Læknablaðið - 01.06.1969, Page 51

LÆKNABLAÐIÐ
97
Ólaíur Ólafsson, Arinbjörn Kolbeinsson, Nikulás Sigfússon,
Ottó Björnsson, Þorsteinn Þorsteinsson:
URIGLOX-PRÓF
Samanburður á ákvörðun sýklafjölda í þvagi með uriglox-
aðferð og sýklatalnmgu með ræktun*
Inngangur
Rannsóknarstöð Hjartaverndar hóf hópskoðun karla haustið
1967, en haustið 1968 var hafin rannsókn á úrtaki kvenna (33%
16 árganga á aldrinum 33—60 ára).°
Þegar áætlun var gerð um þessa hópskoðun, var talið nauðsyn-
legt að kanna tíðni einkennalausra þvagfærasýkinga meðal kvenna,
þar eð sá sjúkdómur er algengur og getur valdið langvinnri nýrna-
bólgu og háþrýstingi. 2. 3 Með þvagfærasýkingu er átt við, að fjöldi
sýkla sé > 100.000 í ml þvags.2
Árið 1967 birtist í J AMA grein um, að þrúgusvkur í þvagi
geti minnkað vegna þvagfærasýkingar.8 Sumarið 1968 bárust
fréttir frá Lundi, að náðst hefði góður árangur við leit að þvag-
færasýkingu með aðferð, sem nefnd er uriglox-próf, en hún
byggist á athugun á þrúgusykri í þvagi, eins og lýst var af
Scherstén 1967.7
Einn okkar, Ólafur Ólafsson, fékk tækifæri til að kynnast þessari
aðferð í Lundi, og var talið rétt að kanna, hvort hún hentaði við
hóprannsóknir. Þar eð uriglox-prófið er nýjung og hefur aðeins
verið athugað \ið háskólann í Lundi, þótti rétt að kanna gildi
aðferðarinnar hér á landi.
Tilgangur þessarar rannsóknar var því að kanna gildi uriglox-
prófs við leit að þvagfærasýkingu með samanburði við venjulega
sýklatalningu með ræktun a. m. Kass.
Aths. Þegar getið er um skakkt jákvæðan eða skakkt neikvæð-
an þátttakanda, svo og næmi uriglox-prófs, er ávallt miðað við,
að venjuleg sýklatalning með ræktun a.m. Kass sé „óbrigðul“.
(Samkvæmt athugunum Kass2 er næmi aðferðar hans um 96%.)
* Frá Rannsóknarstöð Hjartaverndar, Lágmúla 9, Reykjaví'k. For-
stöðumaður Ólafur Ólafsson.