Kjarninn - 09.01.2014, Blaðsíða 39

02/07 kjarninn ViðtaL
Lilja Ósk Snorradóttir var ekki há í loftinu þegar hún
byrjaði að starfa við kvikmynda- og sjónvarpsþátta-
gerð. Faðir hennar, Snorri Þórisson, var einn stofn-
enda Saga Film og hann fékk dóttur sína unga að árum
til að leika í auglýsingum hjá framleiðslufyrirtækinu.
Núna starfar hún sem framkvæmdastjóri hjá kvik-
mynda- og sjónvarpsþáttafyrirtækinu Pegasus.
Hjá fyrirtækinu starfa tólf manns í fullu starfi en starfs-
mannafjöldinn getur sveiflast upp í hátt í þrjú hundruð
manns eftir verkefnastöðu. „Við höfum reynt að halda starfs-
mannafjöldanum í lágmarki, enda ekkert gulltryggt í þessum
bransa. Þegar stór verkefni ber að garði ráðum við til okkar
verktaka, og þeir geta skipt tugum og jafnvel hundruðum
hverju sinni,“ segir Lilja.
gott ár að baki en óvissutímar fram undan
Stór erlend kvikmyndaverkefni voru fyrirferðarmikil hér
á landi á nýliðnu ári. Nægir þar að nefna þættina Game of
Thrones og stórmyndirnar Oblivion með Tom Cruise og The
Secret Life of Walter Mitty eftir Ben Stiller. Stórmynd leik-
stjórans Darren Aronofsky, Noah, sem var að verulegu leyti
mynduð hér, verður síðan frumsýnd síðar á þessu ári. „Þó að
það hafi verið gott ár í fyrra hér á landi er því miður ekkert
gulltryggt að þetta haldi áfram. Núna er svolítill spenningur
í stéttinni að sjá viðbrögðin við þessum myndum sem gerðar
hafa verið hér á landi. Hvort Ísland höfði mest til þeirra
sem vilja gera vísindaskáldsögur eða opnum augu erlendra
kvikmyndagerðarmanna fyrir því að landið geti verið sögu-
svið fyrir hvers konar mynd sem er, eins og Ben Stiller sýndi í
Walter Mitty. Ég hef engar verulegar áhyggjur af fram tíðinni
hvað þetta varðar en það er ekkert gulltryggt í þessum
efnum.“
áfall fyrir stéttina
Lilja segir öfluga innlenda sjónvarpsþátta- og kvikmynda-
gerð vera lykilinn að því að hér á landi haldist stöðug
verkefnastaða fyrir framleiðslufyrirtækin. Boðaður
viðtal
Ægir Þór Eysteinsson