Fréttatíminn - 27.01.2012, Blaðsíða 46

38 þorri Helgin 27.-29. janúar 2012
Teitur Jónasson og Kristinn Grétarsson
matur@frettatiminn.is
Svartur
senuþjófur
Félagar í Fágun, félagi áhugamanna um gerjun, smakka þorrabjórinn í ár
 Þorrabjórinn 2012
óttar Örn
Sigurbergsson
Innkaupastjóri sem
hefur bruggað í félagi við
aðra í 3 ár og er veikur
fyrir reyktum bjórum og
belgískum „strong ale“.
DómnefnDin
andri Mar jónsson
Tölvunarfræðingur sem
hefur bruggað í 4 ár; helst
bara það sem telst til hins
óvenjulega og þá gjarnan
belgískan Tripel sem er
sterkur ljós bjór.
Hrafnkell
Freyr Magnússon
Eigandi bruggverslunar-
innar brew.is. Hefur að
eigin sögn „bjórnördast“
í á þriðja ár og bruggar
sjálfur helst IPA-bjóra sem
eru í sérstöku uppáhaldi.
Halldór Ægir
Halldórsson
Formaður Fágunar og
mikill áhugamaður um
bruggun sem hann hefur
stundað í 3 ár. Belgískir
bjórar eru í miklu upp-
áhaldi.
Þorragull
5,6%
33 cl. 355 kr.
Ummæli dómnefndar:
Mjög ljós og með
litlum haus og klassísk
pilsnerlykt af honum.
Samt þykkari í munni
en liturinn gefur til
kynna. Áferðin og
bragðið kemur á óvart
með brauð- og humla-
keimi. Þetta er pilsbjór
og meiri bjór en svona
standard ljósir bjórar
en um leið kannski
full mikill sláttuvéla-
bjór sem hægt er að
drekka marga af og
nær því varla að vera
árstíðarbundinn bjór.
Surtur Stout
Þorrabjór nr. 8
12%
33 cl. 666 kr.
Ummæli dómnefndar:
Þessi bjór er bara fyrir-
bæri. Hann er svo þykkur
að hann lekur eins og
mótorolía og svo svartur
að hann lítur út eins og
espresso í glasi. Það er
berjasaft í lyktinni og
svakaleg fylling í bragðinu.
Guinnes er bara barna-
drykkur miðað við þetta.
Þetta er klárlega bjór sem
allir bjóráhugamenn ættu
að smakka. Það er kannski
erfitt að klára heila flösku
einn og sér og því upplagt
að deila henni með öðrum
á þorrablótum. Þetta er
einn fárra bjóra sem getur
batnað með aldrinum og
geymist í allt að 15 ár.
Þorrakaldi
5,6%
33 cl. 369 kr.
Ummæli dómnefndar:
Flottur litur og þykkur
haus, gæti varla verið
girnilegri í glasi en
vantar aðeins upp á
lyktina sem þó hefur
karamellukeim. Það er
líka þægileg ei-
lítið brennd karamella
í bragðinu og flott
beiskja. Nógu léttur
og þægilegur til að
drekka nokkra og nógu
skemmtilegur til að
standa sem þorrabjór.
Klárlega spennandi
og á jafnvel við með
hrútspungunum.
Gæðingur
Þorrabjór
5,6%
33 cl. 314 kr.
Ummæli dómnefndar:
Fallega dökkur, næstum
því porter dökkur, á litinn
og mjög fallegur í glasi
en lyktin er svona bæði
og. Bragðið ætti kannski
að vera betra miðað við
litinn. Sætan í honum felur
dálítið beiskjuna. Ef það er
til eitthvað þorralegt í bjór
þá er það í þessum. Hann
er grófur og dálítið eins og
heimabruggaður og það er
mikið að gerast í honum,
kannski fullmikið sem
passar ekki alveg saman.
Það er mikilvægt að hann
sé ekki borinn fram of
kaldur, þarf nánast að vera
við stofuhita.
80%
DómnefnD
95%
DómnefnD
85%
DómnefnD
80%
DómnefnD
Viking
Þorrabjór
5,1%
33 cl. 329 kr.
Ummæli dómnefndar:
Flottur appelsínu-
koparlitur en þó lítil
sem engin lykt. Þetta
er það sem ÁTVR
myndi kalla höfugan
bjór. Það vantar upp á
áferðina, beiskjuna og
bragðið sem stendur
ekki undir væntingum
miðað við litinn. Eigin-
lega ekki mikið meira
um þetta að segja
annað en að þetta er
hálf-venjulegur bjór
sem er flottur á litinn.
70%
DómnefnD
Þ
orrinn gekk í
garð í síðustu
viku sem
þýðir að úti
um víðan völl
eru menn og konur að
sporðrenna súrsuðum
kræsingum. Það er heil-
mikil skemmtun og ekki
síst kúnst að para saman
drykk og mat hvort heldur
það er vín eða bjór og sitt
sýnist hverjum um þau
fræði en eitt er þó víst;
fáir drykkir passa með
súrsuðum hrútspungum.
Þá er erfitt að segja
til um hvað það er sem
gerir bjór að þorrabjór.
Jólabjórinn hefur sitt jóla-
lega kryddbragð en varla
viljum við að þorrabjórinn
fái súran keim? Engu að
síður er það skemmtileg
og rammíslensk hefð
að brugga og selja sér-
stakan bjór á þorranum.
Í ár eru fimm bjórar í
boði sem teljast slíkir og
fást frá bóndadegi fram á
konudag en óhætt er að
segja að engin ein formúla
gildir þegar þorrabjór er
annars vegar. Að venju
voru það félagar í Fágun,
félagi áhugamanna um
gerjun, sem smökkuðu þá
bjóra sem hér frá greinir.
Þessir piltar eru einstakir
áhugamenn um bjór og
bjórmenningu og vita flest
það sem viðkemur þeim
ágæta drykk. Að venju
voru stig gefin fyrir lykt,
útlit, bragð og heildar-
stemmningu og smökk-
unin var blind.
Það er heilmikil skemmtun
og ekki síst kúnst að para
saman drykk og mat hvort
heldur það er vín eða bjór
og sitt sýnist hverjum um
þau fræði en eitt er þó víst;
fáir drykkir passa með
súrsuðum hrútspungum.
– Lifið heil
www.lyfja.is
ÍS
L
E
N
S
K
A
/S
IA
.I
S
/L
Y
F
5
79
55
1
2/
11
Ódýrt og nýtt Nicotinell á lægra verði
Stór og lítill Nicotinell-pakki á lægra verði en einn stór.*
4.850 kr.
Stórt Nicotinell fruit: 5.120 kr. og lítill Nicotinell Tropical fruit: 943 kr. á 6.063 kr.
*Gildir einnig með 4 mg Nicotinell Fruit 204 stk og litlum 2 mg Tropical Fruit á 6.419 kr. Gildir til 31. janúar
Lægra
verð
í Lyfju