Fréttatíminn - 01.03.2013, Blaðsíða 32
Á fimm ára tímabili varð sama fjölskyldan fyrir því að hús hennar stórskemmdust í snjóflóði og eldgosi. Þau fluttu frá Siglufirði í lok árs 1970 því þeim var ekki vært í húsi sínu
sem stórskemmst hafði í snjóflóði árið 1968 og mikil mildi var að
engin slys urðu á fólki. Frá Siglufirði fluttu þau til Vestmannaeyja í
hús sem varð fyrir talsverðu tjóni í gosinu 1973. Þriðja ógæfan átti
síðar eftir að dynja yfir þau og var hún erfiðust þeirra allra. Sonur
hjónanna drukknaði í Hvítá í Borgarfirði árið 1984.
Sunnudagsmorguninn 4. febrúar 1968 vöknuðu hjónin Þórir
Björnsson og Jónína Víglundsdóttir við það að elsta dóttir þeirra,
Gunnhildur Gígja, kom upp í rúm til þeirra. Þórir leit á klukkuna
og sá að hún var 6.40. Yngsta barnið, Fjóla, svaf enn vært í rúmi
við hliðina á hjónarúminu og drengirnir tveir, Björn, 6 ára, og
Hermann, 5 ára, sváfu enn í herberginu sínu. Þau voru í nýbyggðu
húsi að Suðurgötu 76 á Siglufirði og höfðu búið þar í þrjá mánuði.
Á þeim tíma hafði fjölskyldan komið sér vel fyrir í húsi sem þau
sáu fyrir sér sem hreiður til framtíðar. Þar ætluðu þau að ala upp
börnin sín, í faðmi fjalla Siglufjarðar.
Snjóflóðið fyllti húsið
Í þann mund sem Gunnhildur vakti foreldra sína varð sprenging.
Enn var niðamyrkur og tók það Þóri og Nínu fáeinar sekúndur
að átta sig á því sem hafði gerst. Það var í raun ekki fyrr en Þórir
kveikti ljósið í svefnherberginu að þeim varð ljóst að á húsið hafði
fallið snjóflóð. „Húsið hafði fyllst af snjó. Ég fór strax í barna-
herbergið og náði í drengina og mokaði snjónum út úr svefnher-
berginu með hillu úr fataskápnum svo ég gæti lokað dyrunum þar.
Síðan fann ég mér skárra áhald svo ég gæti mokað okkur leið út
úr húsinu, stórt pottlok sem ég fann í þvottahúsinu,“ segir Þórir.
Flóðið hafði fallið á vesturhlið hússins og brotið alla glugga og
flætt þar inn og í gegnum mestallt húsið og út í gegnum glugga að
austanverðu en einnig svipt hluta þaksins af húsinu og flætt inn
á milli þilja og brotið sér leið í gegnum loftið fyrir framan hjóna-
herbergið. Til allrar hamingju höfðu barnaherbergin sloppið því
gluggar þeirra voru á annarri húshlið en þeirri sem flóðið féll á.
Gestaherbergið, sem einnig var saumaherbergi, var hins vegar
á kafi í snjó og hugsuðu hjónin sér til mikillar skelfingar til þess að
þar hefði í raun átt að vera gestur. Guðrún, systir Nínu, var í heim-
sókn hjá þeim hjónum en hafði skroppið út á laugardagskvöldinu.
Vegna þess hve veðrið var slæmt þá um kvöldið ákvað hún að gista
í bænum.
Allar útgönguleiðir voru lokaðar og reyndi Þórir af fremsta
megni að moka sér leið út með hjálp pottloksins. „Ég ákvað að
reyna að moka upp símann svo ég gæti hringt á hjálp en það var að
sjálfsögðu dautt á honum þegar ég náði honum upp,“ segir Þórir.
Húsgögn voru á tjá og tundri, brotin og brömluð innan um glerbrot
úr rúðum hússins saman við harðan snjóinn og var Þórir skorinn
og blóðugur á fótum.
Eftir nokkurn tíma var Þórir var við mannaferðir fyrir utan hús-
ið. Var þar kominn nágranni hans, Reynir Sigurðsson. Náði Þórir
að kalla til hans en þá hafði fjölskyldan verið lokuð inni í svefnher-
berginu í um tvo tíma. Þóri og Reyni tókst í sameiningu að grafa
göng í gegnum snjóinn út um gluggann á eldhúsinu. Þórir mokaði
innan frá og Reynir utan frá og um leið og leiðin var greið leitaði
Þreföld ógæfa fjölskyldu
Á fimm ára
tímabili varð sama
fjölskyldan fyrir
því að hús þeirra
stórskemmdust í
snjóflóði og eld-
gosi og um áratug
eftir gosið í Eyjum
lést einn bróðirinn
er hann féll í
Hvítá í Borgar-
firði. Feðginin
Þórir Björnsson
og Gunnhildur
Gígja, elst sex
systkina, segja
magnaða, en
átakanlega, sögu
fjölskyldunnar.
Á einum tíma
taldi ég fimm-
tán manns
uppi á þaki
og jafnmarga
inni að moka.
Hjónin Jónína Víglundsdóttir og Þórir
Björnsson ásamt fimm eftirlifandi börnum
sínum, Gunnhildi Gígju, Birni, Fjólu, Jón-
Þóri og Sonju. Sjötta systkinið, Hermann,
drukknaði í Hvítá árið 1984, þá tvítugur.
Fjölskyldan upplifði að snjóflóð féll á hús
þeirra á Siglufirði árið 1968 og árið 1973
skemmdist hús þeirra í gosinu í Eyjum.
Framhald á næstu opnu
32 viðtal Helgin 1.-3. mars 2013