Fréttatíminn - 09.05.2014, Síða 19

sumaríslendingar
Upplifið sól og sumaryl með ekta rjómaís
með kókos, ástaraldin, mangó og súkkUlaðidropum
Fréttamenn engar leikbrúður
Rakel segir að þarna hafi hún
strax skilið að andrúmsloftið á
RÚV getur verið erfitt og ýmsir
sem gefa sér að annarleg sjónar-
mið séu að baki umfjöllunum, án
þess að það eigi við nokkuð að
styðjast. „Ég get sagt hreinskilnis-
lega að ég hef aldrei upplifað að
fréttastjóri hafi verið með undar-
leg inngrip eða reynt að hafa áhrif
á hvernig ég ynni fréttirnar. Á
fréttafundum er fjölbreyttur hópur
fréttamanna á öllum aldri, úr ólík-
um áttum, þar sem skapast mjög
fjörugar umræður um fréttirnar. Í
þessari umræðu er stundum gert
lítið úr sjálfstæði fréttamanna,
eins og þeir séu einhverjar leik-
brúður. Fréttamenn sem taka sig
alvarlega fylgja faglegum gildum.“
Hún kannast sannarlega við að
í umdeildum málum hafi stjór-
nmálamenn, hagsmunaaðilar eða
aðrir oft sterkar skoðanir á því
hvernig fréttirnar séu unnar. „Í
stórum og umdeildum málum eiga
allir helstu leikendur eða hags-
munaaðilar rétt á því að tjá sig
í sömu fréttinni. Stundum eyða
fréttamenn löngum tíma í að ná í
þetta fólk og það gengur ekki upp,
og það þarf þá að koma fram í frétt-
inni. Því meiri upplýsingar sem
áhorfandi, hlustandi eða lesandi
fær, því betra. Hagsmunaaðilar
reyna að hafa áhrif á fréttaflutn-
inginn en ég lít á það sem hluta
af okkar starfi að standast þau af-
skipti og ég held að okkur hafi tek-
ist það vel. Ég er ekki að segja að
það sé eðlilegt að stjórnmálamenn
reyni að hafa áhrif en maður er
bara orðinn vanur því að þeir sem
eru til umfjöllunar hafi aðra sýn
en fréttamaðurinn og að viðkvæði
sé jafnvel „Þetta er ekki frétt. Af
hverju ætlarðu að gera frétt um
þetta?“ Ég hef það fyrir reglu að
taka slíkt ekki inn á mig og ég hef
aldrei hætt við frétt því einhver
pólitíkus heimtaði það.“
Magnús hefur hrifið fólk með sér
Rakel segir að eftir öll þessi ár í
fréttamennsku hafi hún alveg gert
sér grein fyrir því hvað felst í starfi
fréttastjóra en hún var um árabil
vaktstjóri, staðgengill fréttastjóra
og nú síðast varafréttastjóri. „Ég
er týpan sem hefur miklar skoð-
anir á öllu og fjölskyldan myndi
eflaust segja að ég væri stjórnsöm.
Ég varð vaktstjóri á fréttavöktum
þegar Logi Bergmann fór yfir
á Stöð 2 árið 2005 og sinnti því
lengi. Ég hef miklar skoðanir á því
sem við erum að gera og hvernig
við gerum það, ég hef skoðanir
bæði á hagnýtum hlutum sem
tengjast vinnslunni og einnig á
efninu sjálfu. Eftir að hafa farið
þó nokkrum sinnum inn til Elínar
Hirst, sem var fréttastjóri, með
ábendingar um hvað mætti betur
fara, þá hefur hún líklega hugsað
með sér að það mætti eitthvað nýta
meira þessa stelpu sem alltaf var
að kvarta og koma með hugmynd-
ir að umbótum.“
Það var í desember síðastliðnum
sem Páll Magnússon ákvað að
láta af störfum sem útvarpsstjóri.
Ýmsar samsæriskenningar komu
upp um að nú yrði ráðinn sérlegur
fulltrúi stjórnvalda í hans stað
og pólitískar hreinsanir myndi
hefjast hjá RÚV. Nokkuð lækkaði
í þessum röddum þegar tilkynnt
var um ráðningu Magnúsar Geirs
Þórðarsonar sem nýs útvarps-
stjóra en starfsmenn RÚV vissu
fæstir við hverju var að búast af
honum. „Vissulega kom upp óvissa
hjá okkur og ákveðið óöryggi. Fólk
áttaði sig ekki alveg á því hvað
var að gerast. Þarna var kominn
nýr maður og við vissum ekki við
hverju var að búast af honum. Við
sem fréttamenn eru vön að setja
spurningamerki við allt og það
gerðum við líka þarna. Ég þekkti
þennan mann ekki neitt og vissi
ekki hvað hann var að hugsa.
Fljótlega kom í ljós að hann hafði
nýja og ferska nálgun á starfið.
Hann hefur hrifið okkur með sér
og stjórnunarstíll hans er þannig
að hann hvetur til samvinnu og
samstarfs. Við sáum að hann hafði
skýra sýn þegar hann hafði kynnt
hana fyrir okkur varð ég bjartsýn
og enn spenntari fyrir framhald-
inu.“
Sótti um á síðustu stundu
Allri framkvæmdastjórn RÚV var
sagt upp og þegar ljóst var að Óð-
inn Jónsson ætlaði ekki að sækjast
eftir því að starfa áfram sem frétta-
stjóri fór fólk að velta vöngum um
Framhald á næstu opnu
viðtal 19 Helgin 9.-11. maí 2014