Sveitarstjórnarmál - 01.04.1975, Blaðsíða 4
TILLOGUR SAMBANDSINS
UM BREYTINGAR
Á STJÓRNARSKRÁNNI
Hinn 18. maí 1972 samþykkti Alþingi þings-
ályktunartillögu um skipun 7 manna nefndar til
að vinna að endurskoðun stjórnarskrárinnar.
í þessari þingsályktun segir meðal annars:
„Nefndinni ber að leita álits sýslunefnda og'
bæjarstjórna, landslilutasambanda sveitarfélaga
og landssambanda stéttarfélaga.
Hún skal leita álits lagadeildar Háskóla Is-
lands og Hæstaréttar um lögfræðileg efni.
Með opinberri tilkynningu skal Jjeim, sem þess
kynnu að óska, gefinn kostur á að koma á fram-
færi við nefndina skriflegum og skriflega rök-
studdum breytingartillögum við núgildandi
stjórnarskrá fyrir þann tíma, sem nefndin til-
tekur.“
Með bréfi 8. júlí 1974 leitaði stjórnarskrár-
nefnd Alþingis eftir áliti stjórnar sambandsins
samkvæmt framansögðu og tillagna um breyt-
ingar á stjórnarskránni.
Erindi þetta var lagt fyrir landsþing sambands-
ins í byrjun september, og kaus það fimm manna
nefnd til þess að gera tillögu að áliti sambandsins
um málið.
Nefnd þessi lauk starfi sínu í lok janúarmán-
aðar. