Sveitarstjórnarmál - 01.02.1975, Blaðsíða 23

FJÓRÐUNGSSAMBAND
VESTFIRÐINGA
25 ÁRA
Fjórðungsþing Vestfirðinga árið
1974 var haldið í Bolungarvík dag-
ana 23. og 24. ágúst. Gunnlaugur
Finnsson, fráfarandi formaður
Fjórðungssambandsins, setti þingið
með ræðu, en Guðmundur Kristj-
ánsson, bæjarstjóri, bauð þingfull-
trúa og gesti velkomna til starfa í
hinum nýstofnaða Bolungarvíkur-
kaupstað. Einnig gerði hann stutt-
lega grein fyrir sögu byggðarlags-
ins.
Þetta fjórðungsþing var hið 19.
í röðinni.
Þingforseti var kosinn Ólafur
Kristjánsson, forseti bæjarstjórnar í
Bolungarvík, og varaforseti Guð-
mundur B. Jónsson, bæjarfulltrúi
í Bolungarvík. Ritarar þingsins
voru Halldór Magnússon, oddviti
Súðavíkurhrepps, og Ingi Garðar
Sigurðsson, oddviti Reykhóla-
hrepps.
Þingið sátu 35 kjörnir fulltrúar
frá 23 sveitarfélögum af 32 á fé-
lagssvæðinu. Auk þess sein gestir
Sturla Jónsson, lieiðursfélagi sam-
bandsins, Þorvarður K. Þorsteins-
son, sýslumaður, Ölvir Karlsson,
fulltrúi Sambands íslenzkra sveitar-
félaga, Guðjón Stefánsson, fram-
kvæmdastjóri Sambands sveitarfé-
laga í Vesturjandskjördæmi, al-
þingismennirnir Karvel Pálmason
og Sighvatur Björgvinsson og Ein-
ar Guðfinnsson, forstjóri í Bol-
ingarvík. Einnig bæjarstjórar og
sveitarstjórar á Vestfjörðum, sem
ekki voru kjörnir fulltrúar.
Fjórðungsþingið
25 ára
1 skýrslu formanns sambandsins
kont m. a. fram, að 25 ár voru í
nóvembermánuði liðin frá stofnun
Fjórðungssambands Vestfirðinga,
en það var stofnað á ísafirði á ár-
inu 1949. í tilefni af þessu afmæli
hefði stjórnin ákveðið að fara þess
á leit við Hjört Hjálmarsson, íyrr-
verandi skólastjóra á Flateyri, að
hann skrái sögu sambandsins, og
vinnur hann nú að því verki. Frá
árinu 1949 til 1971 starfaði sam-
bandið sem samtök sýslufélaga og
Isafjarðarkaupstaðar, en frá árinu
1971 hefur það verið samtök sveit-
arfélaganna á Vestfjörðum.
Einnig flutti Jóhann T. Bjarna-
son, framkvæmdastjóri sambands-
ins, fundinum skýrslu og greindi
frá helztu verkefnum skrifstofu
sambandsins á árinu.
Báðir fjölluðu þeir, formaður og
framkvæmdastjóri, um störf endur-
skoðunarnefndar sveitarstjórnar-
laganna og þær hugmyndir, sem
uppi eru um framtíðarskipan
landshlutasamtakanna.
Ávörp gesta
Ölvir Karlsson, oddviti, flutti
þinginu kveðjur stjórnar Sam-
bands íslenzkra sveitarfélaga og
stjórnar Sambands sveitarfélaga í
Suðurlandskjördæmi, og Guðjón
Stefánsson, lramkvæmdastjóri, bar
þinginu kveðjur stjórnar Samtaka
sveitarfélaga í Vesturlandskjör-
dæmi.
Grunnskólalögin
Torfi Ásgeirsson, deildarstjóri í
menntamálaráðuneytinu, hafði á
þinginu framsögu um grunnskóla-
lögin og setningu reglugerða sam-
kvæmt þeim. Sérstaklega fjallaði
hann um fjármálaleg samskipti
sveitarfélaga og ráðuneytisins og
fyrirhugaða 10 ára framkvæmdaá-
ætlun um skólabyggingar. Miklar
umræður urðu á þinginu um skóla-
skipan á Vestfjörðum, fjánnál skóla
og framkvæmd grunnskólalaga.
Raforkumál
Jakob Gíslason, fyrrv. orkumála-
stjóri, flutti framsöguerindi um
framtíðarskipan raforkumála á
Vestfjörðum. Haukur Tómasson,
jarðfræðingur, fjallaði um stöðu
Vestfjarða með tilliti til orkulinda
og Svavar Jónatansson, verkfræð-
ingur, forstjóri Almennu verk-
fræðistofunnar, gerði grein fyrir
helztu niðurstöðum kannana, sem
fyrirtækið hefur gert á orkumálum
Vestfjarða.
SVEITARSTJÓRNARMÁL