Dagblaðið Vísir - DV - 16.03.2007, Blaðsíða 21

DV Fréttir föstudagur 16. mars 2007 21
1.
Fósturforeldrar okkar bjuggu okk-
ur öruggt og gott heimili að Kumb-
aravogi þar sem við nutum skjóls,
en mörg okkar höfðu áður dvalið á
fleiri en einni af stofnunum ríkis-
ins, öll komum við úr erfiðum fjöl-
skylduaðstæðum. Í starfi sínu höfðu
fósturforeldrar okkar að leiðarljósi
að Kumbaravogur væri heimili en
ekki stofnun og að við mynduðum
eina fjölskyldu. Flest okkar tóku að
kalla þau mömmu og pabba eftir að
við komum að Kumbaravogi. Mörg
okkar hafa gert það alla tíð síðan. Á
heimili okkar ríkti reglusemi og festa,
og við þurftum aldrei að kvíða helg-
um líkt og svo mörg börn þurfa því
miður að reyna. Þá var heimili okkar
bjart og þrifalegt og matur ætíð næg-
ur, fjölbreyttur og hollur.
2.
Á Kumbaravogi lærðum við til
verka við leik og störf. Það er rétt sem
komið hefur fram í umræðunni í DV
að við fengum að kynnast ýmsum al-
gengum störfum og að vinnuálagið
hafi verið árstíðabundið. Fósturfor-
eldrar okkar töldu að besta leiðin til
að ala upp svo stóran barnahóp væri
að sjá til þess að við hefðu iðulega
eitthvað fyrir stafni í leik og starfi.
Við teljum að sú reynsla hafi verið
okkur gott veganesti út í lífið, kennt
okkur að treysta á sjálf okkur og skilja
þá ánægju og það stolt sem felst í því
að vinna gott verk, takast á við erfið
verkefni og leysa þau vel af hendi.
Ummælum um að barnaþrælkun
hafi viðgengist á Kumbaravogi og að
börnin hafi aldrei fengið tíma til að
sinna öðru en vinnu höfnum við hins
vegar alfarið. Slík ummæli standast
einfaldlega ekki skoðun. Fósturfor-
eldrar okkar voru mjög duglegir við
að ferðast með sinn stóra barnahóp.
Gildir það ekki eingöngu um styttri
helgarferði sem voru mjög tíðar (til
dæmis í Þrastarlund og á Þingvelli)
heldur einnig um lengri ferðir sér-
staklega að sumarlagi. Má í því sam-
hengi nefna ferðir með barnahópinn
til Víkur í Mýrdal, Þórsmerkur, Þjórs-
árdal, Veiðivatna, Víðihlíðar, Flateyj-
ar á Breiðafirði, Heklu (til dæmis við
Heklugos 1970), Landmannalauga,
og um Kaldadal til Borgarfjarðar. Við
fengum mjög góðan tíma til að sinna
ótal áhugamálum svo sem smíðum,
siglingum, útivist og náttúruskoðun,
kanínurækt, frímerkjasöfnun, hjól-
reiðum, lestri bóka, hestamennsku,
móturhjólum, skák, fótbolta, skauta-
íþrótt og þannig mætti lengi telja.
Fósturforeldrar okkar buðu okkur
til dæmis að sækja skákmót Fischers
og Spasskís árið 1972 og nýttum við
mörg okkur það og okkur var boðið á
völlinn þegar Benfíca keppti við Val
og vakti það mikla lukku. Á veturn-
ar stunduðu við skóla og nám líkt og
aðrir krakkar.
3.
Í umræðu DV hefur verið rætt um
áfengisvanda einstaklinga sem áttu
heimili að Kumbaravogi og er rak-
inn stuttlega æviferill tveggja fóst-
urbræðra okkar sem sagt er, rétti-
lega, að hafi orðið óreglumenn og
látist langt fyrir aldur fram. Að vísu
er ekkert haft eftir þessum tveimur
einstaklingum sjálfum um slæma
dvöl þeirra á Kumbaravogi eða að
þeir hafi haft eitthvað upp á fóstur-
foreldra okkar að klaga. Öðru nær.
Um annan þeirra er beinlínis sagt að
hann „talaði aldrei illa um þau hjón-
in ..“ og getum við staðfest þau um-
mæli. Hins vegar hafa komið fram í
umræðunni nokkrar getgátur um að
ógæfu þessara fósturbræðra okkar
megi rekja til áranna á Kumbaravogi.
Við frábiðjum okkur allar getspár um
ástæður fyrir ógæfu þessara fóstur-
bræðra okkar. Almennt viljum við
þó taka eftirfarandi fram. Í fyrsta lagi
viljum við benda á að þegar skoð-
að er hvers vegna tiltekinn einstakl-
ingur þjáist af vanlíðan og leiðist út í
óreglu ber að horfa til margra þátta.
Meta þarf hvaða áhrif það hefur á
barnssálina að flosna frá kynforeldr-
um sínum ung að árum og dvelja á
stofnunum ríkisins áður en dvölin
að Kumbaravogi hófst. Skoða þarf
hvort erfðir hafi haft áhrif á alkahól-
isma viðkomandi en slík áhrif eru al-
þekkt og einnig þarf að huga að vali
og ábyrgð einstaklingsins sjálfs. Við
ítrekum að þessi athugasemd er al-
menns eðlis, henni er ekki beint gegn
tilteknum einstaklingum. Í öðru lagi
viljum við benda á að við vitum til
þess að fósturforeldrar okkar reynd-
ust þessum tilteknum einstakling-
um vel eftir að þeir fóru frá Kumb-
aravogi. Fósturfaðir okkar og síðari
kona hans voru í hópi fárra einstakl-
inga sem ævinlega reyndust vel þeim
fósturbróður okkar sem vitnað er til
hér að ofan og rætt er um í helgar-
blaði DV 2. mars. Okkur kemur því
ekki að óvart að hann hafi talað vel
um fósturforeldra okkar.
