Fréttatíminn - 25.10.2013, Qupperneq 41

Jólahlaðborð Helgin 25.-27. október 2013
Verslunareigendur!
Ítalskir pappírspokar
í úrvali
Eingöngu sala
til fyrirtækja
Opið 08.00 - 16.00
www.flora.is | info@flora.is | Réttarhálsi 2 | 110 Rvk | Sími: 535 8500
Jólaandinn svífur yfir Laugarvatni
Í ágúst síðastliðnum opnuðu þeir Sverrir Steinn Sverrisson og Sveinn Jakob Pálsson gistiheimili í Héraðs-
skólanum á Laugarvatni sem hefur fengið
góðar viðtökur á fyrstu mánuðunum. Frá
miðjum nóvember verður boðið upp á
jólahlaðborð og gistingu fyrir stærri og
minni hópa. Að sögn Sverris er einstak-
lega jólalegt um að litast á Laugarvatni í
desember. „Héraðsskólinn og þorpið allt
er baðað jólaljósum svo hér verður mikil
jólagleði og við lýsum upp skammdegið
hérna á Suðurlandi. Ég er ekki frá því að
jólasveinninn búi hérna,“ segir hann og
hlær.
Lions-klúbburinn á Laugarvatni
stendur fyrir kertafleytingum á vatninu
laugardaginn 30. nóvember. „Þetta er ár-
legur viðburður hérna þar sem fólk sam-
einast í frið og kærleika. Þann sama dag
verður Kvenfélagið með jólamarkað sem
er mjög skemmtilegur.“ Þeir Sverrir og
Sveinn ætla að standa fyrir luktagöngu
í desember sem nánar verður auglýst
þegar nær dregur.
Helgin 1. og 3. nóvember verður alls-
herjar afmælishelgi á Laugarvatni en þá
verður Héraðsskólinn 85 ára, veitinga-
húsið Lindin 20 ára, Gallerí Laugarvatn
tíu ára auk þess sem veitinga- og gisti-
staðurinn Efstidalur fagnar árs afmæli
sínu. „Þessa sömu helgi verður safna-
helgi Suðurlands svo það verður mikið
um að vera hérna. Í Héraðsskólanum
verður opið hús alla helgina svo fólk get-
ur gengið um og skoðað gamla skólann
og þá starfsemi sem hér er. Á afmælis-
degi skólans, 1. nóvember, bjóðum upp á
kaffi og Héraðsskólavöfflu á 550 krónur.
Þá verður tveir fyrir einn tilboð í Fontana,
sérstök jólaopnun í Galleríinu, Lindin
mun gefa súkkulaðimús í kaupbæti og
Efstidalur verður með opið hús. Þetta
verður samstillt átak ferðaþjónustuaðila á
svæðinu og viljum við opna dyrnar upp á
gátt og bjóða fólk velkomið í kyrrðina hér
á Laugarvatni.“
Dagný Hulda Erlendsdóttir
dagnyhulda@frettatiminn.is
Héraðsskólinn býður upp á jólahlaðborð fyrir stærri og minni hópa frá miðjum nóvember. Helgina 1. til 3. nóvember fagnar Héraðsskólinn á Laugarvatni 85 ára afmæli sínu. Þar var opnað gistiheimili í ágúst síðastliðnum.
Jólalegt verður um að litast á Laugarvatni á aðventunni. Boðið verður upp á
jólahlaðborð í Héraðsskólanum frá miðjum nóvember og fyrstu helgina í aðventu
verður kertafleyting í þágu friðar á vegum Lions-klúbbsins og jólamarkaður hjá
Kvenfélaginu. Helgin 1. til 3. nóvember verður allsherjar afmælishelgi á Laugarvatni.
Jólaljósin á Laugarvatni munu lýsa upp skammdegið. Sumir telja jafnvel að jólasveinninn búi þar. Ljósmynd/Pálmi Hilmarsson.