Fréttatíminn - 01.03.2013, Blaðsíða 70

Herdís Þorvaldsdóttir verður 90 ára á þessu ári og lýkur nú löngum og glæsilegum leikferli í hlutverki 130 ára gamallar
búdda-nunnu í verkinu Karma fyrir fugla. Ljósmynd/Hari
 Herdís Þorvaldsdóttir Á sviði í tæp 80 Ár
Lýkur ferlinum sem nunna
Leikkonan Herdís Þorvaldsdóttir verður 90 ára á þessu ári en lætur aldurinn ekki trufla sig.
Hún stígur á svið í Kassanum í Þjóðleikhúsinu í hlutverki búdda-nunnu í leikritinu Karma fyrir
fugla á föstudagskvöld. Hún fullyrðir að þessi sýning verði sín síðasta enda sé þetta orðið gott
þar sem hún steig fyrst á svið níu ára gömul fyrir hartnær 80 árum.
H erdís Þorvaldsdóttir hefur um áratugaskeið verið ein ástsæl-asta leikkona þjóðarinnar og
þótt hún nálgist nú nírætt er hún enn
að leika. Hún fer með hlutverk 130
ára gamallar búdda-nunnu í leikritinu
Karma fyrir fugla eftir þær Kristínu
Eiríksdóttur og Kari Ósk Grétudóttur en
verkið er frumsýnt á föstudagskvöld.
„Ég byrjaði að leika níu ára gömul og
hef verið á sviði meira og minna síðan.
Í ein 79 ár. Það er ekkert minna,“ segir
Herdís sem taldi sig að vísu vera sesta
í helgan stein þar til Kristín Jóhannes-
dóttir leikstjóri fékk hana til þess að
snúa aftur á fjalirnar.
„Ég var alveg hætt en svo talaði hún
Kristín við mig og vildi endilega fá mig
til þess að leika þessa búdda-nunnu,“
segir Herdís sem hikaði ekki við að slá
til enda finnst henni alltaf jafn gaman að
stíga á svið.
Höfundar Karma fyrir fugla, Kristín
Eiríksdóttir og Kari Ósk Grétudóttir,
eru báðar myndlistarmenntaðar og hér
er á ferðinni frumraun þeirra í leik-
ritun en Kristín hefur vakið athygli fyrir
ljóð sín, smásagnasafnið Doris deyr og
skáldsöguna Hvítfeld sem kom út í fyrra.
Karma fyrir fugla er í senn ljóðrænt
og sálfræðilegt verk um afleiðingar of-
beldis, heljartök fortíðarinnar á sálinni,
ranglæti og fegurð.
Kannski er Elsa sautján ára stúlka
sem er til sölu, kannski er hún miðaldra
vændiskona, kannski heimilislaus gömul
kona, kannski er hún 130 ára búddan-
unna. Herdís leikur sem fyrr segir hina
öldnu búdda-nunnu en önnur ekki síður
dáð leikhússdrottning, Kristbjörg Kjeld,
tekur einnig þátt í sýningunni.
Herdís segir að nú sé óhætt að full-
yrða að Karma fyrir fugla verði sín síð-
asta sýning. „Þetta er síðasta sýningin
mín og það er nú kominn tími til. Mér
finnst þetta skemmtilegt hlutverk og
gaman að enda á þessari nunnu. Það er
ágætt.“
Auk Herdísar og Kristbjargar leika
Maríanna Clara Lúthersdóttir, Ólafía
Hrönn Jónsdóttir, Hilmir Jensson, Þór-
unn Arna Kristjánsdóttir og Þorsteinn
Bachmann í sýningunni.
Þórarinn Þórarinsson
toti@frettatiminn.is
Þetta er
síðasta
sýningin
mín og það
er nú kom-
inn tími til.
Elísabet Jökulsdóttir bjargaði húsinu sínu úr klóm sýslumanns en þó var gert árangurslaust fjár-
nám. Hún tekur því af æðruleysi og gefur út ljóðabók um páskana. Ljósmynd/Hari
 FjÁrnÁm Það var gert FjÁrnÁm í Húsinu Hennar elísabetar
Bjargaði húsinu
og gefur út ljóðabók
„Jú, þetta fór svona. Það var gert fjárnám en
mér tókst með samningum að bjarga húsinu,“
segir skáldkonan Elísabet Jökulsdóttir sem
þurfti að heimsækja sýslumann á dögunum:
„Þetta var eins og í einhverju verki eftir Kafka.
