Fréttatíminn - 26.08.2011, Page 72

Miðasala 568 8000
borgarleikhus.is
Áskriftar-
kortið mitt
Steindi jr.,
sjónvarpsmaður
M inningar- og styrktar-tónleikar í nafni Hönnu Lilju Valsdótt-
ur og dóttur hennar Valgerðar
Lilju Gísladóttur, verða haldnir
í Guðríðarkikju mánudaginn 5.
september. Hanna Lilja og Val-
gerður Lilja verða jarðsungnar
næstkomandi mánudag. Allur
ágóði rennur í sjóð til styrktar
Gísla Kr. Björnssyni, eiginmanni
Hönnu Lilju, og barna þeirra
Þorkels, Guðrúnar og Sigríðar
Hönnu.
Hanna Lilja fékk blóðtappa í
lungu þegar hún var gengin 34
vikur með tvíbura. Hún hafði
það ekki af en það tókst að bjarga
tvíburunum. Þær voru skírðar
strax og fengu nöfnin Sigríður
Hanna og Valgerður Lilja. Sig-
ríður Hanna var mun sprækari
en systir hennar og hefur eflst
það mikið að hún er talin úr lífs-
hættu. Valgerður Lilja var mun
veikari og var í öndunarvél og
sýndi ekki framfarir. Ákveðið
var að taka hana úr öndunar-
vélinni og fjaraði líf hennar út á
stuttum tíma. Fyrir áttu Gísli og
Hanna tvö börn, þau Þorkel Val,
átta ára, og Guðrúnu Filippíu,
fjögurra ára. -óhþ
Minningartónleikar um Hönnu Lilju
 Tónleikar Fjölskylda í sáruM Tónleikar reykjavík jazz FesTival
Ragnheiður syngur í Norræna húsinu
Söngkonan Ragnheiður Gröndal heldur tónleika í Norræna
húsinu í kvöld, föstudagskvöld, með þjóðalagasveit sinni og
hefjast þeir klukkan 20. Tónleikarnir eru hluti af Reykjavík
Jazz Festival. Ragnheiður hefur gefið út
fjölmargar plötur, meðal annars Þjóð-
lög (2006) og Tregagás (2009) en á þeim
er efniviðurinn sóttur í íslensk þjóðlög.
Þessar tvær plötur hafa vakið töluverða
athygli bæði heima og erlendis.
Hljómsveitin hefur undanfarin tvö ár
leikið víða, meðal annars í Danmörku,
Noregi og Þýskalandi. Eftir tónleikana á
Reykjavík Jazz Festival kemur hópurinn
fram á tónlistarhátíð í Normandí í Frakklandi.
Á tónleikunum á föstudaginn kemur austurríski slag-
verksleikarinn Claudio Spieler fram með hljómsveitinni en
hann leikur á mörg afar framandi slagverkshljóðfæri ættuð
frá austurlöndum fjær. Ásamt Ragnheiði og slagverksleikar-
anum Claudio Spieler leika Haukur Gröndal á klarínett, Guð-
mundur Pétursson á gítar og Birgir Baldursson á trommur
og slagverk. -óhþ
Ragnheiður
Gröndal
ásamt þjóð-
lagasveit
sinni sem
er skipuð
valinkunnum
listamönn-
um.
Vinirnir Jógvan Hansen og Friðrik Ómar syngja á tónleikunum.
Þessir koma fram á
tónleikunum
Anna Guðný Guðmundsdóttir
píanóleikari
Davíð Ólafsson og Stefán Helgi
Stefánsson óperusöngvarar ásamt
Helga Má Hannessyni píanóleikara.
Diddú óperusöngkona
Friðrik Ómar söngvari
Gréta Salóme Stefánsdóttir
fiðluleikari
Hrannar Kristjánsson hljóðmix
Jóhann Friðgeir Valdimarson
óperusöngvari
Jógvan Hansen söngvari
Óskar Einarsson, Fanný Kr.
Tryggvadóttir og Hrönn Svans-
dóttir gospelsöngur
 POPPPunkTur TOdMOBile MÆTir ÉG eÐa skálMöld í ÚrsliTuM
H ljómsveitin Skálmöld er komin í úrslit og mætir annað hvort
Ég eða Todmobile. Við fáum úr
því skorið annað kvöld,“ segir dr.
Gunni, spurningahöfundur og
dómari í hinum vinsæla sjónvarps-
þætti Popppunkti – en nú sér fyrir
endann á þessari viðureign hljóm-
sveitanna.
Þeir sem fylgjast með spurninga-
keppni poppara fá sem sagt úr því
skorið hvaða hljómsveit kemst í
úrslit. Sú viðureign verður hins
vegar ekki að viku liðinni. „Nei, 3.
september verður slegið á léttari
strengi. Þá verður á dagskrá hinn
árlegi auka Popppunktur til að hita
upp stemninguna fyrir sjálfan úr-
slitaleikinn. Þá eigast við Vestur-
port og Spaugstofan. Fyrirliði Vest-
urports er Björn Hlynur og með
honum eru Víkingur Kristjánsson
og Rúnar Freyr. Fyrirliði Spaug-
stofunnar er Örn Árnason en með
honum eru Siggi Sigurjóns og Karl
Ágúst,“ segir dr. Gunni og nefnir í
framhjáhlaupi að fyrirliðarnir Björn
Hlynur og Örn hafi lagt á það ríka
áherslu að fá að keppa í Popppunkti.