4.
Í umræðu DV hefur komið fram
sú fullyrðing að fósturfaðir okkar hafi
haft niðrandi ummæli um foreldra
okkar í okkar viðurvist. Þetta er ekki
okkar reynsla. Lögð var áhersla á góð
samskipti okkar við foreldra okkar.
Einn sunnudagur í hverjum mán-
uði var helgaður heimsóknum og
þá gátu foreldrar okkar varið degin-
um með okkur. Mjög margir foreldr-
ar nýttu sér þennan kost sem fóstur-
foreldrar okkar buðu upp á að eigin
frumkvæði.
5.
Í umræðu DV hefur komið fram
að gestkomandi maður hafi leitað á
nokkur börn á heimilinu. Þau okkar
sem þekkja til þessa máls geta stað-
fest að þegar grunsemdir vöknuðu
um þennan mann var brugðist mjög
ákveðið við og honum vísað á dyr.
Um þetta eru raunar bæði þau sem
gagnrýnt hafa fósturforeldra okkar
og þau sem hafa haft um þau góð orð
sammála.
6.
Þau tvö fóstursystkini okkar sem
gagnrýnt hafa fósturforeldra okkar
lýsa bæði ágreining við fósturföð-
ur okkar um fjármál. Í öðru tilvikinu
er lýst reiði vegna þess að fósturfað-
ir okkar hefur ekki orðið við beiðni
um að styrkja fósturbróður okkar til
náms í Þýskalandi eftir að hann varð
fullorðinn. Í hinu tilvikinu er lýst
ágreining um greiðslu arfs sem varð
að dómsmáli. Við viljum ógjarn-
an blanda okkur í þessi mál en vilj-
um þó almennt benda á eftirfarandi.
Fósturforeldarar okkar voru iðulega
reiðubúnir að veita okkur stuðning
á fullorðinsárum þegar við þurftum
á því að halda. Gildir þetta um flest-
an þann stuðning sem foreldrar veita
börnum sínum, fjárhagslegan og sið-
ferðilegan. Í sumum tilvikum hefur
sá stuðningur riðið baggamuninn
á erfiðum tímum. Þau hvöttu okkur
einnig eindregið til framhaldsnáms
og aðstoðuð okkur fjárhagslega við
það. Við viljum að þessi tryggð og
umhyggja fórnfúsra fósturforeldra
okkar sé dregin fram í dagsljósið nú
þegar ágreiningsmál hafa verið viðr-
uð á síðum dagblaðs. Um dómsmál-
ið viljum við einungis segja á þessu
stigi að fósturfaðir okkar var sýknað-
ur af öllum sökum.
Að lokum viljum við leyfa okkur
að benda á tvennt. Í fyrsta lagi að um-
ræðan undanfarnar vikur hefur vald-
ið okkur meiri sársauka en orð fá lýst.
Fólk sem reyndist okkur vel á erfið-
um tímum, fólk sem kann og kunni
að axla ábyrgð möglunarlaust og
sinna skyldum sínum af trúmennsku
og rækni um áratuga skeið, er dreg-
ið í svaðið. Enginn greinarmunur er
gerður á ágreiningi sem upp getur
komið í stórri fjölskyldu - í fjölskyld-
um af þessari stærð er nánast óhjá-
kvæmilegt að viðhorfin séu ólík - og
því þegar börn sæta illri meðferð
og harðræði á stofnunum ríkisins.
Í öðru lagi viljum við benda á að já-
kvætt viðhorf okkar til fósturforeldra
okkar og Kumbaravogs eru ekki nýt-
ilkomin viðbrögð við neikvæðri um-
ræðu undanfarnar vikur. Við höfum
oft áður látið í ljós sömu viðhorf. Má
í því samhengi nefna viðbrögð okk-
ar þegar við vorum spurð árið 1991
hvort við vildum láta skrá okkur sem
fósturbörn Kristjáns Friðbergsson-
ar í bókinni Samtíðarmenn sem gef-
in var út árið 1993. Nær öll okkar
brugðust vel við þeirri fyrirspurn, ófá
okkar með orðum um að við værum
þakklát fyrir árin á Kumbaravogi og
stolt af því að vera nefnd fósturbörn
þeirra Kristjáns og Hönnu. Sama við-
horf tjáðum við árið 1992 þegar við
fylgdum fósturmóður okkar til mold-
ar og sömdum um hana minningar-
grein sem lesa má í Morgunblaðinu
2. apríl 1992. Við höfum einnig hist á
Kumbaravogi annan í jólum á heim-
ili fósturföður okkar í áratugi, rifj-
að um gamla tíma og notið veitinga
og velgjörða fósturföður okkar. Það
segir sína sögu um viðhorf okkar til
hans.
Gísli Ó., Grétar, Guðrún Linda, Gunnar, Karl
Óskar, Pétur Ragnar, Róbert H., Sigurborg,
Sigurður Hólm.
Yfirlýsing frá níu fósturbörn-
um Kristjáns og Hönnu á
Kumbaravogi
Vegna umfjöllunar í helgarblaði DV 16. febrúar, 2. mars og 9. mars síðastliðinn viljum við níu fósturbörn Kristj-
áns og Hönnu á Kumbaravogi taka eftirfarandi fram: