Fréttatíminn - 26.11.2010, Side 30

Þ egar upp er staðið má segja að ég sé ótrúlega vel stemmd-ur núna og kem þokkalega
heill undan þessu öllu saman. En
auðvitað hafa þetta verið sérstakir
tímar og skrítin tvö ár, eða nánast
þrjú ár, vegna þess að það var ekki
nema örfáum mánuðum eftir að ég
kom í ráðuneytið sem húsið fór í
rauninni að hristast á grunninum
og maður fór að átta sig á að í mikið
óefni stefndi. Þetta voru róstusöm
og mjög erfið ár fyrir okkur öll og
maður er ekkert undanskilinn í því.
Þegar Björgvin sagði af sér dró
hann sig út úr skarkalanum og hélt
sig að mestu heima á Selfossi. Hann
hafði hægt um sig á pólitíska svið-
inu og beið þess sem verða vildi þar
til niðurstaða skýrslu Rannsóknar-
nefdnar Alþingis lægi fyrir. „Það
var mjög háspennt stemning þegar
skýrslan kom út og maður færðist
svolítið undan því. Ég ákvað sjálfur,
þegar þetta fór í þennan farveg, að
fara í burtu á meðan þingmanna-
nefndin var að klára málið. Þá vissi
ég ekki hvort það yrðu tveir mán-
uðir eða sex. Og hvort þeir mánuðir
yrðu svo jafnvel tólf. Maður hafði
ekki hugmynd um það. Þannig að
fyrstu vikurnar voru mjög erfiðar og
sérstakar og auðvitað leið mér ekki
vel þá. Það var auðvelt að tapa sér í
vangaveltum um að það væri allt í
rúst og maður ætti sér ekki viðreisn-
ar von. Þetta væri eitthvert óveður
sem myndi feykja manni um koll –
persónulega og pólitískt. En ég var
nú staðráðinn í að láta það ekki ger-
ast og reif mig bara á lappirnar eftir
nokkurra vikna rot.“
Skrifaði sig frá erfiðri reynslu
Fljótlega eftir að Björgvin tók
á sig rögg kviknaði hugmyndin
um að festa undangengna atburði
á bók. „Ég vildi bæði gera þetta á
meðan atburðirnir væru mér sæmi-
lega ferskir í minni og hins vegar
til þess að draga lærdóm af þeim án
þess að ég væri nokkuð staðráðinn í
að gefa þetta út. Ég ákvað það í raun-
inni ekki fyrr en í haust. Ég skrif-
aði nokkra klukkutíma á dag í allt
sumar og hafði mjög gaman af því
og fann það strax að burtséð frá því
hvort ég gæfi þetta út eða ætti þetta
bara þá var þetta mjög gagnlegt og
ágætt að gera.“
Björgvin segir að þessi vinna hans
hafi hjálpað honum að vinna úr þess-
ari erfiðu reynslu. Fólk hafi almennt
tilhneigingu til að loka á það sem því
reynist erfitt í lífinu þegar frá líður
og jafnvel reyna bara að gleyma.
Hann hafi farið í gegnum þetta
allt saman aftur og endurupplifað
á meðan hann skrifaði. „Það hafði
mikið gildi fyrir mig að gera þetta
og þegar ég var búinn að þessu þá
fann ég að það var mjög þungu fargi
af mér létt. Mér leið bara prívat og
persónulega betur. „Ég notaði líka
tækifærið og spjallaði við ýmsa sem
voru á þessum vettvangi með mér
og það var mjög gott.“
Ekki málsvörn
Björgvin segist ekki líta á bókina
sem sérstaka málsvörn sína. „Ég
geri það ekki en auðvitað upplifa
einhverjir bókina þannig og það er
ekkert rangt við það. Þetta er bara
fyrst og fremst reynslusaga, saga
sem ég upplifði. Þetta voru
sögulegir atburðir bæði í
Varð Össuri sár og reiður
Björgvin hefur verið í innsta
hring Össurar Skarphéðins-
sonar utanríkisráðherra allan
sinn stjórnmálaferil. Þeir hafa
gengið saman í gegnum þykkt
og þunnt en Björgvini fannst
Össur vera einn þeirra sem
brugðust honum í hvirfilbyl
efnahagshrunsins. „Ég varð
sár og reiður út í Össur. Við
erum trúnaðarvinir, félagar
og bandamenn í mörg, mörg
ár. Við höfum staðið saman
í gegnum allt; formannskjör
hans og alla hans formanns-
tíð í Samfylkingunni. En
þarna reiddist ég honum og
ég segi frá því í bókinni og
dreg þar ekkert undan. Svo
velur maður bara, annað-
hvort endar maður samskipti
og vinskap við fólk út af
einhverjum svona atburðum
eða maður ræðir þá bara
heiðarlega og gerir þá upp
og heldur svo áfram. Við
erum alltaf að gera mistök í
mannlegum samskiptum og
ég get svo sannarlega sagt að
þau voru mörg gerð á þessum
tíma.“
lýðveldissögu okkar og sögu þjóð-
arinnar. Þetta er frásögn af minni
upplifun og hún er sönn, heiðarleg
og sanngjörn miðað við hvernig hún
snýr við mér á þessari stundu. En
hún er ekki saga annarra af þess-
um atburðum. Ég gerði mitt besta
í þessari bók og var ekkert að hlífa
mér eða því sem ég gerði eða gerði
ekki. Ég birti þarna bæði hluti sem
eru góðir fyrir mig og slæmir. Ég er
ekki sammála því að ég hafi kosið
að muna sumt en annað ekki. Það
má endalaust rökræða það og ef ein-
hverjum finnst ég hafa gert það þá
er það bara svoleiðis. En ég vona að
ég hafi ekki gert það.“
Keyrði með bók heim til Geirs
Eins og gefur að skilja koma
margir við sögu í bók Björgvins og
suma þeirra hittir hann nánast dag-
lega á þingi. Hann segist ekki hafa
fundið fyrir reiði í sinn garð fyrir að
segja þessa sögu en auðvitað sýnist
hverjum sitt. Björgvin hafði ekki
hitt Geir Haarde lengi og ákvað
því að heimsækja forsætisráðherr-
ann fyrrverandi og færa honum
eintak um leið og bókin kom út.