Þeir sátu þarna tveir á skrifstofunni, persneskt
teppi á gólfinu og þegar ég bað um að fá að
hringja í endurskoðandann minn þá mátti ég
það ekki.“
Elísabet segir að þótt niðurstaðan hafi á
endanum verið góð þá hafi þetta tekið á. Um er
að ræða skattaskuld upp á tæpar átta hundruð
þúsund krónur og hún vilji nú standa við sitt
og borga í sameiginlega sjóði. „Það er samt á
mörkunum að ég hafi skilið allt þetta tal þess-
ara manna enda geri mér að leik að þykjast
fávís í svona aðstæðum,“ segir Elísabet en hún
er að fara að gefa út ljóðabók um páskana sem
ber heitið Ástin er ígulker. Eins og nafnið ber
með sér er um ástarljóð að ræða en hún stóð í
skilnaði um svipaði leyti og sýslumannsævin-
týrið hófst.
„Þrátt fyrir að vera mjög þjóðlegt sport
þá tilheyrir það kannski frekar kúltúr
gamalla karla en ungra stúdenta,“ segir
Birkir Blær Ingólfsson tónlistarmaður
og höfundur drykkjuvísu sem nýtur
vinsælda innan háskólasamfélagsins.
Birkir Blær segir að sig hafi langað til
þess að nútímavæða þetta gamalkunna
form og hefur hann nú ásamt félögum
sínum í húsbandi Stúdentakjallarans
gefið út popplag með vísan í drykkju-
skap. Athygli vekur að drykkjuvísan er ort
með tilliti til gamalla kveðskaparreglna
en þar má finna innrím, endarím, stuðla
og höfuðstafi.
„Mér finnst þetta mjög skemmtileg
tegund af kveðskap sem hefur kannski
ekki endilega verið við líði í nútímanum.
Það hefur ekki verið gerð ný drykkjuvísa
í hundrað ár og ég vildi endurvekja þetta
form á skemmtilegan hátt. Ég hef til liðs
við mig ótrúlega hæfileikaríkt tónlistar-
fólk og okkur fannst pínu viðeigandi að
húsband Stúdentakjallarans, þar sem
nemar safnast saman til drykkju, gerði
drykkjuvísu að gömlum sið,“ útskýrir
Birkir Blær.
Stúdentakjallarinn hefur svo ákveðið
að grípa boltann á lofti og hefur efnt
til drykkjukvæðasamkeppni í tilefni
afmælis bjórsins í dag, 1. mars. Að sögn
aðstandenda þar hafa vísurnar hrannast
inn en vinningshafinn verður kynntur í
kvöld á kjallaranum við hátíðlega athöfn.
Hægt er að hlusta á drykkjuvísu
Birkis Blæs á vefsíðunni yotube en hún
heitir einfaldlega Drykkjuvísa – Húsband
Stúdentakjallarans. - mlþ
Marteinn Sindri
og Birkir Blær
hyggjast endur-
vekja gamlar
hefðir í kveðskap
og hafa samið
drykkjuvísu og
klætt í nýstár-
legan búning.
Ljósmynd/Hari
Drykkjuvísa í nútímabúningi
1. Kvöldið dottar í dagsins skauti
það drukknar pottþétt í stjörnuskrauti
er nóttin stormar fram stríðsvöll tímans
steypt í formlausa stjörnuskímu.
2. Miðbærinn fyllist af fullri þjóð sem að
fegin tryllist og dansar óð.
Allir gleyma nöldrinu, gleyma puðinu,
grípa kvöldið og gera stuð. Því að
Öl og gleði
eru bræður.
Ég jákvæður er.
3. Saman reikum við rykug strætin
og saman feikum við bros og kæti.
Því fjörið sniðgengur fólk sem þegir
og feimnir menn eru leiðinlegir.
4. Þú stígur dansinn við dúndurslagið,
í djúpum trans hverfur inní lagið.
Og bassinn kreistir þig, bjórinn mettar
og bráðum veist' í raun aðeins þetta, að
Öl og gleði
eru bræður.
Lagið dunar
dansinn ræður.
Ég jákvæður er.
5. Nú klingi skálirnar. Kveðjum daginn.
Þá kætast sálirnar. Tökum slaginn.
Öl og gleði
eru bræður.
Blásum lífi í
kvöldsins glæður.
Lagið dunar
dansinn ræður.
Ég jákvæður er.
70 dægurmál Helgin 1.-3. mars 2013