Fréttatíminn - 25.10.2013, Qupperneq 60

60 bílar Helgin 25.-27. október 2013
 Skoda EfStur í vali í danmörku og á íSlandi
Octavia bíll ársins í Danmörku
 rEynSluakStur kia SorEnto
Mikið fyrir peningana
Er bíllinn þinn klár
fyrir veturinn?
Löður kynnir
Rain-X býður upp á fullkomna yfirborðsvörn
Rain-X verndar bílinn, eykur útsýni og öryggi
Rain-X er ekki bara fyrir framrúðuna
Rain-X fylgir öllum bílaþvotti í svampburstastöð Löðurs á Fiskislóð 29 og er
fáanlegur á snertilausu þvottastöðum Löðurs á Grjóthálsi og Fiskislóð 29
Við erum á sex stöðum á höfuðborgarsvæðinu
www.lodur.is
k ia er orðin þriðja vinsælasta bílategundin á Íslandi, á eftir Toyota og Volkswagen. Það er í raun ekki skrýtið því óhætt er
að segja að sá sem kaupir Kia bíl fái mikið fyrir
peningana. Endursöluverð Kia er gott og bil-
anatíðni er lág. Svo segir að minnsta kosti syst-
ir mín sem er nú að íhuga að kaupa nýjan fjöl-
skyldubíl. Og hún gerir aldrei neitt vanhugsað.
Foreldrar mínir hafa átt Kia í hátt í áratug,
fyrst Sorento og síðan Kia Cee'd sportswagon
og hafa verið mjög ánægðir með báða bílana.
Sjálf keypti ég Kia Picanto fyrir sex árum og
reyndist hann fínasti annar bíll eins og hann
var hugsaður.
Ég varð ekki fyrir vonbrigðum þegar ég
reynsluók nýjum Kia Sorento á dögunum. Hann
er þægilegur í akstri, rúmgóður og vel hannaður
að innan sem utan.
Það sem ég er hrifnust að við Sorentoinn er
að hann er sjö sæta! Ég hef áður talað um nauð-
syn þess að eiga sjö manna bíl, meira segja þótt
börnin séu ekki fleiri en þrjú (sem er reyndar
ekki tilfellið hjá mér). Ef tvö börn vilja bjóða
tveimur vinum í heimsókn eftir skóla eða leik-
skóla vandast málið nema bíllinn sé sjö sæta.
Skottið verður að sjálfsögðu frekar lítið þegar
öll sætin eru í notkun, en sæmilegt þó. Þegar
einungis fimm sæti eru í notkun er það hins
vegar mjög rúmgott.
Sorentoinn er búinn öllum nútíma tækninýj-
ungum og öryggislausnum. Hann skorar mjög
hátt á öryggisprófum enda með loftpúðum að
framan, til hliðar og loftpúðagardínum í fram-
og aftursæti.
Kia Sorento kostar frá 7,3 milljónum sem er
mjög samkeppnishæft verð fyrir jeppling – svo
ekki sé talað um sjö manna jeppling. Mér fannst
hann minna dálítið á Hyundai Santa Fe, sem ég
átti einu sinni, enda alls ekki ósvipaðir bílar.
Hann er sæmilega eyðslugrannur af svo
stórum bíl að vera, eyðir 6,7 lítrum á hverja
hundrað kílómetra í blönduðum akstri.
Sigríður Dögg
Auðunsdóttir
sigridur@ frettatiminn.is
Nýr Kia Sorento er fallegur og þægilegur fjölskyldubíll. Stærsti kostur hans er að hann er sjö
manna sem er óneitanlega þægilegt þegar skutlast þarf með börn og vini þeirra milli staða.
7 manna
Gott verð
Fallegur
Þægilegur í akstri
Gluggar í aftursæti hátt uppi
Verð 7.300.000 kr
Hámarkshraði 190 km/klst
Eldsneytisnotkun 6,4 l/100km í
blönduðum akstri
Breidd 1,621 m
CO2 blandaður akstur 175 g/km Sorento er fallegur
bíll með ýmsa kosti
sem henta vel
nútímafjölskyldum.
Skoda Octavia var valinn bíll ársins 2014
í Danmörku. Alls komu 24 bílar til greina
í vali dönsku bílablaðamannanna en að
lokum stóð slagurinn milli fimm bíla, Skoda
Octavia, Mazda 3, Peugeot 308, Citroën C4
Picasso og Volkswagen Golf. Þegar upp var
staðið fékk Octavian 144 stig, Mazdan 130,
Peugeot-bíllinn 129, Citroën-bíllinn 100 og
Golfinn 97.
Þetta er annað árið í röð sem Skoda er
valinn bíll ársins í Danmörku en í fyrra
deildi smábíllinn Skoda Citigo sætinu með
systurbílum sínum, Volkswagen Up og Seat
Mii. Volkswagen Up er mest seldi bíllinn
í Danmörku á þessu ári, að því er fram
kemur í Jótlandspóstinum.
Þeir bílar sem komu til greina í valinu
í Danmörku í ár voru eftirtaldir: Nissan
Note, Dacia Sandero, Mazda 3, Peugeot
308, Seat Leon, Skoda Octavia, Toyota
Auris, VW Golf, Mazda 6, Citroën C4
Picasso, Dacia Lodgy, Kia Carens, Ford
Kuga, Mitsubishi Outlander, Peugeot 2008,
Renault Captur, Subaru Forester, Suzuki
SX4 S-Cross, Toyota RAV4, BMW 3 GT,
BMW 4 coupé, Opel Adam, Renault Zoe og
Tesla S.
Þess má geta að Skoda Octavia var
einnig valinn bíll ársins 2014 í vali íslenskra
bílablaðamanna nýverið.
Skoda
Octavia er
bíll ársins í
Danmörku,
rétt eins
og hér á
landi.
Kraftmikill Kia Cee'd GT
Kia Cee'd GT er sportútgáfan
af metsölubíl suður-kóreska
bílaframleiðandans Kia
Cee'd, sem selst hefur mjög
vel hér á landi. Cee'd GT er
sportlegur og aflmikill bíll
með 1,6 lítra bensínvél með
túrbínu og 204 hestöfl. Togið
í Kia Cee'd GT er 265 Nm og
hann er aðeins 7,7 sekúndur
í hundraðið. Þrátt fyrir mikið
afl er vélin sparneytin og umhverfismild.
Kia Cee'd GT skartar 18 tommu álfelgum, glerþaki, LCD sportmælaborði, Recaro
sætum, fótstigum úr áli, LED ljósum, tvöföldu pústkerfi og sportfjöðrun. Bíllinn er
talsvert frábrugðinn venjulegum Kia Cee'd í útliti en hönnun hans er sportlegri bæði að
utan sem innan. Innanrýmið þykir mjög vel heppnað, þar sem efnisnotkun er vönduð
og tækjabúnaður ríkulegur, segir í tilkynningu Öskju, umboðsaðila Kia.
„Bíllinn var teiknaður í hönnunarstúdíói Kia í Frankfurt í Þýskalandi en aðalhönnuður
Kia er Þjóðverjinn Peter Schreyer sem á heiðurinn af flottri og endurhannaðri línu Kia
bíla á undanförnum tveimur árum,“ segir enn fremur. Kia Cee'd GT er smíðaður í verk-
smiðju Kia í Slóvakíu.
Sportútgáfan Kia Cee'd GT.