Fréttatíminn - 26.11.2010, Side 94

70 dægurmál Helgin 26.-28. nóvember 2010
V ala Grand hefur slegið í gegn í netsjónvarpsþáttunum Veröld Völu Grand á mbl.is. Þættirnir,
sem eru orðnir fjórir talsins, hafa notið
mikilla vinsælda meðal lesenda vinsæl-
asta vefsvæðis landsins. Vala segist þó
ekki vera orðin sjónvarpsstjarna. „Ég
horfi ekki á mig í sjónvarpinu, aldrei. Ég
tek þetta upp, segi frá minni lífsreynslu
og skila af mér,“ segir Vala og þvertekur
fyrir að kunna vel við athyglina sem hún
nýtur. „Glætan! Ég er ekki athyglissjúk
eða glamúrdrottning. Ég kann bara að
klæða mig og bera mig vel,“ segir Vala
ákveðin.
Veröld Völu Grand er mjög persónu-
legur þáttur þar sem Vala opnar sig
algjörlega. „Það er svo yndislegt að
endurfæðast. Það er fullt af leiðindum í
kringum mig og þessi þáttur er leið fyrir
mig til að stoppa kjaftasögurnar,“ segir
Vala.
Hún verður vör við mikla dómhörku
frá þeim sem þekkja hana ekki. „Pældu
í því; fólk dæmir mann kannski bara án
þess að vita neitt. Svo kynnist það manni
og segir: Hei! Þú ert geðveikt fín, allt
öðruvísi en ég hélt að þú værir. Ég er að
reyna að byggja sjálfa mig upp eftir erfið
sambandsslit og er sátt við að vera ein.
Ég er ekki að leita að hinum eina rétta.“
Aðgerðin stóra tók sinn toll og hún
segist enn vera að safna orku og þreki
eftir hana. „Það er svo geðveikislega
margt sem mig langar að gera. Ég stefni
að því að verða flugfreyja. Ég er góð í
tungumálum og kann markaðssetningu
og sölu. Ég tala meira að segja smá í
pólsku eftir að hafa unnið með Pól-
verjum „in my former life“. Svo langar
mig til að verða sálfræðingur. Mér líður
svona eins og sálfræðingi núna þegar
ég er að svara aðdáendum mínum sem
senda mér póst. Ég er rosalega hæfi-
leikarík, búin með förðun, á smá eftir í
hárgreiðslu og langar í fatahönnun. Sjitt
hvað ég á eftir að gera margt,“ segir
Vala og hlær.
Lokamarkmiðið er þó skýrt: „Eftir
fimm ár ætla ég að vera búin að brjóta
klakann og kenna Íslendingum að virða
hver annan.“ oskar@frettatiminn.is
 Vala Grand Safnar orku fyrir framtíðina
 SönGSkemmtun íSlenSku euroViSion-bomburnar orðnar útflutninGSVara
Stefnir á flugfreyjuna
Lúðrasveit við inngang-
inn, glæsileg þriggja rétta
máltíð og söngvarinn
Páll Óskar Hjálmtýsson
yfir matnum, skemmti-
atriðum og dansinum á
skemmtistaðnum Cirkus
í Kaupmannahöfn í maí.
Icelandair ætlar aftur að
flytja Íslendinga út fyrir
landsteinana á íslenska
skemmtun í dönsku höfuð-
borginni – svona rétt eins
og landinn elti Sálina,
Stuðmenn og Björgvin
Halldórs um meginland
Evrópu á þensluárunum.
„Já, pínu 2007,“ viður-
kennir Páll Óskar sposkur:
„En spennandi, enda allar
íslensku Eurovision-bomb-
urnar á staðnum.“ Meðal
þeirra eru Stebbi og Eyfi,
Selma, Sigga Beinteins
og Sigrún Eva, Hera og
Icy-hópurinn um Gleði-
bankann. Einnig Friðrik
Ómar, Regína og Jó-
hanna. Vantar einhvern til-
finnanlega? Kannski Jónsa.
„Þetta er um helmingur
íslensku keppendanna frá
upphafi,“ segir Páll Óskar.
„Og tímasetningin, 5. maí,
er engin tilviljun. Þá er
aðeins vika í Eurovision í
Þýskalandi.“ Þangað ætlar
hann þó ekki. „Ég sé alltaf
um mitt eigið partí á Nasa
á Eurovision – nú áttunda
árið í röð.“
Páll Óskar fær ekki nóg
af Eurovision. „Þetta er eins
og að spyrja fótboltabullu
hvort hún fái leið á bolt-
anum. Leikurinn er alltaf
jafnspennandi.“ Ný keppni,
ný lög. „90% laganna eru
drasl sem maður gleymir
og sturtar niður. 5% eru
áhugaverð og í lagi og svo
eru 5% þeirra gull og svín-
virka enn þann dag í dag.“
Gullin frá síðasta ári eru að
hans mati lög Frakka, Þjóð-
verja og Grikkja. - gag
Páll Óskar tryllir landann í Kaupmannahöfn
Fréttavefirnir dv.is og pressan.is hafa á liðnum
mánuðum bitist hart um 3. sætið á lista Modernus
yfir mest sóttu vefi landsins. Pressan velti DV úr
þriðja sætinu fyrir nokkrum vikum og hefur setið
þar sem fastast þar til í síðustu viku að dv.is tók
11% stökk á meðan pressan.is dalaði um 0,8% og
vefirnir höfðu sætaskipti. Stjórnlagaþingsvefur DV
hefur notið mikilla vinsælda og reið baggamuninn
í baráttunni. 29.657 manns lásu vefinn í síðustu
viku og standa að mestu á bak við aukninguna.
