Kjarninn - 09.01.2014, Blaðsíða 10
03/04 kjarninn NEytENDaMáL
keyptu inkasso í desember
Í desember síðastliðnum keypti DCG síðan innheimtu-
fyrirtækið Inkasso, sem hefur meðal annars séð um inn-
heimtu fyrir smálánastarfsemi, af Íslensku lögfræðistofunni
sem hafði átt fyrirtækið í um þrjú ár. Haukur Örn Birgisson,
einn eigenda Íslensku lögfræðistofunnar, hefur starfað sem
lögmaður Kredia og Útlána, samtaka smálánafyrirtækja.
Haukur staðfesti söluna í samtali við Kjarnann og sagðist
ekki lengur vera lögmaður Útlána. Starfsemi þeirra samtaka
væri í reynd engin lengur. Hann vildi ekki gefa upp kaup-
verðið á Inkasso.
Inkasso hefur vaxið hratt síðan félagið var stofnað. Árið
2012 hagnaðist félagið um 22,6 milljónir króna og eignir þess
fjórfölduðust á milli ára, og voru 153 milljónir króna.
Með kaupunum er DCG orðið eigandi að smálána-
fyrirtækjum sem lána fé og innheimtufyrirtækinu sem
rukkar inn fyrir þau þegar lán-
takar borga ekki. Þá leggjast
ýmis innheimtu gjöld við og því
mun DCG í raun hagnast á því ef
viðskipta vinir Kredía og Smálána
borga ekki á réttum tíma.
Ekki upplýst um endanlega
eigendur
Hin blokkin á íslenska smá-
lánamarkaðnum er samansett
af þremur fyrirtækjum: Hrað-
peningum, 1909 og Múla. Þau eru öll í eigu félags sem skráð
er á Kýpur og heitir Jumdon Finance Ltd. Forsvarsmaður
og framkvæmdastjóri félaganna á Íslandi er Óskar Þor-
gils Stefánsson. Þegar Kjarninn setti sig í samband við
Óskar og óskaði eftir upplýsingum um endanlega eigendur
Jumdon Finance sagðist hann þurfa að senda fyrirspurn á
stjórnar menn félagsins á Kýpur vegna málsins. Þrátt fyrir
ítrekaðar tilraunir til að fá Óskar til að svara spurningunni
um eignarhaldið fékkst slíkt ekki áður en Kjarninn kom út.
„Smálánaheimurinn skiptist í tvær
blokkir. Annars vegar eru fyrirtækin
Kredia og Smálán. Þau eru bæði í
skráð í eigu Leifs Alexanders Haralds-
sonar. Samkvæmt upp lýsingum
Kjarnans er endanlegur eigandi
félaganna hins vegar fjárfestir frá
Slóvakíu sem heitir Mario Megela.“