Fréttatíminn - 09.05.2014, Page 34
Snittur
Brauðtertur
Veisluþjónusta
að hætti Jóa Fel
–allt fyrir útskriftina!
tertur
Fylltar SúkkulaðiSkálar
sími: 588 8998
B arbie-dópið inniheldur Melanot-an II sem er hormón sem veldur því að húðin verður dökkbrún. Efnið er selt í vökvaformi og er
sprautað í líkamann. Árangurinn lætur
ekki á sér standa því eftir nokkurra daga
notkun byrjar húðin að dökkna án þess að
komast í nokkra snertingu við sólarljós.
Hormónið, sem var þróað í Háskólanum
í Arizona á níunda áratugnum, er ólöglegt
í öllum löndum Evrópusambandsins og
í Bandaríkjunum en fæst ólöglega á er-
lendum vefsíðum og á svörtum markaði.
Efnið hefur ekki bara áhrif á húðlit því
það mun líka hafa örvandi áhrif á kynhvöt
og minnka matarlyst. Á heimasíðum sem
selja Barbie-dópið er það sagt hafa þau
áhrif á konur að þær verði „mjóar, graðar
og brúnar“. Efnið er líka þekkt fyrir að
valda karlmönnum risvandamálum, í
þeim skilningi að þeim rísi hold í tíð og
ótíma. Aðrar aukaverkanir Barbie-dóps-
ins eru hár blóðþrýstingur, ógleði og upp-
köst, kláði, svimi og þreyta en þar að auki
geta myndast dökkir flekkir á húðinni
sem fara ekki eftir notkun. Læknar vara
við alvarlegri aukaverkunum, sem ekki
hafa verið staðfestar sökum skorts á
rannsóknum, eins og frumubreytingum
sem leiða til krabbameins.
Tengist oft neyslu
annara ólöglegra efna
Heilbrigðiseftirlit flestra Norðurlandanna
hafa varað við notkun Melatonans II.
Í fyrsta lagi því lítið er vitað um áhrif
notkunar þess á líkamann þar sem engar
rannsóknir hafa verið gerðar á langtím-
anotkun. Í öðru lagi vegna þess að efnið
er selt ólöglega og getur því verið lífs-
hættulegt þar sem engin leið er að vita
hvort innhaldslýsingar séu réttar. Þar að
auki fylgir notkun þess mikil smithætta
ef fók deilir nálum.
Þrátt fyrir að vera ólöglegt og skaðlegt
heilsu neytenda, er efnið eftirsótt og virð-
ist vera sérstaklega vinsælt í Noregi og
Svíþjóð, þar sem það hefur verið mikið til
umfjöllunar. Samkvæmt upplýsingum frá
Samtökum apótekara í Noregi frá árinu
2010 kemur fram að 10.000 sprautur voru
seldar til norskra notenda Melatonan II
árið 2009.
Erfitt er að meta hverjir eru helstu
notendur efnisins þar sem það er ólöglegt
en helsti markaðshópurinn er talinn vera
konur á aldrinum 20-35 ára og vaxtar-
ræktarfólk, en efnið er mikið til selt af
síðum sem selja bætiefni. Notendahópur-
inn tengist þar að auki oft undirheim-
unum þar sem önnur ólögleg efni eru
til sölu og virðist Barbie-dópið tengjast
ólöglegri steranotkun. Hvorki lögreglan
né lyfjaeftirlitið kannast við Barbie-dópið
en samkvæmt heimildum Fréttatímans er
efnið í umferð á Íslandi og tengist þá helst
neyslu annara ólöglegra efna.
Halla Harðardóttir.
halla@frettatiminn.is
„Barbie-dóp“ í
umferð á Íslandi
Melanotan II, eða Barbie-dóp eins og það er kallað á götunni, er ólöglegt lyf sem er til þess
gert að verða sólbrúnn án sólar. Lyfinu er sprautað í líkamann og á, auk þess að dekkja húðlit,
að grenna og auka kynhvöt notenda. Þrátt fyrir að notkun Barbie-dópsins geti fylgt miklar
aukaverkanir og notkun þess sé talin valda krabbameini, virðist ekkert lát vera á notkun þess
innan ákveðins neytendahóps. Samkvæmt heimildum Fréttatímans er efnið í umferð á Íslandi.
Barbie-dópinu er sprautað í líkamann og veldur því að húðin dökknar. Því lengur sem efninu er sprautað í líkamann því dekkri
verður húðin en þar að auki á efnið að gera fólk „grannt og gratt“.
Þrátt fyrir að
vera ólöglegt
og skaðlegt
heilsu neyt-
enda, er efnið
eftirsótt og
virðist vera
sérstaklega
vinsælt í
Noregi og
Svíþjóð, þar
sem það
hefur verið
mikið til um-
fjöllunar.
34 fréttaskýring Helgin 9.-11. maí 2014