Læknablaðið - 15.02.1983, Blaðsíða 46

62
LÆKNABLAÐIÐ
fengið fúkkalyf áður, sem gætu hafa dregið úr
ræktunarmöguleikum, en á móti kemur, að
almenn einkenni voru fyrir hendi og um virka
bólgu var að ræða á þeim stöðum, sem sýni
voru tekin frá. Þessi bólga hjaðnaði strax við
tetracyclinmeðferð. Sýnist þetta benda til, að
selameinsýkill geti valdið ígerðum og hita-
hækkun.
Annað sem kemur fram nýtt, er að genta-
mycin virðist hafa áhrif á þennan sjúkdóm.
Orsök þess, að hann tók sig uþþ aftur, gæti
verið of stutt meðferð. Er ástæða til að athuga
nánar verkun gentamycins á selamein.
Að selamein finnst á íslandi, er enginn vafi.
íslenskir selveiðimenn þekkja sjúkdóminn vel
og sjúklingur okkar gat tilnefnt fjóra menn,
alla í Strandasýslu, sem teldu sig hafa haft
þennan sjúkdóm. Munu þeir sumir eða allir
bera stífa liði eftir sjúkdóminn. Höfundur
hefur þó ekki skoðað þessa menn.
Ástæða gæti verið til að athuga, hvort
einhver munur er á sýkingartíðni hér eftir
landshlutum.
Selveiðar er sveiflukenndur atvinnuvegur
sem ræðst af eftirspurn skinna. Sú eftirspurn
hefur verið minni undanfarið og því minna um
veiðar, þar til í ár, að farið var að veita
verðlaun fyrir útrýmingu sels. Sá háttur að
fjarlægja neðri skolt selsins sem sönnunar-
gagn fyrir drápi, eykur mjög sýkingarhættu,
þar sem auðvelt er að særa sig á tönnum
selsins. Á Eystrasalti hafa einnig verið veitt
verðlaun fyrir seladráp gegn framvísun neðri
skolts. Hefur komið í ljós að margir veiðimenn
hafa sýkst þar á þennan hátt. Er full ástæða til
að endurskoða þessa aðferð við öflun sönnnar-
gagna.
Ein ástæðan fyrir því, að ekki hefur enn
tekist að rækta selameinsýkilinn, er hugsan-
lega sú, hve staðbundinn sjúkdómurinn er og
sjúklingurinn oftast staddur fjarri öllum manna-
byggðum og rannsóknastofum þegar hann
sýkist (5). Bæði Norðmenn og Kanadamenn
stunda sínar selveiðar í leiðöngrum úti á
heimskautaísnum og líður langur tími þar til
þeir koma til byggða á ný. Því hefur reynst
erfitt að fá fersk sýni til ræktana, auk þess sem
fátt er um rannsóknastofur í heimabyggðum
selveiðimanna. Á þessu sviði hafa íslendingar
sérstöðu. Selveiði hér er stunduð frá heima-
byggð og skí.mmt er að fara til Reykjavíkur,
þar sem rannsóknastofur eru fyrir hendi.
Það er því :ull ástæða fyrir okkur til að hafa
augun opin fyrir selameini og stuðla að því að
fersk sýni náist til rannsókna. E.t.v. gæti það
leyst gátuna um orsök selameins.
Þakkir: Höfundur óskar eftir aö þakka bókasafnsfræð-
ingum Landakotsspítala fyrir skjóta og góða hjálp við
heimildaöflun.
SUMMARY
Among Icelandic sealers, sealfinger is a known
disease. To the authors knowledge, nothing has yet
been written about this disease in Iceland and he
believes that neither the disease nor its treatment is
well enough known among doctors.
A case history of a patient with sealfinger is
presented and unusual features like metastatic
abscesses and elevated temperature are discussed in
connection with review of litterature and the nature
of the disease.
Tetracycline which is recommended as drug of
choice had prompt effect on the patient’s, symp-
toms. Gentamycin seems to be effective too, but
probably has to be given for a longer period than
the ten days it was given in this case.
HEIMILDIR
1) Candolin Y„ Seal Finger. Acta chir. Scand. 1953;
Suppl. 177: 1-51.
2) Beck B. Smith T., Seal Finger, an unsolved
medical problem in Canada. CMA Journal. 1976;
115: 105-7.
3) Mass D.P., Newmeyer M.D., Kelgore E.S. Seal
Finger. Journ. of Hand Surg. 1981; 6: 610-12.
4) Sargent E„ Tetracycline for Seal Finger. JAMA
1980; 244:437.
5) Thjötta Th„ Kvittingen J„ The Etiology of
Sealers Finger. Acta Path. Microbiol. Scand.
1949;26:407-11.