Sveitarstjórnarmál - 01.04.1975, Blaðsíða 36
ERLENDUR HALLDÓRSSON,
oddviti Miklaholtshreppi:
SAMVINNA FIMM
HREPPA Á SUNNAN-
VERÐU SNÆFELLSNESI
UM BRUNAVARNIR
Snemma árs 1974 gengust oddvitar fimm
hreppa á sunnanverðu Snæfellsnesi fyrir stofn-
un félags um brunavarnamál.
Voru það Kolbeinsstaðahreppur, Eyjahrepp-
ur, Miklaholtshreppur, Staðarsveit og Breiðu-
víkurhreppur, sem að þessu samstarfi stóðu.
Hið nýstofnaða félag hlaut nafnið Bruna-
varnafélag Heiðsynninga.
Stofnendur félagsins nutu aðstoðar Guðjóns
Ingva Stefánssonar, framkvæmdastjóra Samtaka
sveitarfélaga á Vesturlandi, við undirbúning
félagsstofnunarinnar og síðan við útvegun fjár-
magns og tækja.
Engar brunavarnir voru fyrir hendi á svæði
þessu, nema hvað handslökkvitæki munu hafa
verið til á örfáum bæjum.
Að vísu áttu Eyjahreppur og Miklaholts-
lireppur saman slökkvidælu um árabil, en hún
var ónýt orðin.
Fyrir atbeina hins nýja félags hefur nú verið
komið fyrir handslökkvitækjum á hverjum bæ
á félagssvæðinu. Slökkviblll af Bedfordgerð hef-
ur verið keyptur, og er hann staðsettur næni
Vegamótum, sem er nokkuð miðsvæðis
Þá var einnig keypt slökkvidæla, sem geyrnd
er í Syðri-Knarrartungu í Breiðuvík, en vegna
lengdar brunavarnasvæðisins og tíðra samgöngu-
erfiðleika á vetrum veitir einn bíll hvergi nærri
nóg öryggi.
Ákveðið er að kaupa svo aðra slökkvidælu á
árinu 1975 og staðsetja liana í Kolbeinsstaða-
hreppi.
Takist það, sem vonir standa til, má segja,
að brunavarnamál þessara fimm hreppa séu
komin í rnjög viðunandi horf.
Skylt er að geta þess, að Brunamálastofnun
ríkisins hefur lagt fram sinn skerf til þessara
mála, og hefur tvisvar sent menn til að leiðbeina
um meðferð tækja og búnaðar. Eru henni og
öðrum, sem aðstoðað hafa við félagsstofnun
þessa og tækjaútvegun, færðar beztu þakkir.
Ekki sízt ber að þakka Brunabótafélagi ís-
lands og Saminnutryggingum hf. fyrir lán þau,
sem þau hafa veitt sveitarfélögunum til kaupa á
tækjum, en án þeirrar fyrirgreiðslu hefðu mál
þessi tæpast náð fram að ganga.
Kostnaður í þessu sambandi er nú um 1200
þús. kr., og hafa áðurnefnd tryggingafélög lán-
ar rúmlega 800 þús. kr. með hagstæðum kjörurn.
SVEITARSTJÓR NARMÁL