Stjórnlagaþingskosningunni lýkur á laugardags-
kvöld og Björn Ingi Hrafnsson, útgefandi Press-
unnar, útilokar því ekki að hans vefur skríði aftur
upp fyrir dv.is fljótlega. Pressan hafi líka þrátt fyrir
þetta fagnað enn einni metvikunni auk þess sem
hann sé stoltur af þeim félagsskap sem Pressan
hafi af gamalgrónum miðlum í efstu lögum listans.
Hörð toppbarátta
Skjaldborg
um Skaupið
Ingólfi Júlíussyni frétta-
ljósmyndara var illa brugðið
þegar fólk úr tökuliði
Áramótaskaupsins reyndi
að meina honum að taka
myndir á Austurvelli á
þriðjudag. Upptökur á
atriði fyrir Skaupið, þar sem
mótmælendur stóðu með
skilti við Alþingishúsið, voru
í gangi þegar Ingólfur kom
aðvífandi og lyfti mynda-
vélinni. Tökuliðið freistaði
þess þá að stöðva hann á
þeirri forsendu að þjóðin
vildi ekki vita fyrir fram
hvað væri í Skaupinu. Þegar
farið var fram á að hann
eyddi myndum úr vél sinni
var Ingólfi öllum lokið en
tók slíkt ekki í mál. Ingólfur
hefur meðal annars myndað
fyrir Reuters og fylgdist vel
með Búsáhaldabyltingunni
og gosinu í Eyjafjallajökli og
segist aldrei hafa lent í öðru
eins. Að vera bannað að taka
myndir í „opinberu rými“.
Arnaldur rýfur
12.000 eintaka
múrinn
Flest bendir til þess að stöðugar vinsældir
Arnaldar Indriðasonar á íslenskum
bókamarkaði undanfarin ár séu enn
að aukast því samkvæmt heimildum
Fréttatímans eru 12.000 eintök af nýjustu
glæpasögu hans, Furðustrandir, seld.
Þrátt fyrir yfirburði Arnaldar
á liðnum árum hefur hann
ekki rofið þennan 12.000
eintaka múr jafn snemma
árs og nú. Það sem helst
telst til tíðinda við þennan
árangur er að enn er eftir
vika af nóvember en bóksal-
an fyrir jólin hefst alla jafna
ekki fyrr en í desember.
Ég er rosalega hæfileikarík,
búin með förðun, á smá
eftir í hárgreiðslu og langar
í fatahönnun. Sjitt hvað ég
á eftir að gera margt.
5% eru áhuga-
verð og í lagi
og svo eru 5%
þeirra gull og
svínvirka enn
þann dag í dag.“
Hlynur Sigurðsson, yfir-
maður netsjónvarps mbl.is, er
himinlifandi yfir viðtökunum
sem þáttur Völu, Veröld
Völu Grand, hefur fengið hjá
lesendum mbl.is. „Það er eitt-
hvað við hana sem virkar. Hún
er mjög opin og hreinskilin og
svoleiðis fólk er heppilegt í
sjónvarpsþátt sem fjallar um
líf þess. Allt sem Vala tekur
sér fyrir hendur vekur athygli
og þessir sjónvarpsþættir eru
ekki öðruvísi,“ segir Hlynur.
Spurður hvernig leiðir Völu
og mbl.is hafi legið saman
segir Hlynur að menn hafi
fylgst með Völu í rúmt ár og
séð hversu áberandi hún var
og hversu vinsælar fréttir um
hana voru.
Hann segir að þættinum
hafi verið frábærlega vel
tekið. „Við höfum lítið skipt
okkur af þessu. Ég sagði við
hana að taka ekki upp neitt
nema henni liði vel með það.
Hún er með þetta tæki frá
okkur og tekur upp þegar við
á,“ segir Hlynur.
Síðasti þáttur, þar sem
Vala greindi frá því að henni
hefði verið boðið að taka þátt
í Ungfrú Ísland, hefur verið
gríðarlega vinsæll en Hlynur
segist gera sér grein fyrir því
að þættirnir hennar muni fara
upp og niður í vinsældum.
„Við sjáum þetta fyrir okkur í
nokkrar vikur í það minnsta.“
Eitthvað við hana sem virkar
Páll Óskar
verður kynnir,
skífuþeytir og
flytur lögin sín
á Eurovision-
gleði í Kaup-
mannahöfn
í maí ásamt
fjölda annarra
íslenskra
Eurovision-
bomba.