Fréttatíminn - 01.03.2013, Blaðsíða 24

Tölvutek & MP banki
Tæknilega fullkomið
viðskipta samband
Þau hjá Tölvutek vita sem er, að ánægðir
við skipta vinir koma aftur og aftur. Þetta er
sam stilltur hópur sem vill að öll smáatriði
séu í lagi til að fyrirtækið geti gengið eins
og malandi tölva – og haldið stöðugt áfram
að vaxa.
Þess vegna er Tölvutek í viðskiptum hjá okkur.
Ármúli 13a / Borgartún 26 / 540 3200 / www.mp.is banki atvinnulífsins
B
ra
nd
en
b
ur
g
 Stjórnandinn
Að elda góðan mat er mín hugleiðsla
nafn: Guðný Helga Herbertsdóttir.
Starf: Upplýsingafulltrúi Íslands-
banka.
aldur: 34 ára.
Menntun: BSc í viðskiptafræði og
MSc í lögum og viðskiptum Evrópu-
sambandsins.
Fyrri störf: Fréttamaður á Stöð 2.
Maki: Pétur Rúnar Pétursson,
flugstjóri hjá Icelandair.
Börn: Ási Goði og svo á ég helling
í Jóni Alex og Óskari, stjúpsonum
mínum.
Búseta: Garðabær.
Morgunstund
Betri helmingurinn er þessi
ofurhressa A-týpa og sér um
að létta mér lífið þessar mín-
útur sem tekur mig að vakna.
Hann sér til þess að ég fái ís-
kalt vatn með mikilli sítrónu
en það er eitt það besta sem
ég veit á morgnana. Eftir það
er ég klár í flest.
Hefðir
Kannski ekki dags daglega
nema að ég renni alltaf í
gegnum alla miðlana og best
er ef ég fæ góðan kaffibolla
með. Annars er lítið pláss
fyrir hefðir þar sem verkefni
dagsins eru sjaldan eins frá
degi til dags.

Græjan
Ætli uppáhalds græjurnar
mínar sé ekki iPhoninn
minn og Apple TV. Í dag
horfi ég nær eingöngu á
fréttir í sjónvarpinu en vel mér svo
eitthvað á Apple TV-inu.

Minn tími
Minn tími er í eldhúsinu um helg-
ar. Það að elda góðan mat er mín
hugleiðsla. Það er fátt skemmti-
legra en að bjóða góðum vinum í
mat og við erum nokkuð dugleg
við það. Matartími fjölskyldunnar
er líka heilagur en það er oft eini
tími dagsins þar sem allir eru sam-
an og spjalla um tíðindi dagsins.

Áhugamál
Golf númer eitt, tvö og þrjú. Ég er
að vona að áhuginn skili sér í lækk-
aðri forgjöf í sumar en það gerist
ansi hægt. Svo finnst mér æðislegt
að fara á skíði með fjölskyldunni.

Klæðaburður
Mér gæti ekki staðið
meira á sama um
hvaða merki flíkin er
sem ég klæðist, ef
mér finnst hún flott
þá er ég alsæl. Eva
fær reyndar stórt prik
í kladdann fyrir að
bjóða upp á sófa og
kaffi fyrir karlmenn-
ina sem lufsast
með í búðaráp
eiginkvenna
sinna.
 ForMannSSkipti á aðalFundi SaMtaka atvinnulíFSinS
Björgólfur í kjöri eftir að
Vilmundur ákvað að hætta
Fjölbreyttur hópur stjórnenda fjallar á aðalfundinum á
miðvikudaginn um leiðir til að skapa samstöðu um fleiri og
betri störf á Íslandi á næstu árum og bætt lífskjör landsmanna.
F ormannaskipti verða á aðalfundi Samtaka atvinnu-lífsins sem haldinn verður
næsta miðvikudag, 6. mars. Vil-
mundur Jósefsson, núverandi for-
maður, hefur ákveðið að hætta og
stendur kosning formanns nú yfir
meðal félagsmanna SA. Björgólfur
Jóhannsson, forstjóri Icelandair
Group, hefur gefið kost á sér sem
nýr formaður. Kjörgengir til emb-
ættis formanns SA eru stjórnendur
og stjórnarmenn aðildarfyrirtækja
og aðildarfélaga samtakanna. Raf-
rænni kosningu lýkur klukkan 12
á aðalfundardag.
Ganga má frá því sem gefnu
að Björgólfur verði kosinn. Hann
hefur margháttaða reynslu úr
atvinnulífi og félagsstarfi. Björg-
ólfur hefur verið forstjóri Ice-
landair Group frá ársbyrjun 2008
en starfaði áður einkum í sjávarút-
vegi. Hann var forstjóri Icelandic
Group um tveggja ára skeið frá
2006, starfaði sem framkvæmda-
stjóri Síldarvinnslunnar frá 1999,
formaður stjórnar LÍÚ á árunum
2003-2008, var framkvæmdastjóri
nýsköpunar- og þróunarsviðs Sam-
herja frá 1996 og fjármálastjóri
Útgerðarfélags Akureyringa frá
1992-1996. Björgólfur útskrifaðist
sem viðskiptafræðingur frá Há-
skóla Íslands árið 1983 og starfaði
að námi loknu sem endurskoðandi.
Aðalfundurinn verður á Hilton
Reykjavík Nordica. Vilmundur
Jósefsson og Þorsteinn Pálsson,
fyrrverandi forsætisráðherra,
munu flytja erindi á opinni dag-
skrá fundarins. Þá mun fjölbreytt-
ur hópur stjórnenda fjalla um leiðir
til að skapa samstöðu um fleiri og
betri störf á Íslandi á næstu árum
og bæta lífskjör landsmanna.
Venjuleg aðalfundarstörf hefjast
klukkan 13 en opin dagskrá hefst
klukkan 14 í aðalsal Nordica undir
yfirskriftinni Samstöðuleiðin:
Fleiri störf – betri störf. Eftir-
taldir stíga á stokk, auk Vilmundar
og Þorsteins: Guðrún Hafsteins-
dóttir, markaðsstjóri Kjöríss, Ás-
berg Jónsson, framkvæmdastjóri
Nordic Visitor, Adolf Guðmunds-
son, framkvæmdastjóri Gullbergs
og formaður LÍÚ, Rannveig Rist,
forstjóri Rio Tinto Alcan á Íslandi,
Kristín Pétursdóttir, forstjóri Auð-
ar Capital, Eyjólfur Árni Rafnsson,
forstjóri Mannvits, Anna Björk
Bjarnadóttir, framkvæmdastjóri
tæknisviðs Símans og stjórnarfor-
maður Festu.
Fundarstjóri er Grímur Sæ-
mundsen, forstjóri Bláa Lónsins
og varaformaður SA. Í lok fundar
mun nýr formaður Samtaka at-
vinnulífsins flytja lokaorð og slíta
fundi.
Jónas Haraldsson
jonas@frettatimann.is
Aðalfundur Samtaka atvinnulífsins verður haldinn á Hilton Reykjavík Nordica á miðvikudaginn. Vilmundur Jósefsson hættir sem
formaður. Björgólfur Jóhannsson, forstjóri Icelandair Group, er í framboði til formanns. Á fundinum munu stjórnendur fjalla um
leiðir til að skapa samstöðu um fleiri og beetri störf á Íslandi á næstu árum. Mynd: Samtök avinnulífsins
24 fréttir Helgin 1.-3. mars 2013