Fréttatíminn - 27.01.2012, Blaðsíða 14

É g segi það bara eins og það er: Alltof of langt er síðan Íslendingur hef-ur unnið titilinn Sterkasti maður
heims. Og ég stefni að því að bæta úr því.
Það er kominn tími til að gera eitthvað,“
segir kraftajötuninn Stefán Sölvi Péturs-
son. Magnús Ver Magnússon var síðasti Ís-
lendingurinn til að hampa titlinum en það
var fyrir sextán árum, árið 1996.
Fékk kraftadellu fjögurra ára
á Eiðistorgi
Stefán Sölvi er engin smásmíði. Hann er
195 sentimetrar á hæð og 155 kíló. „Ég hef
alltaf verið stór og mikill. Var alltaf höfð-
inu hærri en jafnaldrar mínir og orðinn
190 sentimetrar um fermingu. Ég spilaði
fótbolta með félögunum en var alltaf frekar
klunnalegur. Það lá einhvern veginn bet-
ur fyrir mér að fara í kraftasportið. En ég
er venjulegi gaurinn í þessu sporti. Félagi
minn og aðalkeppinautur, Hafþór Júlíus, er
til að mynda 205 sentimetrar á hæð og 193
kíló,“ segir Stefán Sölvi og hlær.
Snemma beygist krókurinn segir mál-
tækið og það á svo sannarlega við í tilfelli
Stefáns Sölva. „Ég var fjögurra ára þegar ég
fékk bakteríuna. Þá fór ég og sá sýningu á
Eiðistorgi þar sem Jón Páll, Hjalti Úrsus og
Magnús Ver sýndu styrk sinn og kraft. Um
leið og ég kom heim byrj-
aði ég að lyfta dótakössum
og fékk síðan lyftingalóð í
fimm ára afmælisgjöf. Ég
byrjaði síðan að lyfta af al-
vöru þegar ég var sautján
ára og byrjaður keppa ári
seinna,“ segir Stefán Sölvi
sem verður tuttugu og sex
ára í mars næstkomandi.
Ætlar í þá sterkustu
Stefán Sölvi hefur unnið
keppnina Sterkasti maður
Íslands undanfarin þrjú ár
og hafnaði í fjórða sæti í
keppninni Sterkasti maður
heims árið 2010. „Það snýst
auðvitað allt um keppnina
um Sterkasta manns heims
á hverju ári. Keppnin fer
fram í september en það
er ekki búið að gefa það út
hvar hún verður haldin í ár.
Markmiðið er alltaf að sigra en allt annað
en verðlaunapallur eru vonbrigði. Til þess
að komast á verðlaunapall þarf ég að moka
út þremur bestu aflraunamönnum heims;
Bandaríkjamanninum Brian Shaw, Litháan-
um Zydraunas Savickas og Englendingnum
Terry Hollands. Zydraunas
er óumdeilanlega sterkasti
maður veraldar í dag en ég
ætla að komast upp fyrir
þessa karla. Það er mark-
miðið og fyrir það æfi ég allt
árið,“ segir Stefán Sölvi og
bætir við að þessar keppn-
ir hafi breyst mikið frá því
að Jón Páll og Magnús Ver
voru upp á sitt besta. „Þeir
voru báðir ótrúlegir á sínum
tíma en þetta er allt önnur
íþrótt í dag. Þyngdirnar eru
orðnar miklu meiri og nú
þýðir ekkert annað en að
æfa þær greinar sem keppt
er í allt árið,“ segir Stefán
Sölvi en hann er með að-
stöðu í Hafnarfirði þar sem
hann er með heimasmíðuð
tæki, burðast með þyngdir,
dregur og ýtir hlutum – ná-
kvæmlega eins og í keppn-
inni. „Hér áður fyrr æfðu menn bara lyfting-
ar og duttu síðan inn í keppnirnar á sumrin.
Sá tími er liðinn,“ segir Stefán Sölvi sem
vinnur sem dyravörður og einkaþjálfari
milli þess sem hann æfir og borðar. „Ég
verða að vinna til að ná endum saman. Það
verður enginn ríkur á kraftasportinu.“
Fatar sig upp í Bandaríkjunum
Næsta verkefni Stefáns Sölva er kraftamót
í tengslum við sýninguna LA Fit Expo í
Los Angeles nú um helgina. „Þetta er vöru-
kynningasýning og síðan er fullt af íþrótta-
mótum haldin í tengslum við sýninguna.
Ég keppi á alfraunamótinu All American
Strongman Challenge en sigurvegari fer
beint á Arnold Classic Strongman. „Það
eru þegar komnir tveir Íslendingar á það
mót, Benedikt Magnússon og Hafþór Júlíus
Björnsson. Ég stefni ekki á neitt annað en
vinna þetta mót og komast á Arnold Clas-
sic,“ segir Stefán Sölvi. Hann hyggst líka
endurnýja fataskápinn sinn í ferðinni en það
er ekki heiglum hent fyrir mann eins og
hann að finna föt á Íslandi. Vandamál mitt
er að ég er breiðari um herðarnar heldur en
um mittið. Það er því lítið fataúrval á Íslandi
og því eru Bandaríkin kærkomin áfanga-
staður með það fyrir augum að finna á sig
föt,“ segir Stefán Sölvi.
Óskar Hrafn Þorvaldsson
oskar@frettatiminn.is
Kraftajötuninn Stefán Sölvi Péturs-
son byrjaði ungur að lyfta lóðum.
Hann á sér aðeins eitt markmið – að
feta í fótspor Jóns Páls Sigmarssonar
og Magnúsar Vers Magnússonar og
verða sterkasti maður heims.
Fékk lóð í afmælisgjöf fimm ára gamall
Kjúlli, naut
og fiskur á
hverjum degi
Eins og sést á myndunum er
Stefán Sölvi engin smásmíði.
Og þarf að borða eftir því.
„Ég byrja daginn yfirleitt
á próteindrykk og fæ mér
slíkan fjórum sinnum á dag.
Síðan borða ég ommilettu,
kjúkling og kartöflur eða hrís-
grjón, nautakjöt og kartöflur
eða hrísgrjón og síðan fisk
og kartöflur eða hrísgrjón.
Ég borða þetta á hverjum
degi,“ segir Stefán Sölvi og
viðurkennir að hann sé ekki
vinsælasti maðurinn á hlað-
borðum bæjarins.
Eins og sjá má
þá er Stefán
Sölvi hrikalegur
að sjá. Ljósmynd/
Arnold Björnsson
Zydraunas er óumdeilanlega
sterkasti maður veraldar í
dag en ég ætla að komast
upp fyrir þessa karla.
FLÍSAR.. .TEPPI. . .PARKET.. .DÚKAR.. .
FLÍSAR.. .TEPPI. . .PARKET.. .DÚKAR.. .
FLÍSAR.. .TEPPI. . .PARKET.. .DÚKAR.. .
FLÍSAR.. .TEPPI. . .PARKET.. .DÚKAR.. .
FLÍSAR.. .TEPPI. . .PARKET.. .DÚKAR.. .
FLÍSAR.. .TEPPI. . .PARKET.. .DÚKAR.. .
FLÍSAR.. .TEPPI. . .PARKET.. .DÚKAR.. .
FLÍSAR.. .TEPPI. . .PARKET.. .DÚKAR.. .
FLÍSAR.. .TEPPI. . .PARKET.. .DÚKAR.. .
Þúsundir fermetra
af flísum með
20 -70% afslætti
Teppi og dúkar
25% afsláttur
Baðherbergisvörur
20 -70% afsláttur
ÚTS L
14 viðtal Helgin 27.-29. janúar 2012