Sveitarstjórnarmál - 01.02.1975, Blaðsíða 10
Vélarhús frystihúss SÚN var útbygging með
ójárnbentum veggjum, sem féllu eins og
spilaborg undan flóðinu, og urðu þar
stórskemmdir á vélunum.
(Ljósm. Víslr. Myndin er I eigu
Bæjarsjóðs Neskaupstaðar).
Nokkru utan við lýsisgeymana stóð svartolíu-
geymir með 900 tonnum af svartolíu. Hann
klipptist í sundur rétt ofan við botninn, sem
sat eftir í sandlaginu, en tankurinn þeyttist
niður á norðurvegg bræðslunnar. Á leiðinni
skildi hann eftir sig tvo olíupolla, en mesta
magnið fór ekki úr lionum, fyrr en hann liafði
stöðvazt á bræðsluhúsinu.
Verksmiðjuhúsið og mjölskemma gjörónýttust
og þungar vélar og tæki færðust til með undir-
stöðurn eða kipptust upp af þeim. Er þar fátt
heillegt inni. Þá skall snjóflóðið á frystihúsinu,
braut vélahús, vélaverkstæði o.fl., og fylltist þar
allt af snjó. Ennfremur tók flóðið ófullgert starfs-
mannahús og fleiri byggingar.
Um 7—10 mín. síðar féll flóð á svonefnt Mána-
svæði. Það kom úr hvilft neðan undir Mið-
strandarskarði og þreif m.a. með sér skemmu
Steypusölunnar hf., tvílyft íbúðarhús úr timbri
og húsnæði Bifreiðaþjónustunnar, ásamt fjölda
bifreiða, vinnuvéla og tækja.
Björgunarstarfið
Jafnskjótt og ljóst varð, hvað gerzt hafði,
þyrptist fólk á vettvang. Þegar í stað var hafizt
handa af fullum krafti og skipulega að leita
að fólki, sem hugsanlega hefði grafizt undir
snjóflóðinu.
Almannavarnanefnd skipti þegar með sér
verkum og stjórnaði björgunarstarfinu í sam-
ráði við Almannavarnaráð. Aðstoð bauðst
hvaðanæva að, og komu sveitir manna úr ná-
lægum byggðarlögum tii hjálpar. Unnið var
sleitulaust að leit týndra við erfiðustu aðstæður
allt fram á aðfangdag, en þá varð að liætta leit
vegna veðurs. Allmargir björgunarmenn frá
öðrum byggðum urðu veðurtepptir og héldu
jólin í Neskaupstað. Jólahald var að sjálfsögðu
með öðrum liætti en venjulega, og menn unnu sér
vart hvíldar jóladagana. Rétt skutust lieim til að
borða jólamatinn og svo aftur til starfa.
Þegar vonir manna um að finna þá týndu á
lífi voru brostnar, var tekið til óspilltra mál-
anna við að bjarga verðmætum úr rústum at-
vinnufyrirtækjanna. Fannfergi og illviðri töfðu
mjög allt björgunar- og hreinsunarstarf fyrstu
vikurnar, og enn er ekki séð fyrir endann á því.
Eitt erfiðasta vandamálið, sem þurft hefur að
glíma við, er hreinsun svartolíunnar á athafna-
svæði Síldarvinnslunnar. Talið er, að urn þriðj-
ungur þeirra 900 tonna, sem í svartolíugeym-
inurn voru, hafi farið í sjó fram í flóðinu. Rak
SVEITARSTJÓRNARMÁL