„Ég hafði ekki séð Geir Haarde
síðan hann fór af þinginu eftir kosn-
ingarnar í apríl 2009 og daginn sem
bókin kom út renndi ég heim til
hans, bankaði upp á hjá honum og
afhenti honum bók án þess að gera
boð á undan mér. Hann bauð mér
inn og við áttum skemmtilegt spjall
saman og ég fékk síðan viðbrögð frá
honum. Sumir sem koma við sögu
eru auðvitað ekkert sammála öllu
sem ég segi eða mínum viðhorfum
en ég held að flestum finnist ég
ágætlega sanngjarn í umfjöllun um
menn og málefni. Ég er ekkert að
reyna að hjóla í einhvern að ósekju,
gera hlut einhvers verri eða útmála
einhverja sem sökudólga ófaranna
umfram aðra. Ég er bara að segja
söguna eins og hún lítur út fyrir
mér. Svo getur hver og einn dregið
sínar ályktanir af því. Ég gagnrýni
samt ýmislegt sem fór úrskeiðis,
eins og þessa hörmulegu atburðarás
yfir Glitnishelgina. Um leið reyni ég
svo sem að finna fólki það sem það
hefur sér til málsbóta. Auðvitað eru
sjálfsagt einhverjir ekki sáttir við
allt en ég hef ekki orðið sérstaklega
var við það.
Líður vel í Samfylkingunni
Björgvin viðraði á dögunum hug-
myndir sínar um að ef til vill væri
tímabært að huga að stofnun nýs
stjórnmálaflokks. Hann segir þetta
þó ekki segja neitt um það hvernig
honum líði í Samfylkingunni enda
sé þetta eitthvað sem hann hafi tal-
að um jafnt og þétt í mörg ár. „Mér
líður ágætlega í Samfylkingunni í
sjálfu sér og ég vona að hún nái sér
ágætlega á strik út úr þessu öllu,“
segir Björgvin og bætir við að Sam-
fylkingin hafi gengið samstiga til
móts við erfið verkefni og deilur og
flokkadrættir innan hennar séu ekki
í neinni líkingu við það sem gangi
á í öðrum flokkum. Þá hefur hann
engar áhyggjur af leiðtogakreppu
þegar Jóhanna Sigurðardóttir stíg-
ur af sviðinu, án þess að hann vilji
fara djúpt ofan í þá sálma. „Það er
svo merkilegt þegar menn velta
mikið fyrir sér hverjir taka við og
hvort leiðtogi sé í augsýn. Réttu
Stóð upp eftir rothögg
Björgvin G. Sigurðsson var 36 ára þegar hann fékk stærsta tækifærið á sínum pólitíska ferli og tók við viðskiptaráðuneytinu sumarið 2007. Framtíðin
reyndist þó síður en svo jafn björt og útlit var fyrir og í janúar árið 2009 sagði Björgvin af sér sem viðskiptaráðherra, reynslunni ríkari eftir efnahags-
hrunið. Björgvin hefur gert þennan átakatíma upp í bók sinni Stormurinn – Reynslusaga ráðherra. Hann ræðir hér við Þórarin Þórarinsson um pólitíska
framtíð sína, heiftarlega reiði í garð samherja sinna sem hann hefur þurft að vinna úr og óvænta heimsókn til Geirs H. Haarde. Ljósmyndir/Hari.
Björgvin G. Sigurðsson reif sig upp í sumar eftir rothögg bankahrunsins og gerði upp við erfiða fortíð síðustu ára með bókarskrifum.
Björgvin var sár og reiður út í
Össur Skarphéðinsson, vin og
vopnabróður til margra ára,
en þeir félagar hafa gert
atburði banka-
hrunsins upp.
30 viðtal Helgin 26.-28. nóvember 2010