Fréttatíminn - 16.05.2014, Qupperneq 8

Í slendingar þyrftu að bjóða hingað 66 flóttamönnnum frá Sýrlandi í ár til þess að vera
jafnokar Norðmanna í þessum
efnum, en Norðmenn hafa tekið
á móti 1000 Sýrlendingum vegna
átakanna þar í landi. Samkvæmt
heimildum Fréttatímans er í
undirbúningi hjá félags- og hús-
næðismálaráðherra og innan-
ríkisráðherra að leggja til við
ríkisstjórnina að taka móti hópi
flóttamanna frá Sýrlandi. Ekki hef-
ur verið rætt um hve stór hópurinn
yrði.
Þær Evrópuþjóðir sem tekið
hafa á móti Sýrlendingum á árinu
taka að meðaltali rúmlega 7 flótta-
menn á hverja 100 þúsund íbúa
landsins. Norðmenn taka flesta, 20
Sýrlendinga á hverja 100 þúsund
Norðmenn, samtals þúsund flótta-
menn, samkvæmt upplýsingum frá
Alþjóðaflóttamannastofnuninni. Ef
við vildum bjóða hingað jafnmörg-
um hlutfallslega og Evrópuþjóðirn-
ar hafa gert myndum við veita 23
Sýrlendingum hæli.
Nágrannaríki Sýrlands hafa
tekið á móti yfir 5 milljónum flótta-
manna vegna átakanna í Sýrlandi
sem staðið hafa í yfir þrjú ár.
Ríkisstjórnir Líbanon, Jórdaníu,
Tyrklands, Íraks og Egyptalands
funduðu nýverið um ástandið og
í kjölfarið var sent út ákall til al-
þjóðasamfélagsins um að aðrar
þjóðir verði að deila ábyrgðinni og
taka á móti flóttafólki frá Sýrlandi.
Nágrannaríkin geti ekki ein borið
uppi þann fjölda fólks sem neyðst
hefur að flýja heimili sín.
Barnahjálp Sameinuðu þjóð-
anna og Flóttamannastofnun telja
að börn séu um helmingur allra
flóttamanna frá Sýrlandi. Þrjár
miljónir barna séu á vergangi
innan Sýrlands og yfir ein milljón
barna eru í flóttamannabúðum í
nágrannaríkjunum. Flest hafa flúið
til nágrannaríkjanna en nú eru
Sýrlendingar í auknum mæli að
flýja til Norður-Afríku og Evr-
ópu. Nýjar tölur sýna að meira en
740.000 sýrlenskra barna á flótta
eru yngri en 11 ára. Flóttamanna-
stofnunin biðlar til þjóða heimsins
að veita 30 þúsund Sýrlendingum
hæli á þessu ári og 100 þúsund á
næsta ári.
„Um er að ræða raunverulegt
barn sem hefur verið rifið frá
heimili sínu, jafnvel frá fjölskyldu
sinni, og hefur þurft að takast á við
hörmungar sem við getum aðeins
reynt að öðlast skilning á,“ sagði
framkvæmdastjóri Barnahjálpar
Sameinuðu þjóðanna.
Norðurlandaþjóðirnar hafa veitt
þeim Sýrlendingum sem leitað
hafa hælis vernd og hafa alls 2840
manns komið sem kvótaflótta-
menn til Norðurlandanna. Ísland
hefur enn sem komið er ekki tekið
á móti hópi flóttafólks frá Sýr-
landi en fjórir Sýrlendingar sem
hafa komið hingað á eigin vegum
og sótt hafa um hæli hafa fengið
vernd, samkvæmt upplýsingum frá
Útlendingastofnun.
Sigríður Dögg Auðunsdóttir
sigridur@frettatiminn.is
Vilja bjóða
Sýrlendingum hæli
Ráðherrar félags- og innanríkismála undirbúa nú að leggja til við ríkisstjórn að taka á móti hópi
flóttamanna frá Sýrlandi. Ef Íslendingar ætla að vera jafnokar Norðmanna þyrftum við að bjóða
hingað 66 Sýrlendingum á árinu. Til að vera í meðaltali þyrftum við að veita 24 sýrlenskum
flóttamönnum hæli.
Land
Fjöldi sýrlenskra
kvótaflóttamanna Íbúafjöldi
Flóttamenn á hverja
100 þúsund íbúa
Austurríki 1.500 8.500.000 17,6
Belgía 75 1.100.000 6,8
Danmörk 140 5.600.000 2,5
Finnland 500 5.400.000 9,2
Frakkland 500 66.000.000 0,7
Þýskaland 12.500 81.000.000 15,4
Ungverjaland 10 10.000.000 0,1
Írland 90 4.600.000 1,9
Lichtenstein 4 37.000 10,8
Lúxemborg 60 542.000 11,0
Moldóva 50 3.500.000 1,4
Holland 250 16.000.000 1,5
Noregur 1.000 5.000.000 20
Spánn 130 47.000.000 0,27
Svíþjóð 1.200 9.500.000 12,6
Sviss 150 8.000.000 1,87
Ísland 0 330.000 0
SAMTALS 18.159
7,132 (Meðaltal á hverja 100 þúsund Evrópubúa)
Ísland er í hópi fleiri Evrópulanda sem hafa ekki tekið kvótaflóttamenn frá Sýrlandi.
Meðal þeirra eru Bretland, Portúgal og Ítalía.
Barnahjálp Sameinuðu þjóðanna og Flóttamannastofnun telja að börn séu um helmingur allra flóttamanna frá Sýrlandi. Þrjár
miljónir barna séu á vergangi innan Sýrlands og yfir ein milljón barna í flóttamannabúðum í nágrannaríkjunum.
Glútenlaust,
góðan daginn!
Betra líf!
ÞAR SEM GRASIÐ ER GRÆNNA...
100% LÍFRÆNT FÓÐUR
FYRIR ALLA HUNDA OG KISUR
FÆST HJÁ:
VÍÐIR, HAGKAUP, FJARÐARKAUP, GÆLUDÝR.IS OG GARÐHEIMUM
www.siggaogtimo.is
8 fréttaskýring Helgin 16.-18. maí 2014