Læknablaðið - 01.02.1966, Blaðsíða 52

22
LÆKNABLAÐIÐ
hætti, að tryggingarnar greiða helminginn af verði þeirra lyfja, sem
læknar skrifa lyfseðil fyrir, þó þannig, að sjúklingurinn greiðir fyrstu
fjögur mörkin í hvert skipti.
Af röntgenmyndum greiða tryggingarnar 75%, en sjúklingur
greiðir þó sex fyrstu mörkin sjálfur.
Tryggingarnar greiða ferðakostnað fyrir sjúklinga, þannig að
við fyrstu ferð greiðir sjúklingur fimm fyrstu mörkin, en fær hitt
endurgreitt. Við síðari ferðir greiðir sjúklingurinn 2% mark. Þá eru
einnig greiddir sjúkradagpeningar og fæðingarstyrkir.
Ekki er enn vitað, hvernig samið verður við læknana, en talið er
líklegt, að þeim verði ekki sett ákveðin gjaldskrá, heldur fari endur-
greiðslur eftir gjaldskrá, sem tryggingarnar semja.
Trygginga- Þá var allmikið rætt um tryggingamál lækna á Norö-
mál Iækna. urlöndum, og skýrðu finnsku læknarnir frá því, að á
síðastliðnu ári hefði verið komið á hóptryggingu hjá
finnskum læknum, og tekur hún til lækna, sem eru undir 65 ára.
Engin skylda er fyrir félaga að taka þátt í tryggingu þessari, en
leynslan varð sú, að 82% allra finnskra lækna, sem þess áttu kost,
tóku þátt í tryggingunni. Tryggingarupphæðin er 6500 dollarar, en
ársiðgjald 40 dollarar. Iðgjaldið var reiknað út eftir meðalaldri þess
hóps, sem taka vildi þátt í tryggingunni, og var meðalaldur 40 ár.
Tryggingabætur eru greiddar við dauða eða fullkomna örorku,
er verður innan 65 ára aldurs, og greiðast þá fullar bætur. Milli 65
og 70 ára aldurs greiðist aðeins hluti af bótum, og eftir 70 ára aldur
greiðast eingöngu 75 dollarar í hverju einstöku tilfelli, og skoöast
það sem jarðarfararstyrkur.
Hér er um tímabundna líftryggingu að ræða, enda iðgjaldið miðað
við það. Töldu læknarnir, að iðgjaldið væri um það bil helmingi
lægra en hægt hefði verið að fá fyrir einstakling fyrir sams konar
tryggingu á frjálsum markaði.
Norsku fulltrúarnir skýrðu frá fyrirkomulagi á tryggingamál-
um lækna í Noregi, sem er með þeim hætti, að læknafélagið fær 5%
af launum þeirra lækna, sem eru í föstum stöðum eða vinna skv.
samningum félagsins. Þetta fé er notað til greiðslu á sjúkra- og líí-
eyristryggingu fyrir lækna, og fá þeir sjúkrabætur, ef þeir eru óvinnu-
færir meira en 30 daga, en lífeyristryggingin er nú 20 þús. norskar
krónur, er greiðist sem dánarbætur eða eftirlaun frá 70 ára aldri;
einnig greiðist þetta sem eftirlaun, ef hlutaðeigandi verður óvinnufær,
áður en aldurstakmarki er náð. Eftirlaunin eru 20 þús. kr. á ári, en
ekkjur lækna fá 12 þús. kr. á ári. Trygging þessi er því jafnframt
ekknasjóður norskra lækna.
í Danmörku borga sjúkrasamlögin læknafélaginu þrjú þúsund kr.
á ári sem tryggingafé fyrir hvern lækni, en læknafélagið kaupir líf-
eyristryggingu fyrir þessa upphæð hjá tryggingafélagi því, sem það
semur við. Lífeyrisgreiðsla hefst yfirleitt við 70 ára aldur.
Rætt var nokkuð um þau vandkvæði að láta lífeyrissjóðina fylgj-
ast með verðbólgunni. Töldu norsku læknarnir, að heppilegra væri,
að tryggingariðgjaldið væri hundraðshluti af launum, á þann hátt