Fréttatíminn - 28.02.2014, Qupperneq 36

Virkur lífshlaupari
Þ
Það er hollt að hreyfa sig, það þykist ég
vita. En það er ekki nóg að vita, það þarf
að gera eitthvað í málinu. Nærtækast
er að fara út að ganga, teygja á stirðum
limum og anda að sér hreinu lofti. Ég
er ekki alslæmur hvað þetta varðar en
engin regla er þó á göngutúrunum. Það
er helst um helgar að við hjónakornin
reimum á okkur gönguskó.
Hvatning er góð þegar kemur að lík-
amsrækt en dugði þó ekki til þegar flest-
ir samstarfsmenn mínir ákváðu að taka
þátt í Lífshlaupinu svokallaða, heilsu- og
hvatningarverkefni Íþrótta- og ólympíu-
sambands Íslands. Þar eru landsmenn
hvattir til að huga að daglegri hreyfingu.
Meðal annars var komið á keppni milli
vinnustaða í þrjár vikur nú í febrúar.
Einhverra hluta vegna taldi ég þetta
ekki henta mér. Bíllinn var alltaf nær-
tækur á morgnana og ég vissi, af gamalli
reynslu, að ólíklegt væri að ég nennti út
á kvöldin.
Lífið er hins vegar fullt af tilviljunum.
Um það bil er hollustukeppnin hófst
bilaði gormur í bílnum mínum. Um hann
þurfti að skipta – og er ekki í frásögur
færandi. Mín ágæta eiginkona hefur
á vinnustað sínum aðgang að bifvéla-
virkjum á verkstæði og bauðst til þess
að láta kíkja á vagninn, þegar laus stund
gæfist frá öðrum verkefnum. Ég kom
bílnum þangað og hún skutlaði mér í
vinnuna. Þetta varð hins vegar til þess
að ég ákvað að ganga áleiðis heim þann
dag. Þetta endurtók ég næsta dag – og
þann þriðja. Frúin mætti mér á bíl sínum
á miðri leið. Ég tók með mér húfu, vett-
linga og trefil að heiman og lagði svo
í hann. Á fjórða degi gekk ég alla leið
heim – og tók tímann – var klukkutíma
og korter.
Það var þá sem ég áttaði mig á því að
ég væri eiginlega orðinn virkur lífshlaup-
ari, án þess þó að skrá þátttöku mína. Ég
stóðst ekki mátið, montaði mig svolítið
af þessu og var þá tilkynnt að skrá mætti
afrekin aftur í tímann. Ég sló til og var
þar með orðinn keppandi fyrir hönd
Fréttatímans. Því fylgdi ábyrgð, ekki gat
ég verið dragbítur á hópinn og varð að
standa mig.
Ég gerði ekki athugasemd við konuna
þótt bíllinn væri í viðgerð fram að helgi
þessa fyrstu þátttökuviku mína í Lífs-
hlaupinu. Það gat verið mikið að gera á
verkstæðinu og fráleitt að bíllinn minn
hefði forgang á fjölmörg atvinnutækin
þar. Um þá helgi
fórum við út að
ganga svo ég
gat bætt
þeim
göngu-
túrum á
listann.
„Þú hefur gott af því að hreyfa þig,
elskan,“ sagði konan þegar hún keyrði
mig í vinnuna á mánudegi annarrar
viku Lífshlaupsins. Ég spurði ekkert um
bílinn fyrstu daga þeirrar viku, hélt bara
áfram að ganga heim, annað hvort hálfa
eða alla leið. Það var vissulega hressandi
fyrir þann sem situr alla daga í stól og
hreyfir lítið annað en fingur á lyklaborði.
Mér varð að vísu hugsað til hollustu
göngunnar yfir Borgartún, meðfram
Laugavegi, Lönguhlíð, Hamrahlíð og
loks Kringlumýrarbraut áleiðis að Kópa-
vogi þar sem hundruð bíla æddu framhjá
mér og sendu malbiksagnir, sand, salt
og gott ef ekki eldfjallaösku ofan í lungu
mín. Samt gekk ég og bætti við mig
tímum í Lífshlaupinu – og var, mér til
nokkurrar gleði, ekki teljandi eftirbátur
annarra á stassjóninni.
„Þetta er flott hjá þér,“ sagði konan í
lok annarrar viku heimgöngu minnar úr
vinnunni. „Þú styrkist allur á þessu og
hefur gott af hreyfingunni.“ Ég lét það
vera að spyrja um bílinn og gorminn.
Kunni eiginlega ekki við það, vildi ekki
pressa á viðgerð fólksbíls sem eingöngu
er notaður undir rassinn á mér til og frá
vinnu og telst fráleitt mikilvægt sam-
göngutæki – svona í stóru samhengi.
