsson, dagskrárstjóri RÚV.
Nýr skemmtiþáttur fer í loftið á RÚV hinn níunda nóvember
næstkomandi og verður á laugardagskvöldum til áramóta.
Þátturinn heitir Vertu viss og er byggður á erlendri fyrir-
mynd. Hann hefur notið mikilla vinsælda sem The Money
Drop í Bandaríkjunum, The Million Pound Drop í Bretlandi
og Pengene på bordet í Svíþjóð og Danmörku. Kynnir þáttar-
ins verður hinn þrautreyndi Þórhallur Gunnarsson, fyrrum
dagskrárstjóri RÚV og ritstjóri Kastljóssins. Munu eflaust
margir fagna endurkomu hans á skjáinn en hann starfar nú
sem framleiðslustjóri hjá Saga Film. Það fyrirtæki framleiðir
einmitt umræddan þátt svo það hafa verið hæg heimatökin við
ráðninguna.
Skarphéðinn segir að tveir keppendur taki saman þátt í
leiknum og þurfa þeir að svara spurningum til að eiga mögu-
leika á að vinna tíu milljónir króna. „Þú færð 10 milljónir í upp-
hafi þáttar og það er þitt að klúðra þeim. Eina sem keppendur
þurfa að gera er að svara átta spurningum en með hverri
spurningu eru fjórir svarkostir og keppendur leggja peninga
undir þau svör sem þeir telja líklegust. En þetta er engan veg-
inn aðalatriðið. Aðalatriðið er skemmtunin sem þessu fylgir,
spennan, togstreitan og skemmtunin.“
Þátturinn er gerður í samstarfi við Íslandsspil – sem er
söfnunarfélag Rauða krossins, SÁÁ og Landsbjargar – og
leggur það til verðlaunafé. Um leið verður vakin athygli á söfn-
unarstarfinu og þeim þörfu málefnum sem það stendur fyrir,
að sögn Skarphéðins. „Þátturinn er mjög í anda hins vinsæla
Viltu vinna milljón?, nema hvað að í þessum þætti byrja kepp-
endur með fúlgur fjár og verða að spila vel til að halda því.“
Og dagskrárstjórinn er ánægður með þessa viðbót í dag-
skrána.
„Mér finnst hafa sárlega vantað slíka
þætti undanfarin ár. Þátt sem sameinar
alla fjölskylduna við sjónvarpstækið á
laugardagskvöldi. Þannig þætti
á RÚV líka að bjóða upp á. Eins
og hefur sýnt sig svo vel með
Fólkinu í blokkinni þar sem
hálf þjóðin hefur setið fyrir
framan tækið á sunnudög-
um,“ segir Skarphéðinn.
Nýjustu dagskrármæl-
ingar Capacent styðja þessa
fullyrðingu Skarphéðins.
Um síðustu helgi var
meðaláhorf á þáttinn 44,2
prósent og var hann lang-
vinsælasti dagskrárliðurinn í
íslensku sjónvarpi þá vikuna.
Höskuldur Daði Magnússon
hdm@frettatiminn.is
 sjónvarp ÞórHallur gunnarsson sTýrir nýjum ÞæTTi á rúv
Tíu milljóna verðlaunafé
í nýjum fjölskylduþætti
Þórhallur Gunnarsson
snýr aftur á skjáinn í
nýjum fjölskylduþætti
á RÚV í nóvember.
Dagskrárstjórinn
vonast til að þátturinn
sameini fjölskylduna
fyrir framan sjónvarps-
tækið. Þátttakendur
geta unnið sér inn tíu
milljónir króna.
Þórhallur Gunnarsson
snýr aftur á skjáinn sem
kynnir í skemmtiþætt-
inum Vertu viss sem
fer í loftið á RÚV
í nóvember.
Vetur
2013
Laugavegur 58 • S. 551 4884 • stillfashion.is

PHILOSOPHY BLUES ORIGINAL
anne 1994
78 dægurmál Helgin 25.-27. október 2013