Læknablaðið - 15.10.1993, Blaðsíða 15

LÆKNABLAÐIÐ
307
Tilgangur rannsóknarinnar var að athuga
efnivið og ábendingar fyrir aðgerð og kanna
árangur aðgerða frá fegrunarsjónarmiði og
fylgikvilla þeirra.
EFNIVIÐUR OG AÐFERÐIR
Frá mars 1963 til ársloka 1990 var
framkvæmd 61 aðgerð vegna trektarbringu
á brjóstholsaðgerðadeild Landspítalans. Af
þessum 61 sjúklingi voru 16 konur og 45
karlar. Aldursdreifing sést á mynd 6. Yngsti
sjúklingurinn var fjögurra ára telpa en sá
elsti 36 ára kona. Aflögun var dæmd af
viðkomandi skurðlækni fyrir aðgerð. Hún
var dæmd mikil hjá 53 og töluverð hjá átta.
Ljósmyndir af bringum flestra sjúklinganna
voru teknar fyrir aðgerð, við útskrift og
lokaeftirlit, sem var oftast einu ári eftir
aðgerð eða þegar spöng var fjarlægð. Á
þennan hátt var reynt að dæma ástandið fyrir
og eftir aðgerð og lokaárangur, jafnframt
því sem mat skurðlækna var einnig lagt til
grundvallar. Huglæg einkenni voru skráð í
sjúkraskrár. Hlutlæg einkenni voru fátíð en
þeir, sem ástæða þótti til, voru rannsakaðir
nokkuð ítarlega fyrir aðgerð, einkum seinni
árin og þá sérstaklega þeir er kvörtuðu um
hjartsláttartruflanir eða önnur einkenni sem
tengdust hjarta. Öndunarmælingar og blóðgös
voru gerð hjá 29 og hjartalínurit hjá 53.
Aðeins í tveimur tilfellum þótti ástæða til að
gera hjartaþræðingu.
Skurðtœkni: Aðgerð við trektarbringu höfum
við nefnt Chondro-costo-stenmm plastic.
Þessi aðgerð er að nokkri leyti þróuð á
brjóstholsaðgerðadeildinni. Hún er í því
fólgin að gerður er þver- eða langskurður yfir
bringubeini, og allir geislungar og rif í rangri
legu eru fjarlægð, en brjósk og beinhimna
skilin eftir þannig að nýir geislungar og
rif geti myndast. Flagbrjósk (processus
xiphoideus) er einnig fjarlægt. Þríhyrndur
fleygur er meitlaður þvert úr bringubeini rétt
ofan við þann stað þar sem það sveigir aftur
á við, ein hliðin á þríhyrningnum veit fram
á við en horn aftur á við. Þess er vandlega
gætt að láta beinhimnuna að aftanverðu
halda sér. Neðrihluti bringubeins, brjósk og
beinhimnur eru síðan færð í rétta legu og fest
með stálspöng, sem komið er fyrir í gegnum
bringubeinið og spöngin látin hvfla framanvert
á rifjurn beggja vegna við það. Annar endi
spangarinnar er festur með vír við rif en
1963-1969 1970-1979 1980-1990
Mynd 5. Fjöldi aðgerða við trektarbringu frá 1963 til
1990.
Góður Viðunandi Lélegur Upplýsingar
vantar
Mynd 7. Arangur aðgerða að mati skurðlœkna.