Fréttatíminn - 16.05.2014, Page 34

GOLD PLATED
SPECIALIZED BICYCLES & COMPONENTS
KRÍA HJÓL GRANDAÐGARÐUR 7 101 REYKJAVÍK s.5349164
THE FSR EPIC - THE ONLY FULL-SUSPENSION
XC BIKE TO WIN OLYMPIC GOLD
AND MULTIPLE WORLD CHAMPIONSHIP GOLD MEDALS
GOLD STANDARD REDEFINED. SPECIALIZED.COM
Neymar, Brasilíu
Aldur: 22 ára.
Félag: Barcelona (Spáni)
Leikir á þessu tímabili/mörk: 40/15
Landsleikir/mörk: 47/30
Hinn ungi Neymar mun njóta sín vel á
heimavelli í Brasilíu. Heimamenn gera þá kröfu
að vinna heimsmeistaratitilinn og verða að teljast
líklegir. Gulldrengurinn verður að sjálfsögðu í aðalhlut-
verki. Neymar hefur átt það til að hverfa í leikjum Barcelona
en hann getur ekki leyft sér slíkan lúxus, nú þarf hausinn á
honum að vera í lagi.
Luis Suarez, Úrugvæ
Aldur: 27 ára.
Félag: Liverpool (Englandi)
Leikir á þessu tímabili/mörk: 37/31
Landsleikir/mörk: 77/38
Suarez kemur fullur sjálfstrausts til Brasilíu eftir frábært tímabíl á Englandi.
Fyrir ári var hann vandræðagemsi sem fáir höfðu trú á en nú gapa
allir yfir hæfileikum hans; ótrúlegri knatttækni
og útsjónarsemi en ekki síður hugarfarinu
sem tryggir það að hann gefst aldrei upp.
Ef púkarnir í hausnum á honum banka
ekki upp á í Brasilíu mun Suarez
mynda banvænt framherjapar
með Edison Cavani.
Mario Balotelli, Ítalíu
Aldur: 23 ára.
Félag: AC Milan (Ítalíu)
Leikir á þessu tímabili/mörk: 40/18
Landsleikir/mörk: 29/12
Ólíkindatólið Mario Balotelli mun leiða sóknarlínu
Ítala sem sjálfsagt fara langt í keppninni, venju
samkvæmt, þó liðið líti kannski ekki spennandi út á
pappírunum. Það gagnast Balotelli eflaust að væntingarnar
séu litlar, eftir vonbrigðatímabil hjá Milan gæti hann vel þegið að ekki
sé búist við flugeldasýningu. Og ef Ítalir standa frammi fyrir víta-
spyrnukeppni er enginn betri á punktinum.
Lionel Messi, Argentínu
Aldur: 26 ára.
Félag: Barcelona (Spáni)
Leikir á þessu tímabili/mörk: 44/41
Landsleikir/mörk: 83/37
Þetta hefur verið hálfgert vonbrigðatímabil hjá
Messi. Barcelona-liðið er á niðurleið og hann hefur
ekki skorað jafn lítið í fimm ár. Nú er ætlast til þess
að hann skili heimsmeistaratitlinum svo hann standist
samanburð við Diego Maradona. Margir spá Messi markakóngs-
titlinum á HM að þessu sinni og hann gæti farið langt með að
tryggja sér hann ef hann byrjar keppnina vel. Argentína er
nefnilega með Bosníu, Íran og Nígeríu í riðli.
Wayne Rooney, Englandi
Aldur: 28 ára.
Félag: Manchester United (Englandi)
Leikir á þessu tímabili/mörk: 40/19
Landsleikir/mörk: 89/38
Hér er maður sem þarf að sanna sig á stóra sviðinu. Roo-
ney hefur ekki látið til sín taka á stórmótum síðan á EM
2004 og þetta gæti verið
síðasta tækifæri hans á
HM. Það efast enginn
um hæfileikana;
vandamál Rooney
með landsliðinu
hafa alltaf
snúið að
meiðslum
og rauðum
spjöldum.
Robin van Persie, Hollandi
Aldur: 30 ára.
Félag: Manchester United (England)
Leikir á þessu tímabili/mörk: 28/18
Landsleikir/mörk: 82/41
Eftir tvö frábær tímabil með Arsenal og Manchester United
var van Persie aftur mikið meiddur í vetur. Nú á hann að vera
orðinn heill og mun hrella varnarmenn í Brasilíu. Hann er enda
með einn besta vinstri fótinn í boltanum og frábæran leikskilning.
van Persie mun leiða ungt lið Hollendinga sem forvitnilegt verður að sjá hvað gerir.
Didier Drogba, Fílabeinsströndinni
Aldur: 36 ára.
Félag: Galatasary (Tyrklandi)
Leikir á þessu tímabili/mörk: 36/14
Landsleikir/mörk: 99/63
Þetta verður að líkindum svanasöngur Drogba. Hann hefur verið einn af bestu
framherjum heims síðasta áratuginn en er óneitanlega
á síðustu dropunum. Enginn skyldi þó afskrifa
kappann og ef lið Fílabeinsstrandarinnar
smellur saman gæti hann vel hrokkið í
gang. Drogba er vaxinn eins og veð-
hlaupahestur, er jafnfættur og hörku
skallamaður og þeir hæfileikar
hverfa ekki þó árin færist yfir.
Átta heitir framherjar á HM
Heimsmeistaramótið í knattspyrnu er leiksviðið þar sem skærustu knattspyrnustjörnur heims leika listir sínar. Mánuður er þar til
flautað verður til leiks og Fréttatíminn hitar upp með því að skoða átta framherja sem munu eflaust raða inn mörkunum.
Cristiano Ronaldo, Portúgal
Aldur: 29 ára.
Félag: Real Madrid (Spáni)
Leikir á þessu tímabili/mörk: 46/50
Landsleikir/mörk: 110/49
Ronaldo náði loks takmarki sínu að velta Lionel Messi úr
sessi sem besti leikmaður heims í ár. Hann hefur enda
verið í ótrúlegu formi síðasta árið og rúmlega það; skorar
meira en mark að meðaltali í leik með Real Madrid og
tryggði Portúgal sæti á HM með þrennu í úrslitaleiknum
við Svía. Nú er spurningin hvort honum takist að draga
sína menn áfram í Brasilíu, það gæti verið hans stærsta
afrek ef Portúgal fer langt í keppninni.
34 fótbolti Helgin 16.-18. maí 2014