Fréttatíminn - 01.03.2013, Blaðsíða 78

6 fermingar Helgin 1.-3. mars 2013
Lín Design Laugavegi 176, gamla sjónvarpshúsið Sími 533 2220 www.lindesign.is
Fermingartilboð
Tugir fermingargjafa
á tilboði fyrir hann & hana
Sendum frítt úr vefverslun
www.lindesign.is
Íslensk
hönnun
FERMING - ÚTSKRIFT - AFMÆLI
SERVÍETTUR OG KERTI
FRÁ HEKLAÍSLANDI
FÆST UM ALLT LAND
www.heklaislandi.is - sími 5518066 - pontun@heklaislandi.is
S iðmennt hefur lengst af sinnt borgaralegum fermingum á Íslandi. Félagið var stofnað árið 1990, ári eftir að fyrsta borgaralega ferm-ingin á Íslandi fór fram. Sextán börn fermdust árið 1989 eftir að
nokkrir foreldrar þeirra höfðu lesið blaðagrein um borgaralegar ferm-
ingar sem höfðu tíðkast lengi í Noregi. Þeir
lögðu grunninn að þessum athöfnum sem hafa
farið fram á hverju ári síðan þá.
Dagskráin í höndum barnanna sjálfra
Sjö fermingarnámskeið hafa verið í gangi í
vetur en sex athafnir verða haldnar á fjórum
stöðum á landinu. Tvær verða á höfuðborgar-
svæðinu, ein í Háskólabíó og önnur í Salnum í
Kópavogi. Auk þess verður ein í Hofi á Akur-
eyri og önnur í Hallormstaðaskógi. Jóhann
Björnsson segir athafnirnar minna um margt
á útskrift úr skóla. „Krakkarnir ganga í salinn
og síðan hefst dagskráin. Hún er að mestu
leyti í höndum barnanna sjálfra og þau lesa
jafnvel upp ljóð, spila tónlist eða eitthvað þess
háttar. Megnið af dagskránni er því í höndum
þeirra sjálfra en svo er alltaf fenginn einn
utanaðkomandi ræðumaður sem ávarpar sam-
komuna. Hún endar svo á því að hvert og eitt
barn fær afhent viðurkenningarskjal fyrir að
hafa lokið námskeiðinu.“
Fjalla um fjölmörg málefni
Jóhann Björnsson hefur starfað hjá Siðmennt
síðan 1997. Jóhann er heimspekingur og grunn-
skólakennari og sinnir kennslunni að mestu
með hjálp gestafyrirlesara. „Við höfum verið
með umfjallanir um mörg málefni. Meðal ann-
ars skaðsemi vímuefna, sjálfsmynd unglinga,
samskipti kynjanna, hamingjuna, fordóma og
fjölmenningu og fleira þess háttar.“ Helstu við-
fangsefnin eru að efla umhugsunarvirkni og
gagnrýna hugsun hjá krökkunum. Jóhann seg-
ist ekki leggja mikla áherslu á að kenna beinar
staðreyndir því þær læri börnin í skólanum.
„Við höfum reynt að hafa þetta aðeins öðruvísi og höfum haft það að
meginmarkmiði að efla gagnrýna hugsun þeirra og siðferðislega nálgun
á ýmsa hluti. Það er grundvöllurinn og við nálgumst þessi fjölmörgu við-
fangsefni frá þeim sjónarhóli.“
Yfirgnæfandi meirihluti barnanna er íslenskur, úr ýmsum trúfélögum
eða utan trúfélaga. Rúmlega 200 börn fermast borgaralega í ár og þró-
unin hefur verið upp á við síðustu ár en ekki með neinum látum, að mati
Jóhanns. „Þetta er ágætis þróun. Við höfum einnig stundum verið með
börn presta sem hafa af einhverjum ástæðum kosið þessa leið. Það geta
því allir, burt séð frá skoðunum sínum, verið með. Þarna sameinumst við
sem manneskjur.“
 Fermingar 2013 Borgaralegar Fermingar
25 ára afmæli borgara-
legra ferminga á Íslandi
Rúmlega 200 börn fermast borgaralega í ár.
Jóhann Björnsson, kennslustjóri
borgaralegra ferminga. Ljósmynd/
Kristinn Theódórsson
Við höfum reynt að hafa þetta aðeins öðruvísi og höfum
haft það að meginmarkmiði að efla gagnrýna hugsun
þeirra og siðferðislega nálgun á ýmsa hluti.
Úrval af
fermingarhringjum