Bændablaðið - 11.04.2013, Síða 10

Bændablaðið | Fimmtudagur 11. apríl 201310
Fréttir
Bændasamtökin stóðu fyrir
fróðlegu málþingi á Hótel Sögu
þann 3. apríl sl. um efnið Hvaða
áhætta felst í innflutningi á hráu
kjöti? Sigurgeir Sindri, hinn nýi
formaður BÍ, setti málþingið með
ávarpi. Hér skal honum þakkað
sérstaklega fyrir að halda slíkt
málþing, það er fræðsla og
umræða sem eflir skilninginn á
að hér er dauðans alvara á ferð,
hvort sem það er innflutningur
á hráu kjöti eða innflutningur á
lifandi dýrum. Enda stóð ekki á
aðsókninni, en um eitt hundrað
og tuttugu manns mættu og
hlýddu á hin góðu erindi sem
framsögumennirnir fluttu.
Fróðlegt var að sjá fólkið sem
mætti. Þar voru á meðal annarra
hörðustu talsmenn hins frjálsa inn-
flutnings og að Ísland felli einhliða
niður tolla á landbúnaðarvörum.
Þessir talsmenn hlustuðu en höfðu
sig ekki í frammi í fyrirspurnum
eða ræðuhöldum.
Einstök staða
Vilhjálmur Svansson dýralæknir
á Keldum sagði sjúkdómastöðu
íslenska búfjárstofna í mörgu
tilliti einstaka og auðlegð sem
bæri að verja með öllum tiltækum
ráðum. Það kom fram að staða
hænsnfugla og svína væri alls ekki
undanskilin, hún væri einstök.
Karl G. Kristinsson, prófessor
og yfirlæknir á sýklafræðideild
Landsspítalans, flutti ekki síður
magnað erindi. Hann sagði líkurnar
aukast á sjúkdómum við aukinn
innflutning á fersku kjöti og tiltók
sérstaklega ýmsar sýklaónæmar
bakteríur sem væru ein mesta ógnin
nú um stundir. Það er full ástæða
til að hefja mikla umræðu um þær
einstöku aðstæður sem íslenskur
landbúnaður býr við í heilbrigði
bústofnanna. Og ekki síður í hinni
ómenguðu jörð þar sem eiturefni eru
ekki notuð í matvælaræktinni. Við
skulum öll taka málið til umræðu
í okkar fjölskyldu og vinahópum,
þetta er alvörumál og auðlind sem
við viljum ekki fórna fyrir einhverja
skyndiákvörðun sem opnar leiðir
fyrir lífshættulega sjúkdóma sem
raska lífsöryggi manna og dýra.
„Er sjálfstæði Íslands til sölu?“
Ung kona vakti athygli mína á mál-
þinginu og nokkrum dögum síðar
skrifaði hún grein í Laugardagsblað
Morgunblaðsins undir þessari
fyrirsögn. Hún heitir Ragnhildur
Þóra Káradóttir og er lektor í
taugavísindum við Háskólann í
Cambridge í Bretlandi. Hún hefur
grein sína með eftirfarandi orðum:
„Búandi erlendis er stundum
skrítið að hlusta á þjóðfélags-
umræðuna á Íslandi þegar maður
kemur heim. Laugardaginn fyrir
páska var mér brugðið að heyra í
fréttum viðtal við formann Samtaka
verslunar og þjónustu að það sé betra
að fella niður innflutningsgjöld til
að lækka skuldir heimilinna heldur
en að ganga að rót vandans, sem
er í fjármálakerfinu sjálfu.“ Síðan
leggst hún í rannsóknarvinnu á
því hvað hefðbundinn páskamatur
kosti í þremur löndum. Á Íslandi,
Englandi og Ítalíu. Hún kemst að
þeirri niðurstöðu að páskamaturinn
sé ódýrastur á Íslandi, hann sé 59%
dýrari á Englandi og 27% dýrari á
Ítalíu en á Íslandi. Síðan segir hún
í greininni:
„Ég spyr, hverjar eru langtíma-
afleiðingar þess að fella niður
innflutningsgjöld og tolla? Eflaust
verða afleiðingarnar þær að
landbúnaður á Íslandi leggist af og
við verðum ekki lengur sjálfbjarga
þjóð að fæða okkur sjálf.“ Lokaorð
hennar eru þessi: „Seljum ekki
matvælaöryggið frá okkur, verðum
ekki þrælar erlendra markaðsafla,
höldum sjálfstæði okkar.“
Ekki verður þessi kona sökuð
um að vera ekki skólagenginn eins
og nú ber á í umræðunni hjá ESB-
sinnunum og Samfylkingunni þegar
skoðanakannanir sýna andstöðu við
þá og þeirra sjónarmið.
Guðni Ágústsson framkvæmdastjóri SAM skrifar:
Seljum ekki matvælaöryggið
Snemmborið hjá 75 ára fjárbónda
og kennslukonu í Flóanum
Ærin Grána, sem er 7 vetra,
kom eiganda sínum, Sigrúnu
Ingibjörgu Þorgeirsdóttur (alltaf
kölluð Stella) og snúningsstrák
hennar, Guðjóni Gestssyni, heldur
á óvart þegar hún bar þremur
lömbum fyrir páska á bænum
Hæringsstöðum í Flóahreppi.