Önnur farartæki á verkstæðinu, notuð í
þágu almennings, áttu réttinn.
Við fórum enn út að ganga þá helgi.
Alla þessa útivist og hreyfingu skráði
ég samviskusamlega í keppnisskrá Lífs-
hlaupsins, fullur af súrefni – og kannski
nokkrum aukaefnum líka. Á leiðinni í
vinnuna á fyrsta degi þriðju viku Lífs-
hlaupsins – og jafn langs bílleysis –
minntist ég aðeins á minn góða vagn
við konuna. Hún sagði mér, sakleysisleg
til augnanna, að ákveðinn starfsmaður
verkstæðisins hefði því miður tilkynnt
sig veikan en hún hefði einmitt ætlað að
láta hann líta á gorminn. Ég tók því með
jafnaðargeði – og hélt áfram að ganga
heim. Næstu daga spurðist ég fyrir um
heilsu verkstæðismannsins og fékk að
vita að hann væri enn í flensunni. Við því
var ekkert að segja. Menn þurfa að vera
við bærilega heilsu til að koma gormum
á sinn stað.
Við gengum enn og aftur um síðustu
helgi og ég skráði tímana. Lífshlaupinu
lauk síðan á þriðjudaginn. Bílleysi mitt
varð til þess að ég tók þátt – og dró vinnu-
félaga mína ekki niður þegar heildar-
niðurstaðan var reiknuð. Við unnum ekki
– en það tap skrifaðist ekki á mig. Sumir
í hópnum halda spriklinu áfram, aðrir
láta gott heita í bili. Ég labba enn heim,
ýmist áleiðis eða alla leið. Það helgast af
því að gormurinn er enn ekki kominn á
sinn stað, merkilegt nokk. Verkstæðis-
maðurinn mætti í vinnuna í vikubyrjun,
stæltur sem aldrei fyrr, en eitthvað virðist
tefja verkið.
Mér finnst fulllangt að labba alla
leið á verkstæðið til þess að athuga
með gorminn. Eftir því sem liðið
hefur á heimgöngutímabilið
hefur aðeins hvarflað að mér
að eiginkona mín elskuleg
sé eitthvað að plata mig,
teygi viðgerðartímann
viljandi svo ég haldi áfram
heilsubótargöngunni.
Það kann hins vegar að
vera vitleysa. Hvað veit ég
svo sem um gormskipti.
Jónas
Haraldsson
jonas@
frettatiminn.is
HELGARPISTILL
Te
ik
ni
ng
/H
ar
i
36 viðhorf Helgin 28. febrúar - 2. mars 2014
GERÐU FRÁBÆR KAUP Á
NOTUÐUM BÍL FRÁ OKKUR!
BILALAND.IS
TRAUSTIR
AÐILAR
TOYOTA LAND CRUISER 150 GX
Nýskr. 05/13, ekinn 16 þús. km.
dísil, sjálfskiptur.
VERÐ kr. 9.770 þús.
Rnr. 141959.
VW PASSAT II COMFORTLINE ECOFUEL
Nýskr. 06/12, ekinn 41 þús. km.
bensín/metan, sjálfskiptur.
VERÐ kr. 3.890 þús.
Rnr. 191260.
Kletthálsi 11 -110 Reykjavík
Sími 525 8000 - bilaland@bilaland.is
www.bilaland.is
www.facebook.com/bilaland.is
LAND ROVER DISCOVERY 3 HSE G4
Nýskr. 06/07, ekinn 144 þús. km.
dísil, sjálfskiptur.
Rnr. 130673.
BMW X5 XDRIVE
Nýskr. 11/12, ekinn 26 þús. km.
dísil, sjálfskiptur.
VERÐ kr. 11.580 þús.
Rnr. 281378.
HYUNDAI I30 CLASSIC
Nýskr. 03/10, ekinn 63 þús. km.
bensín, beinskiptur.
VERÐ kr. 1.720 þús.
Rnr. 141940.
NISSAN QASHQAI SE
Nýskr. 05/13, ekinn 31 þús. km.
dísil, sjálfskiptur.
VERÐ kr. 5.290 þús.
Rnr. 281312.
LAND ROVER FREELANDER 2 S
Nýskr. 05/13, ekinn 6 þús. km.
dísil, sjálfskiptur.
VERÐ kr. 7.990 þús.
Rnr. 191269.
Frábært verð
5.790 þús.
TÖKUM NOTAÐAN
UPPÍ NOTAÐAN!
GERÐU FRÁBÆR KAUP!
ALLT AÐ 80% LÁNAMÖGULEIKAR