Bændablaðið - 11.04.2013, Síða 64

64 Bændablaðið | Fimmtudagur 11. apríl 2013
Samtök Verslunar og þjónustu
hafa verið óþreytandi við að
bera á borð fyrir landsmenn
staðhæfingar um að með afnámi
tolla á tilteknum búvörum megi
bæta hag heimilanna í landinu
verulega. Þessa umræðu setja
samtökin af stað í aðdraganda
kosninga þar sem staða heimilanna
er eitt helsta málefnið. Ef marka
má niðurstöður skoðanakönnunar í
Reykjavík síðdegis miðvikudaginn
4. apríl eru neytendur ekki trúaðir
á málflutning samtakanna, enda
hefur hann sýnt sig að vera villandi
í veigamiklum atriðum.
Samkvæmt neyslukönnun
Hagstofu Íslands fyrir árin 2009-
2011 voru meðal útgjöld heimilanna
5.322 þús. kr. á ári. Af þeim voru
13,2% til matvörukaupa, eða 701.810
kr. Kjötkaup námu 150.866 kr.
Meðfylgjandi graf sýnir hvernig þessi
kjötkaup skiptast milli kjöttegunda.
Stærsti liðurinn er unnar kjötvörur, en
mest ber á svína- og lambakjöti í þeim
vöruflokkum auk þess sem til viðbótar
eru notuð ýmis íblöndunarefni.
Lamba- og alifuglakjöt eru 21-22%
af útgjöldum til kjötkaupa hvor flokkur
um sig. Í krónum talið á verðlagi
ársins 2011 eru þetta 31-33 þúsund
krónur. Síðan þá hefur verðlag
hækkað um 8,7%. Lauslega áætlað
ver því meðalfjölskyldan 35.700 kr.
á ári til kaupa á alifuglakjöti.
Samtök verslunar og þjónustu
hafa haldið því fram að raunhæft
sé að lækka útgjöld heimilanna
um 3,5 milljarða króna með því að
láta versluninni eftir að flytja inn
kjúklingabringur. Heildarútgjöld
130.000 heimila (sem er fjöldinn
sem formaðurinn notar í sínu dæmi)
til kaupa á öllu alifuglakjöti á ári eru
hins vegar samkvæmt ofangreindum
útreikningum 4,5 milljarðar króna.
Erfitt er að fá fyrrnefnt dæmi til að
ganga upp að þessum staðreyndum
virtum.
Meðfylgjandi súlurit sýnir verð-
hækkanir á ýmsum nauðsynjavörum
frá janúar 2008 til mars 2013,
samkvæmt vísitölu neysluverðs. Eins
og sjá má hefur vísitala neysluverðs
hækkað um 45,5%. Matur hefur
hækkað um 56,9%. Innfluttar matvörur
og vörur úr innfluttum hráefnum hafa
þar hækkað langt umfram aðrar vörur.
Sem dæmi hafa brauð og kornvörur
hækkað um 73,7%, sykur, súkkulaði
og sælgæti um 54,3% og ávextir um
90,9%. En hvað með íslenska kjötið?
Í heildina hefur kjöt hækkað um 30%.
Alifuglakjöt hefur hækkað um 33% og
svínakjöt um 15%.
En hvernig hefur verslunin staðið
sig undanfarin ár við að halda niðri
verði á öðrum nauðsynjum? Allir
þurfa föt, skófatnað og jafnvel
raftæki, gömlu þvottavélarnar snúast
ekki endalaust og fólk stofnar ný
heimili. Jú, samkvæmt sömu heilmild
hefur fatnaður, skór, húsgögn og
heimilisbúnaður og raftæki hækkað
um 67-75% frá janúar 2008 til mars
2013.
Árleg útgjöld heimilanna til
þessarra fjögurra vöruflokka voru
samkvæmt vísitölu neysluverðs um
670 þúsund krónur í mars 2012 eða
nálægt 700 þús. krónur á verðlagi í
mars 2013. Ef verslunin gæti lækkað
verð á þessum vörum um 5% myndi
það færa heimilunum í landinu 35.000
krónur í vasann eða sem svarar
öllum útgjöldum þeirra til kaupa á
alifuglakjöti í eitt ár.
Heimild: Hagstofa Íslands
Markaðsbásinn
Erna Bjarnadóttir
hagfræðingur Bændasamtaka Íslands
eb@bondi.is
Sundlaug Sandgerðisbæjar
stendur við Skólastræti 2. Laugin
var stækkuð og gagngerar endur-
bætur gerðar á henni árið 2008
og hún svo opnuð í ágúst það ár.
Hún er hluti Íþróttamiðstöðvar
Sandgerðisbæjar en þar eru
einnig íþróttasalur og þreksalur.
Sundlaug Sandgerðisbæjar er
hefðbundin 25 metra útilaug. Við
laugina eru vaðlaug og tveir heitir
pottar, þar af annar með nuddi. Tvær
rennibrautir eru við sundlaugina,
rennibrautin Buna og rennibrautin
Hrollur. Þá er einnig gufubað á
staðnum.
Sundlaugin í Sandgerði er opin
frá 7.00 til 21.00 á virkum dögum
og frá 10.00 til 16.00 á laugardögum.
Yfir sumartímann, frá byrjun maí
og út september, er einnig opið á
sunnudögum frá 10.00 til 16.00.
Frekari upplýsingar má fá með því
að hringja í síma 420-7510 eða með
því að senda tölvupóst á netfangið
jon@sandgerdi.is.
Sundlaugin Sandgerði
Laugar landsins
Matvælaverð og útgjöld heimilanna
Starfsgreinasamband Íslands og Bændasamtök Íslands
Orlofsuppbót
Desemberuppbót
Heimilt er þó að greiða desember- og orlofsuppbót jafnharðan óski starfsmaður eftir því, enda sé
gengið frá því í ráðningarsamningi. Ofan á mánaðarlaun kemur þá hlutfall af desember- og
orlofsuppbót miðað við fullt starf 173,33 klst. á mánuði.
2013 kr. 44,89 á klukkustund.
Ráðningar starfsfólks og kjarasamningar
– Endurbirt tafla þar sem texta um 10,17% orlof vantaði í fyrri birtingu