Læknablaðið - 15.11.1997, Page 42

I upphafi voru verkir taldir vera refsing guðanna
fyrir ósæmilegt athæfi.
Enska orðið pain (verkur, sársauki) er í raun
dregið af latneska orðinu peone og gríska orðinu
poine sem merkja hegning eða refsing.
Menn hafa ætíð leitað leiða til að lina verki
og ersú leit jafngömul sjálfri læknisfræðinni.
Þrátt fyrir langa leit hafa verkir enn í dag mikil
áhrif á samfélagið og staðreyndin er sú að verkir
eru helsta ástæða þess að fólk leitar
læknisaðstoðar.
Talið er að verkir séu vanmeðhöndlaðir
vegna hræðslu við alvarlegar aukaverkanir
og myndun ávana og fíknar sem fylgt getur
notkun sterkra verkjalyfja.
.
Hvað er verkur ?
Verkur er óþægileg skynjun og tilfinningaleg
upplifun samfara vefjaskemmdum eða ástand
sem lýst er með orðum sem lýsa slíkum
skemmdum.
(Skilgreining Alþjóðaverkjafræðafélagsins. IASP)
„Við hljótum öll að deyja.
En fyrir mér eru það mikil og jafnvel ný forréttindi
að geta leyst manneskju undan þjáningu.
Sársaukinn ríkir yfir öllu mannkyni með
skelfilegri hætti en jafnvel dauðinn sjálfur."
Albert Schweizer
Frá upphafi vega
hefur mannkynið þekkt
og þjáðst af verkjum