Búið er að taka upp þáttinn og
þekking leikaranna kom dr. Gunna
í opna skjöldu. Hann semur spurn-
ingarnar jafnan að teknu tilliti til
ætlaðrar þekkingar keppenda og
þegar poppararnir eru annars vegar
liggur það að einhverju leyti fyrir.
„Þarna kemur maður að tómum
kofanum. Yfirleitt semur maður
léttari pakka en gengur og gerist
þegar svona viðureignir eru annars
vegar en það var algjör óþarfi. Bæði
lið sýndu hörkuleik og það verður
gaman fyrir áhorfendur að sjá þetta
fólk í algjörlega nýju ljósi. Og svo
ertu náttúrlega kominn með fyrir-
sögnina: Spaugstofan aftur á RÚV.
Vilja ekki allir lesa það?“ Jú, Frétta-
tíminn ætlar að svo sé og leyfir við-
mælandanum að velja fyrirsögnina
að þessu sinni.
Dr. Gunni hefur ekki tölu á því
hversu margar spurningar hann
hefur samið fyrir Popppunkt; segir
að honum takist stundum að nota
aftur spurningar sem ekki líta
dagsins ljós í þáttunum. „Glöggir
áhorfendur geta séð í gegnum það.
Til dæmis í valflokkunum. Stund-
um koma einhverjir flokkar aftur
þótt þeir heiti kannski eitthvað
annað. Og þá nýtast spurningarnar.
Erlendar hljómsveitir á Íslandi
koma hugsanlega aftur undir öðru
heiti: Íslandsvinir.“
Dómarinn dregur hins vegar
ekki úr því að hann leggi metnað og
vinnu í þáttinn. Því er ekki úr vegi
að inna hann eftir því hvort spyrill-
inn, Felix Bergsson fái jafn mikið
borgað fyrir dagskrárgerðina?
„Heyrðu, það er verið að kalla mig á
fund. Ég sendi þér svar við þessari
spurningu í tölvupósti.“
– Bíddu, bíddu ... við verðum að
loka þessu. Hefur ekki komið til tals
að hafa þetta konsept til útflutnings?
„Einhvern tíma kom það til tals.
Sonur Sigurjóns Sighvats, Þórir
Snær, pródúsent hjá Zik Zak, ætlaði
að selja þetta til Skandinavíu á
sínum tíma. En ég heyrði ekkert
meira um það. Ég skil reyndar
ekki af hverju engum hefur dottið
þetta í hug. Rolling Stones á móti
Metallica! Það væri gott. Annars
er þetta alveg opið. Við eigum ekki
einkarétt á þessu. Kannski ein-
hvern hefðarrétt. En þetta er bara
hugmynd sem ég hef ekki fengið
lögverndaða. Ég vil helst komast í
gegnum lífið án þess að hafa ein-
hverja lögfræðinga í kringum mig.
En ef það er einhver athafnamaður
sem vill kanna þetta þá lýst mér vel
á það.“ Dr. Gunni segir ekki ákveð-
ið hvort Popppunktur verður á dag-
skrá næsta sumar en hins vegar
hafi þeirri hugmynd verið hreyft að
hafa einhvers konar jólapopppunkt.
Jakob Bjarnar Grétarsson
jakob@frettatiminn.is
Spaugstofan aftur á RÚV
Popppunktur Gunni og Felix en fyrir framan þá eru leikararnir úr Spaugstofunni og Vesturporti sem tókust á í Popppunkti af
miklum ákafa, krafti og ... þekkingu.
Söfnunarrei
kningur fyrir
börn Hönnu
Lilju og Gísla
Kt. 080171-5
529
0322-13-700
345
Sími 412 2500 - sala@murbudin.is - www.murbudin.is
– Afslátt eða gott verð?
Reykjavík - Reykjanesbæ
Akureyri - Húsavík
Vestmannaeyjum
Hreinlætisvörur
NAPOLI hitastýrt sturtusett
26.900,-
SAFIR sturtusett
2.595,-
Stálvaskur ø 38 cm
5.990,-
11.900,-
NAPOLI hitastýrð blöndunartæki fyrir sturtu
NAPOLI hitastýrð blöndunartæki
fyrir baðkar 10.995,-
MTXE sturtuhaus
2.690,-
Skolvaskur plast 52,5x37,6 cm
9.900,-
Stálvaskur 43x76 cm
6.990,-
VEMAR River blöndunartæki
5.900,-
VEMAR Rain blöndunartæki
5.990,-
58 dægurmál Helgin 26.-28. ágúst 2011