Kjarninn - 13.02.2014, Qupperneq 56

06/07 pistill
kandíflossi. Af hverju má ekki selja ferska ávexti úti undir
beru lofti? Það eitt og sér skapar stemningu og góða lykt.
Satt að segja eru borgarbúar svo þyrstir í nýbreytni að það
var nóg að opna nýja ísbúð í hollari kantinum á Grandanum í
sumar til að hundruð manna flykktust þangað dag eftir dag.
Svo ég tali nú ekki um opnunardag Bauhaus þegar þúsundir
manna þyrptust þangað.
Þessa nýjungagirni skorti sárlega þegar eina ungbarna-
kaffihúsið í miðbænum þurfti að hætta rekstri eftir stutta
starfsemi. Það var yndislegur viðkomustaður
með heimagert grænmetis mauk og barna-
dót en eitthvað vantaði upp á í menningu
borgarbúa svo það fengi að þrífast. Það eru
jú íbúarnir sem skapa borgina og þeir verða
að hafa rænu á að rækta gott framtak.
‰JV©HIWLU¾HVVXEDUQDNDIõKºVL … þó að ég hafi fagnað veitingastaðnum
Bergsson sem tók við húsnæðinu. Raunar var
Bergsson einn af fáum stöðum þar sem við
mæðginin leituðum skjóls síðasta sumar, enda fékk erfinginn
að háma í sig hnetusmjörið í boði hússins. Flestir þjónustu-
staðir í miðbænum voru pakk fullir af túristum á fjallgöngu-
skóm að kaupa sér eftirlíkingu af Sesar-salati á uppsprengdu
verði og skoða tuskulunda eða ullarpeysur. Ég hef ekkert
á móti túristum, þeir setja skemmtilegan svip á borgina og
halda margri þjónustunni þar gangandi. En það þarf líka að
hugsa út í þarfir barna og fjölskyldna þeirra í stað þess að
gera ósjálfrátt ráð fyrir að það sé sniðugast fyrir allt það lið
að hanga í Kringlunni og Smáralind.
Á hverjum degi röltum við mæðginin út og ég barmaði
mér yfir því að á virkum sumareftirmiðdegi í miðbæ Reykja-
víkur væri ekki gert ráð fyrir móður og barni í leit að dægra-
styttingu. Meira að segja fuglarnir við Tjörnina reyndu að
flæma okkur í burtu með gargi sem minnti á bíómyndina The
Birds.
„Meira að segja
fuglarnir við
Tjörnina reyndu
að flæma okkur í
burtu með gargi
sem minnti á bíó-
myndina The Birds.“