Læknablaðið - 01.04.1973, Blaðsíða 33
LÆKNABLAÐIÐ
61
legt að sé á þröngu sérsviði, sem illmögu-
legt er að stunda utan sjúkrahúsa. Eldri
læknar eyða æ meiri tíma í að hafna úreltri
þekkingu og nema nýja, og styttist því sí-
fellt tími þeirra til að sinna lækningum.
Því má ekki gleyma, að sérhæfing og inn-
leiðing dýrra, mannfrekra nýjunga í heil-
brigðisþjónustu er krafa þjóðfélagsins alls.
Menningar- og velferðarríki er ekki talið
sæma annað en bjóða þegnum sínum það
nýjasta og bezta í þessum efnum, hvað sem
það kostar. Við íslendingar getum reynt að
hugga okkur við að vera ekki eina ríkið, sem
býr við háan staðal sumra þátta heilbrigðis-
þjónustu á kostnað annarra. Það kann að
vera fulldjúpt tekið í árinni að kenna tölv-
unni (vísindunum) um læknaskort íslenzks
dreifbýlis, en sannleikskorn kann að felast
í því.
Nú skyldi enginn ætla, að það sé tilgang-
ur þessara orða að rægja tölvutæknina og
notkun hennar að heilbrigðu marki. Hún er
og verður ómetanlegt hjálpartæki. Hvetja
ber til nýtingar tölvutækninnar í heilbrigðis-
þjónustu til flýtisauka, öryggis og bættrar
jajónustu við sjúka. Á sumum sviðum ber þó
að fara með gát. Mannlegir þættir og mann-
leg samskipti mega ekki gleymast og fótum
troðast í tækniþróunarkapphlaupinu. Pá væri
ver farið en heima setið.
Páll Asmundsson
FRÁ HEILBRIGÐISSTJÓRN
í þessu hefti Læknablaðsins hefur göngu
sína nýr þáttur, er nefnist Frá heilbrigðis-
stjórn. Umsjónar- og ábyrgðarmaður hans er
Páll Sigurðsson, ráðuneytisstjóri. Ætlunin er.
að þáttur þessi flytji lesendum Læknablaðs-
ins framvegis fréttir og fróðleik frá heil-
brigðisyfirvöldum um þau mál, sem efst
eru á baugi hverju sinni.
Samskipti lækna og heilbrigðisyfirvalda
eru ekki alltaf hnökralaus. f umræðum sýnist
gjarnan sitt hverjum. Læknar hafa löngum
verið ófeimnir að láta í Ijós skoðanir sínar
á þeim málum, er þeir telja sig varða. Ekki
hafa þá ætíð farið saman skoðanir lækna-
stéttar og stjórnvalda. Hvor aðilinn hefur þó
jafnan haft virðingu hins, enda markmiðið
hið sama, að bæta heilbrigðisþjónustu við
landslýð. Framhjá nánum samskiptum þess-
ara aðila verður ekki komizt og er vonandi,
að þau verði jafnan farsæl.
Telja má, að til þessa hafi verið tilfinnan-
legur skortur tjáskipta milli lækna og heil-
brigðisstjórnar. Fullvíst er, að mörg mál,
sem heilbrigðisyfirvöld afgreiða hávaðalaust.
fari að meira eða minna leyti framhjá lækn-
um. Páll Sigurðsson bendir réttilega á það.
í inngangi þáttarins, að heilbrigðisstjórn sé
brýn þörf málgagns, sem veiti læknum og
öðrum heilbrigðisstéttum aðgengilegar upp-
lýsingar um þau mál, sem efst eru á baugi
hverju sinni. Hinn nýi fréttapistill bætir von-
andi framvegis að nokkru úr þeirri þörf.
Skýrar upplýsingar hljóta að leiða til betri
skilnings á málefnum og þar með til enn
bættra samskipta lækna og heiIbrigðisstjórn-
ar.