Fréttatíminn - 01.03.2013, Blaðsíða 68
Í takt við tÍmann Fannar SveinSSon
Mamma segir að ég sé eins og Japani
Fannar Sveinsson er annar stjórnandi vinsælasta sjónvarpsþáttar landsins, Hraðfrétta.
Fannar verður 25 ára í næsta mánuði. Hann hefur sama smekk á sjónvarpsþáttum og Jón
Gnarr og ætlar að fara í sund á Hofsósi um páskana með kærustunni.
Staðalbúnaður
Ég pæli alveg í hvaða fötum ég geng en er ekki duglegur að
kaupa föt. Ég er búinn að ganga í sömu týpu af gallabuxum
í svona fimm ár, Nudie. Það versta er að þær eru farnar að
kosta svo mikið, 25 þúsund kall. Þegar ég fer til útlanda
reyni ég að kaupa vel af fötum en annars er vinur minn
verslunarstjóri í Sautján og það er auðvelt að fara þangað
og láta hann tína eitthvað á mann. Ég er nefnilega með smá
fóbíu fyrir búðum, mér líður ekki vel í búðum. Þess
vegna er fínt að fara til vinar míns og láta hann sjá um
þetta.
Hugbúnaður
Það kemur alveg fyrir að ég fari á djammið
en ég er aðallega mikill bíófíkill. Ég hugsa
að ég fari tvisvar í viku í bíó, ég reyni að sjá
eins mikið og ég get. Svo horfi ég talsvert á
þætti í sjónvarpinu. Ég var að klára House of
Cards þar sem Kevin Spacey er magnaður.
Bestu þættir allra tíma eru núna The Wire,
Breaking Bad og House of Cards. Ég fór
með Annie Mist á heimsleikana í Cross-
fit árið 2011 fyrir Mbl.is og fór að stunda
Crossfit í kjölfarið. Fyrir hálfu ári byrjaði
ég svo að hreyfa mig á fullu. Formið kemur
og fer því ég er líka duglegur að borða. Við
kærastan förum mikið í sund. Langtíma-
markmiðið er að fara í sundlaugina á Hofs-
ósi, við erum að spá í að fara um páskana.
Vélbúnaður
Ég hef alltaf verið frekar mikið tækjanörd þó ég eigi ekki
mikið af græjum. Ég átti alltaf Canon 400 myndavél en í fyrra
skipti ég henni út fyrir Samsung Galaxy SII síma. Það eru
einhver bestu skipti sem ég hef gert á ævinni. Ég er mikill
calendar-perri og set allt þar inn. Svo flokka ég dagatalið. Ég
hef eiginlega alltaf verið skipulagsfrík. Mamma segir að ég
sé eins og Japani, ég vilji ekki eiga hluti því þá komi drasl.
En þetta kemur sér vel í starfinu þegar þarf að skipuleggja
tökudagana. Ég er nokkuð duglegur á Facebook, bara eins og
hver annar. Svo spila ég Fifa en það hefur minnkað mikið, ég
hef eiginlega ekki tíma í það lengur.
Aukabúnaður
Stærsta áhugamálið mitt er bíó og kvikmyndagerð. Ég keyri
um á sex eða sjö ára gamalli Mözdu og ég er mjög einhæfur
þegar kemur að því að panta mér drykk á bar, það er alltaf
bjór. Eftir að ég kláraði Versló fór ég einn túr á frystitogara
til að safna mér heimsreisu með nokkrum vinum mínum.
Þetta var árið 2008. Svo hrundi allt og heimsreisan varð að
ferðalagi til Ástralíu af því dollarinn þar var hagstæðastur.
Svo reyndar hrundi hann í drasl þegar við komum þangað
en ferðalagið var mjög skemmtilegt. Ég elda aldrei en borða
mikið úti, ég verð að viðurkenna það. Það er í raun fáránlegt
hvað það fara miklir peningar í mat en maður afsakar sig með
því hvað vinnan er óregluleg. Ég fer mikið á Hanann, hann er
í miklu uppáhaldi, og Serrano og Saffran. En ég er líka sukk-
ari, ég dett í pítsu og viðbjóð inni á milli. Ég elska Búlluna og
skil ekki hvar maður borðaði hamborgara áður en hún kom.
Lið Vers-
linga,
frá
vinstri
eru
Úlfur
Þór,
Gísli Þór
og Axel
Helgi.
Gettu betur Átta liða úrSlit
FG gegn Versló í kvöld
Síðasta viðureignin í átta liða úr-
slitum Gettu betur verður í beinni
útsendingu í Sjónvarpinu í kvöld,
föstudagskvöld, klukkan 20. Að
þessu sinni mætast lið Fjölbrauta-
skólans í Garðabæ og Verslunar-
skóla Íslands. Lið MH, MR og
Kvennó eru þegar komin í undan-
úrslit.
Höfundar spurninga og dómarar
eru Þórhildur Ólafsdóttir og Atli
Freyr Steinþórsson. Spyrill er Edda
Hermannsdóttir.
Fréttatíminn tók púlsinn á kepp-
endum liðanna í vikunni. Spurn-
ingaljónin voru beðin að nefna það
lag sem kemur þeim í rétta gírinn
fyrir keppnina í kvöld.
Lið FG
Gunnar Sær Ragnarsson: Freaks and Geeks – Childish Gmabino
Tómas Geir Howser Harðarson: Que Veux Tu með Yelle (madeon remix)
Einar Páll Tryggvason: Sympathy for the Devil með The Rolling Stones.
Lið VersLó
Úlfur Þór Andrason: Outro með M83.
Gísli Þór Þórðarson: Ecstasy of Gold með Ennio Morricone.
Axel Helgi Ívarsson: Glósóli með Sigur Rós.
Liðs-
menn
FG, frá
vinstri
eru
Gunnar
Sær,
Tómas
Geir og
Einar
Páll.
Fannar Sveinsson
vann að sjónvarps-
þáttunum Gunnar á
völlum, Synir Jesú og
þáttum Nilla á Mbl.is
áður en hann byrjaði
með Hraðfréttir með
Benedikt Valssyni.
Ljósmynd/Hari
1 9 8 3 l 2 0 1 3
ára
Laugardagur 2. mars kl. 14
Tónlistardagskrá
Í tilefni afmælisins verður boðið til móttöku
og tónlistardagskrár í umsjón Margrétar
Bóasdóttur. Þar kemur fram margt af okkar
þekktasta tónlistarfólki og flytur okkur
kunnar tónlistarperlur.
Sunnudagur 3. mars kl. 14
Barnadagskrá
Börnum og fjölskyldum þeirra er boðið á
tvær kveðskaparsmiðjur; Krummi krunkar úti
með Báru Grímsdóttur og Chris Foster og
Dans vil ég heyra með Evu Maríu Jónsdóttur
og Nönnu Hlíf Ingvadóttur.
Allir vinir Gerðubergs eru hjartanlega velkomnir!
Nánari upplýsingar um afmælisdagskrána á www.gerduberg.is
Menningarmiðstöðin Gerðuberg l Gerðubergi 3-5 l 111 Reykjavík l Sími 575 7700
69% ... kvenna á höfuðborgarsvæðinu lesa Fréttatímann*
*konur 25 – 80 ára
á höfuðborgarsvæðinu.
Capacent júlí-sept. 2012
68 dægurmál Helgin 1.-3. mars 2013