Á bænum eru 54 ær og sex
gemlingar, auk hrossa. Auk þess
að stunda búskap er Stella kennari
í Öldutúnsskóla í Hafnarfirði, en
þar hefur hún kennt í fimmtíu ár
og er ekkert á þeim buxunum að
hætta. „Þeir vilja ekki losna við
mig, ætla að leyfa mér að kenna
eitthvað áfram, en ég kenni íslensku
og stærðfræði á unglingastiginu,“
sagði Stella, sem er 75 ára.
Snúningsstrákurinn hennar er hins
vegar fjórum árum eldri en hún því
hann fagnar 80 ára afmæli á næsta
ári.
/MHH
Könnun á heilsufari sauðfjár
- í Kjósarhreppi, Hvalfjarðarsveit og Borgarbyggð
Í lok febrúar fengu þeir sauðfjár-
bændur sem eru með tíu kindur
eða fleiri í Borgarbyggð,
Hvalfjarðar sveit og Kjósarhreppi
senda póstkönnun þar sem m.a.
var spurt um heilsufar sauðfjár
á viðkomandi bæ. Rannsóknin
er lokaverkefni í meistaranámi í
umhverfis- og auðlindafræði við
Háskóla Íslands og er markmiðið
að meta hvort tölfræðilega
marktækur munur sé á heilsufari
sauðfjár á milli þessara svæða.
Könnunin var send á 222 bæi
og þegar þetta er skrifað í byrjun
apríl hafa borist svör frá 121 aðila.
Svarhlutfallið er því um 55%. Þeim
sem sáu sér fært að svara könnuninni
eru færðar bestu þakkir fyrir. Hver
þátttakandi fékk happdrættisnúmer
og við skil á könnuninni var númerið
sett í pott sem nú hefur verið dregið
úr.
Vinningshafi er Sigurgeir
Þórðarson, Hvalfjarðarsveit, og
hlýtur hann 10.000 króna gjafabréf
í verslun Líflands, Lynghálsi 3.
Gjafabréfið fær Sigurgeir sent á
næstu dögum.
Unnið verður úr gögnum á næstu
mánuðum og verða niðurstöður
kynntar í Bændablaðinu þegar
rannsókninni er lokið. Telji einhver
sig falla undir þann hóp sem hefði átt
að fá spurningalistann en fékk hann
af einhverjum ástæðum ekki má sá
hinn sami gjarnan hafa samband
og fá könnunina senda. Ef einhver
lumar á svörum sem ekki hefur
komist í verk að setja í póst eru
einnig öll svör enn vel þegin. Því
hærra sem svarhlutfallið er, þeim
mun áreiðanlegri verða niðurstöður.
Gyða S. Björnsdóttir
meistaranemi í umhverfis- og
auðlindafræði við Háskóla
Íslands
Að frumkvæði stjórnar BÍ hefur
verið myndaður starfshópur til að
endurskoða og móta tillögur um
skynsamleg framtíðarverkefni
búnaðarsambandanna og BÍ, í
kjölfar þess að ráðgjafarþjónustan
er komin í sérstakt rekstrarfélag.
Starfshópinn skipa eftirtalin:
Karl Kristjánsson, Búnaðar-
sambandi Vestfjarða (BSV)
Gunnar Brynjarsson, Búnaðar-
sambandi S-Þingeyinga (BSÞ).
Eiríkur Egilsson, Búnaðar-
sambandi A-Skaftfellinga (BASK).
Gunnar Eiríksson, Búnaðar-
sambandi Suðurlands (BSSL).
Gunnhildur Gylfadóttir, Búnaðar-
sambandi Eyjafjarðar (BSE).
Einar Ófeigur Björnsson,
Búnaðarsambandi N-Þingeyinga
(BSNÞ).
Helga Guðmundsdóttir,
Búnaðarsambandi Austurlands
(BSA).
Guðmundur Davíðsson,
Búnaðarsambandi Kjalarnesþings
(BSK).
Guðmundur Sigurðsson,
Búnaðarsamtökum Vesturlands
(BV).
Guðrún Lárusdóttir, Búnaðar-
sambandi Skagfirðinga (BSS.
Jón Gíslason, Búnaðarsambandi
Húnaþings og Stranda (BSHS),
og tveir fulltrúar frá BÍ, þeir
Sveinn Ingvarsson og Gunnar
Guðmundsson.
Starfshópurinn hefur nú þegar
haldið einn fund. Honum er ætlað að
skila niðurstöðu eða tillögum fyrir
Búnaðarþing 2014.
Hlutverk starfshópsins er m.a. að
greina lögbundin hlutverk, hvaða
verkefnum sé æskilegt að þessir aðilar
sinni, hvert út af fyrir sig, sameiginlega
eða í samvinnu, hvert þeirra hlutverk
eigi að vera í félagsstarfsemi bænda
á hverju svæði og ekki síður að skoða
hvaða brýnu nýju viðfangsefnum sem
tengjast hagsmunum bænda þau geti
eða eigi að sinna.
Starfshópur endurskoðar framtíðarverkefni
búnaðarsambandanna og BÍ
Stella og Guðjón með þrílembingana á Hæringsstöðum í Flóa. Mynd / MHH