Fréttatíminn - 01.06.2012, Blaðsíða 36

4 STYRKTARFÉLAG LAMAÐR A OG FATLAÐR A − AFMÆLISRIT 60
ÁRA
SLF
1. júní 2012
Hilmar Lúther er sjö ára fjörugur strákur, sem sækir þjálfun sína
á Æfingastöðina við Háaleitisbraut. Linda Björk, móðir hans, segir
að starfið sem þar er unnið sé frábært, enda valinn maður í hverju
rúmi. „Sonur minn byrjaði í sjúkraþjálfun hjá Æfingastöðinni þegar
hann var eins árs, eftir að hann greindist með CP. Aðstaðan þar er
eins og best verður á kosið, enda Æfingastöðin flottur staður.“
Linda Björk segir að þjálfunin sem Hilmar Lúther sæki hjá Æf-
ingastöðinni sé þeim allt og nýtist þeim mjög vel, en það geti reynst
erfitt að flétta þjálfunina við daglegt líf fjölskyldunnar, þar sem þau
þurfi að aðlaga líf sitt þeirri þjálfun sem Hilmar Lúther sækir.
Reykjadalur hápunktur sumarsins
Eftir ábendingu frá Æfingastöðinni ákvað Linda að sækja um í
sumarbúðum Reykjadals fyrir son sinn. „Reykjadalur er hápunktur
sumarsins hjá Hilmari. Hann veit ekkert skemmtilegra en að fara
þangað. Hann segir okkur að í Reykjadal sé hann alveg frjáls og þar
séu sko engar reglur, heldur ráði hann öllu sjálfur. Hann segir okk-
ur að hann megi fara að sofa þegar hann vilji og vakna þegar hann
vill og fái nammi í öll mál.“ Linda bætir við að vissulega viti þau for-
eldrarnir betur en svo að telja þetta heilagan sannleik, en þetta sé
skoðun Hilmars Lúthers á sumarbúðunum í Reykjadal.
„Mér fannst mjög erfitt að senda hann þangað í fyrsta skipti,“
segir Linda og bætir við að þetta fyrsta skipti Hilmars Lúthers í
Reykjadal hafi kannski ekki verið neitt sérstaklega mikið frí fyrir
þau foreldrana. „Við vorum stöðugt að hugsa til hans, en þegar við
áttuðum okkur á því hvað hann var glaður urðum við rólegri. Það
var skrýtið að barnið sem aldrei hefur viljað fara neitt í pössun vildi
ekki koma aftur heim.“ Linda Björk segir að næst þegar Hilmar
Lúther fari í Reykjadal ætli þau foreldrarnir að njóta tímans í botn
og þau séu öll þrjú orðin mjög spennt fyrir komandi sumri.
Mikilvægt að upplifa að vera fremstur meðal jafningja
„Ég tel að það sé algjörlega
nauðsynlegt að starfrækja
sérstakar sumarbúðir fyrir
börn með sérþarfir,“ segir
Linda Björk og bendir á
mikilvægi þess að öll börn
fái að upplifa að vera fremst
á meðal jafningja. „Þau fá
að upplifa þessa tilfinningu
í Reykjadal. Ég gleymi því
aldrei þegar sonur minn
var að spjalla við vin sinn
og sagði „pældu í því hvað
við erum heppnir að vera
fatlaðir, við fáum alltaf að
fara í Reykjadal.“ Hversu
dásamlegt er að barnið
manns upplifi þetta?“
Linda talar um að
Reykjadalur sé ákveðið
frelsi fyrir foreldrana á
sama tíma og þetta sé
sumarfrí og tilbreyt-
ing fyrir börnin. „Við
getum notað tímann
til að sinna því sem oft
vill sitja á hakanum,
enda er þetta eina fríið
sem við fáum. Það er
ekki verra að börnin
upplifi þann tíma sem
draumasumarfríið
sitt.“
„Erum heppnir að vera fatlaðir“
ReykjadaluR Draumastaður fatlaðra ungmenna
Sú mikla velvild sem Styrktarfélagi
lamaðra og fatlaðra hefur verið sýnd
í gegnum tíðina hefur skipt sköpum
fyrir starfsemina og gert félaginu
kleift að skapa þá umgjörð sem
það starfar við í dag. Uppbygg-
ing og þróun Æfingastöðvar-
innar hefur aðeins verið
möguleg vegna þeirra fjölmörgu
einstaklinga, félagasamtaka og fyrir-
tækja sem lagt hafa félaginu lið með
gjöfum, áheitum og þátttöku í fjáröfl-
unarverkefnum.
Kærleikskúlan og Jólaóróinn
Ný Kærleikskúla og Jólaórói eru gefin
út fyrir hver jól. Margir af fremstu
listamönnum landsins hafa lagt fé-
laginu lið og gert hverja útgáfu að sér-
stæðum listaverkum sem hafa með
árunum öðlast einstakt söfnunargildi.
Verslanir hafa sýnt hugsjónum félags-
ins velvilja og selt munina á þóknunar.
Allur ágóði hefur því runnið óskiptur
til brýnna verkefna á vegum Styrktar-
félags lamaðra og fatlaðra.
Happdrætti
Félagið hefur gefið út happdrætti
fyrir hver jól um árabil en stendur nú
í fyrsta sinn að útgáfu sumarhapp-
drættis. Ágóði sumarhappdrættisins
rennur í starfsemina í Reykjadal.
Viltu styrkja starfsemina?
Allar nánari upplýsingar um fjárafl-
anir félagsins og reikningsnúmer má
fá á heimasíðu félagsins www.slf.is
Þinn stuðningur er okkar styrkur!