Fréttatíminn - 27.04.2012, Blaðsíða 40
40 skólar Helgin 27.-29. apríl 2012
Í hinu fjölþjóðlega umhverfi sem við búum við í dag hefur þörfin fyrir menningarlæsi
farið vaxandi. Einkum á þetta við
um viðskipti á milli landa þar sem
skipt getur sköpum hvort að við-
komandi aðilar skilji hvorn annan
til fulls. En hvað er menningar-
læsi?
Yfirleitt er talað um menn-
ingarlæsi og tungumálakunnáttu í
sömu andrá. Menningarlæsi hefur
verið skilgreint sem það að geta
lesið skilaboð umhverfisins sem
ekki endilega eru sögð með bein-
um orðum. Oftast á það við fólk frá
mismunandi menningarheimum
en það getur líka átt við nágranna-
þjóðir. Einnig hefur verið talað
um að menningarlæsi þjóðar fari
dvínandi og er þá verið að tala um
skilning þjóðarinnar á tilvísunum í
menningu, sögulegar staðreyndir,
stjórnmál, bókmenntir og annan
fróðleik. Menningarlæsi vísar í
þá þekkingu sem ætlast er til að
málnotendur hvers tungumáls hafi
á valdi sínu það er skilning á hug-
tökum, sérnöfnum, máltækjum
og öðrum tilvísunum sem ekki er
endilega auðvelt að fletta upp. Sem
dæmi má nefna þegar vísað er í
„skáldið Jónas“ eða „að vera komin
heim á klakann“.
Tungumál eru lykill að
heiminum
Að vera orðinn vel að sér í tungu-
máli er oft mælt í því hvort fólk
skilji brandarana. Til þess er oft
nauðsynlegt að vera vel að sér í til
dæmis slangri, mismunandi ein-
kennum menningarheimsins og
hefðum. Tungumálakunnátta er
því þétt samofin menningarlæsi.
Hér á landi höfum við að mestu
leyti reitt okkur á enskukunn-
áttuna en því miður er það ekki
alltaf nóg. Það lærist til dæmis
ekki með ensku að á mörgum
stöðum í arabaheiminum er lesið
frá hægri til vinstri. Ekki er heldur
víst að það sé nóg að kunna ensku
til að átta sig á kurteisisvenjum
Kínverja. Tungumálakunnátta og
sérhæfing verður því æ mikilvæg-
ari í nútíma samfélagi, sérstaklega
þegar kemur að viðskiptum.
Tungumál og
viðskiptaumhverfið
Að vera læs á skilaboð viðskipta-
vina sinna og geta tjáð sig vel á
viðskiptatungumáli getur skipt
sköpum í viðskiptaheiminum.
Flestir tala á ensku en eins og
áður hefur komið fram hefur
nauðsyn þess að ráða inn fólk sem
er með góða tungumálakunnáttu
aukist til muna til að komast yfir
þá menningarlegu þröskulda sem
fyrir eru svo að fyrirtækin geti
vaxið og dafnað. Ef fyrirtæki ætla
sér í útrás er þetta grundvallar-
þáttur til að auka skilning á milli
fólks og greiða fyrir farsælum
samskiptum á alþjóðavettvangi.
Að nema menningarlæsi
Nám í menningarlæsi er hugsað til
að vekja okkur til umhugsunar um
hvernig við skiljum fólk frá öðrum
menningarheimum og hvernig það
sér okkur. Fjallað er um einkenni
á ólíkum menningarheimum og
hvernig hægt er að tileinka sér
gildandi samskiptamynstur í við-
komandi landi. Slíkt nám getur
ekki aðeins nýst fólki í viðskipta-
umhverfinu heldur jafnframt þeim
sem starfa í ferðaþjónustu, verslun
og annarri þjónustu. Hægt er að
nema menningarlæsi í flestum
helstu háskólum landsins í dag
sem og í mörgum einkareknum
skólum. -ehþ
Nám og skólAr
Mikilvægi
menningarlæsis
Skilningur á ólíkum menningarheimum.
Ef þú þarf að biðjast afsökunar fyrir framan Japana er gott að vita að það gerir þú með því að hneigja þig djúpt.
Nordic Photos/Getty Images
skólAmál Framhaldsskólar
Versló vinsælastur
V erslunarskóli Íslands er vinsælasti skól-inn hjá íslenskum
10. bekkingum sem hafa for-
innritað sig í framhaldsskóla
fyrir næsta vetur. Nemendur
gátu valið tvo skóla og völdu
alls 793 nemendur Verslunar-
skólann. Ekki munu þó allir
komast inn í skólann því að-
eins eru 336 pláss í boði fyrir
nýnema. Næstvinsælasti skól-
inn er Kvennaskólinn en alls
sóttu 666 krakkar um pláss í
þeim skóla. Aðrir skólar sem
njóta mikilla vinsælda eru
Menntaskólinn við Hamra-
hlíð, Menntaskólinn við Sund
og Menntaskólinn í Reykja-
vík en umsóknir í alla þessa
skóla eru yfir fimm hundruð.
Ljóst er að hart verður barist
um pláss í vinsælustu skólun-
um í sumar. Skólarnir sjálfir
gera kröfur til nýnema sem
eru mismunandi eftir því að
hvaða skóli á í hlut. Á síðasta
ári fengu 98 prósent nemenda
pláss í öðrum af þeim skólum
sem þeir völdu. -óhþ.Verslunarskólinn hefur aðdráttarafl.
Istituto Europeo Di Design er
einn af virtustu hönnunarskólum
Evrópu, og hefur í rúm 40 ár verið
í fararbroddi á sínu sviði.
IED býður fræðilegt og hagnýtt
nám sem byggir á ítalskri hönn-
unarhefð, þar sem frumkvæði,
hugmyndir og tækni renna
saman.
Samstarf við helstu fyrirtæki heims
á sviði skapandi greina er þunga-
miðja kennslustefnunnar.
Í boði er BA nám, Diploma nám,
Eins árs nám og Mastersnám.
Kennsla fer fram á ENSKU,
ítölsku, eða spænsku og námið er
lánshæft hjá LÍN.
Nám í Hönnun, Sjónlistum,
Stjórnun og Tízku.
Kynningarnámskeið
Spennandi og þroskandi nám
Skráning í síma 861 6152
Höfuðlausn – cranioskóli
Sími 861 6152
kennsla@hofudlausn.is
www.hofudlausn.is
11.–13. maí 2012
Viltu læra
höfuðbeina- og spjaldhryggsjöfnun?