Læknablaðið - 01.06.1976, Síða 55

LÆKNABLAÐIÐ
115
KJÖR OG
RÆTT VIÐ
FORMANN
STARFSAÐSTAÐA FÆREYSKRA LÆKNA
OLA MICHELSEN,
LÆKNAFÉLAGS FÆREYJA
Gestur aðalfundar LÍ 1976 var Oli
Michelsen, formaður Læknafélags Fær-
eyja. Blaðamaður Læknablaðsins bað Ola
að segja undan ög ofan af starfi fær-
eyskra lækna og vandamálum þeirra með
hliðsjón af samstarfinu við Dani.
Oli er svæfingarlæknir á spítalanum i
Þórshöfn. Hann stundaði nám í Danmörku.
en ísland þekkir hann frá þeim tíma er
hann var sjómaður á færeyskum skipum
við íslandsstrendur.
Oli sagði, að nú störfuðu 45 læknar í
Færeyjum og væru þeir langflestir fær-
eyskir. Undanfarin sumur hafa 4-5 dansk-
ir læknar komið til Færeyja til að leysa
færeyska lækna af. Þegar á heildina er
litið, er nóg af læknum í Færeyjum eins
og er, en erfitt hefur reynzt að manna
afskekktustu héruðin. Nokkrir færeyskir
læknar hafa ekki snúið heim aftur að
loknu embættisprófi, en það telst satnt
til undantekninga ef þeir setjast að er-
lendis til langframa.
ENGIN TAKMÖRKUNARÁKVÆÐI
ENNÞÁ
Enn hafa ekki verið settar neinar skorð
ur við inngöngu í danska læknaskóla, og
færeysku stúdentarnir sitja við sama boið
og þeir dönsku. Senn má þó búast við
að takmörkunarákvæði bitni jafnt á fær-
eyskum stúdentum sem dönskum. Þrír fær-
eyskir læknar eru útskrifaðir úr Háskóla
íslands, en þeir stunduðu framhaldsnánt
í Danmörku, eins og nær allir færeyskir
læknar hafa gert til þessa.
Á sjúkrahúsi Alexandriu drottningar í
Þórshöfn eru um 200 sjúkrarúm á hand
lækningadeild, lyflækningadeild og berkla-
deild, en þá síðasttöldu hefur reyndar ver
ið talað um að leggja niður. Margir eru
því mótfallnir þar sem berklar láta enn
á sér kræla í Færeyjum. Við berkladeild-
ina starfar enn læknir, sem átti að hætta
sökum aldurs fyrir þremur árum. Auk
áðurnefndra deilda eru á sjúkrahúsinu
rannsókna- og röntgendeild.
Heilbrigðisþjónustan er í stórum drátt-
um kostuð að hálfu af Færeyingum og
hálfu af danska ríkinu. Landlæknir er
danskur embættismaður.
SÖMU LAUNAKJÖR OG í
DANMÖRKU
Færeyska læknafélagið er í flestu tengt
dönsku læknasamtökunum, en héraðslækn-
ar hafa þó sjálfstæðan samningsrétt við
sjúkrasamlagið. Færeyskir læknar njóta
sams konar launakjara og læknar í Dan-
mörku.
Langflestir Færeyingar eru í sjúkrasam-
lögum, en eru þó ekki skyldugir að vera
félagsmenn. Endurgreiðsla úr sjúkrasam-
lögum fer eftir efnahag hvers og eins.
Er Oli var spurður um getu færeyskra
lækna til að kljást við erfiðari sjúkdóma,
sagði hann að tveir yfirlæknar væru á lyí-
lækningadeild og væri annar sérfræðing-
ur í meltingarsjúkdómum, en hinn í hjarta-
sjúkdómum. Á handlækningadeild starfa
sérfræðingur í kvensjúkdómum og fæð-
ingarhjálp og almennur skurðlæknir. Þá
er sérfræðingur í bæklunarsjúkdómum,
sem jafnframt starfar sem almennur skurð-