Fréttatíminn - 05.11.2010, Síða 6

Saga
gnarrS
„Margir spyrja sig eflaust hvort þessi
bók sé ævisaga eða skáldsaga.
Hún er bæði. Hún er ekki alveg sönn.
Það er þó engin bein lygi í henni.“
Jón Gna r r
„Nöturleg og fyndin upplifun barns
sem upplifir sig utangarðs.“
Pá ll Ba ldv in Ba ldv insson /
Fr ét ta Bl a ðið
„Indjáninn er fín viðbót við
íslensku skáldævisöguflóruna auk
þess að vera gott innlegg í umræðu
um einelti og þroskaraskanir.“
soFFí a au ðu r BirGisdót tir /
MorGu nBl a ðið
www.forlagid.is
Ný kilja
skálduð ævisaga
Jóns Gnarrs,
Indjáninn, er
fáanleg að nýju.
„Mér ofbauð verð á barnafötum úti í
búð. Svo sat ég uppi með lítið notuð föt
af litla mínum, hann óx kannski bara upp
úr þeim á nokkrum vikum. Mér fannst
rosalega sorglegt að keyra með þetta út
í gám.“ Þetta segir Arnbjörg Högnadóttir,
sem fékk í framhaldinu þá hugmynd
að opna verslun með notuð barnaföt.
Verslunin Blómabörn var opnuð í mars
í fyrra en er nú flutt í hentugra húsnæði
að Bæjarhrauni 2, spölkorn frá gamla
staðnum.
„Þetta hefur gengið mjög vel,“ segir
Arnbjörg. „Ég þarf því miður stundum
að segja nei takk við fólk því mér er
boðið miklu meira en ég get tekið við.
Svo finnst mér ógnvekjandi hversu mörg
símtöl ég fæ frá fólki sem er að flytjast úr
landi. Einn daginn fékk ég fimm svoleiðis
símtöl.“
Arnbjörg segist geta leyft sér að velja
og hafna og tekur bara föt í sölu sem eru
vel með farin. „Ég er með föt fyrir nýfædd
börn og upp í svona sjö til átta ára. Föt
fyrir eldri eru oft orðin of snjáð til að ég
geti haft þau til sölu. Ef það koma vel
með farin föt fyrir eldri börn tek ég þau
samt inn. Ég borga 1.400-1.800 kr. fyrir
kílóið og kaupi þar að auki merkjavöru og
útiföt í stykkjatali,“ segir hún. Arnbjörg
segist ekki vera alveg með það á hreinu
hversu mikið ódýrari vörurnar hjá henni
eru miðað við nýjar vörur „en ég held
ég geti sagt að fötin séu a.m.k. 70 til 80
prósentum ódýrari en ný föt út úr búð.“
Hvað með foreldrana – sætta þeir sig
allir við að klæða börnin sín í notuð föt?
„Örugglega ekki. En sem betur fer er
stækkandi hópur sem sér skynsemina í
því. Litli minn fær bara notuð föt og þá á
ég peninga afgangs sem hægt er að nota
til að gera eitthvað skemmtilegt með
honum. Þetta fyrirkomulag, að höndla
með notuð barnaföt, er þekkt erlendis og
það er alveg kominn tími til að við gerum
þetta líka.“
Blómabörn, barnafataverslun er opin
virka daga og stundum á laugardögum.
Verslunin er á Facebook og best er að
fylgjast með afgreiðslutímanumtímanum
þar. Vert er að minnast á svipaða verslun
í Faxafeni, sem heitir Fiðrildið. Þar eru
seldar vel með farnar barnaflíkur, í bland
við nýjar vörur og íslenska hönnun.
Dr Gunni er UmboðsmaðUr neytenda Ábendingar og kvartanir: drgunni@centrum.is
Notuð barnaföt í Blómabörnum
Gunnar
Hjálmarsson
drgunni@centrum.is
 stjórnlagaþing UndirbúningUr fyrir þjóðfUnd 2010 Á lokaspretti
Æfingum lokið fyrir þús-
und manna þjóðfund
Þjóðfundurinn er undanfari stjórnlagaþings þar sem kallað verður eftir meginsjónarmiðum
um stjórnskipun landsins.
Æ fingar hafa staðið undanfarin kvöld, frá mánudegi til miðvikudags, fyrir 128 lóðsa eða borðstjóra fyrir Þjóðfund
2010 sem haldinn verður í Laugardalshöllinni á
morgun, laugardaginn 6. nóvember. Fundurinn
hefst kl. 9 og stendur til kl. 18. Þátttakendur á
þjóðfundinum verða eitt þúsund en þeir voru
valdir af handahófi úr þjóðskrá þar sem gætt
var að eðlilegri skiptingu þeirra eftir búsetu og
kyni. Jafnmargar konur eru skráðar á fundinn og
karlar. Aldur gesta endurspeglar aldursdreifingu
í landinu. Elsti þátttakandinn er fæddur 1921, en
fjórtán eru fæddir fyrir árið 1930. Yngstu gestirn­
ir eru fæddir 1992 og verða þeir 22 talsins.
Fundurinn er undanfari stjórnlagaþings en á
honum verður kallað eftir meginsjónarmiðum og
áherslum almennings um stjórnskipun landsins,
stjórnarskrá og breytingar á henni. Þjóðfundur­
inn nú byggist að nokkru á reynslu af þjóðfund­
inum sem haldinn var í fyrra, að sögn Berghildar
Erlu Bernharðsdóttur, upplýsingafulltrúa stjórn­
lagaþings. Hlutverk lóðsanna er fyrst og fremst
að draga fram sem flest sjónarmið þátttakenda og
sjá til þess að allir hafi jöfn tækifæri til að tjá sig.
Þeir sem gegna hlutverki lóðs verða að halda hlut­
leysi sínu á fundinum og ræða ekki stök málefni
eða taka afstöðu til tillagna. Berghildur Erla segir
að til starfs lóðsa hafi verið valdir einstaklingar
sem eiga auðvelt með mannleg samskipti, fólk
sem skapar vellíðan.
Hafi sá sem lenti í úrtaki til setu á þjóðfundin­
um síðar ákveðið að bjóða sig fram til stjórnlaga­
þings hefur það ekki áhrif á seturétt hans á fund­
inum en honum er óheimilt að kynna framboð
sitt þar. Þjóðfundurinn er að öðru leyti lokaður
fundur og ekki opinn frambjóðendum.
Stjórnlaganefnd mun vinna úr upplýsingum
sem safnast á þjóðfundinum og afhendir stjór­
nlagaþingi þegar það kemur saman í febrúar
næstkomandi.
Að sögn Berghildar Erlu mun stjórnlaganefnd
kynna helstu niðurstöður þjóðfundarins á sunnu­
daginn.
Jónas Haraldsson
jonas@frettatiminn.is
Arnbjörg
Högnadóttir
í verslun
sinni Blóma-
börnum, sem
selur notuð
barnaföt.
128 lóðsar eða borðstjórar hafa verið á kvöldfundum í þessari viku þar sem þeir hafa æft sig fyrir þjóðfundinn sem haldinn
verður í Laugardalshöll á laugardaginn. Ljósmynd/Hari
6 fréttir Helgin 5.-7. nóvember 2010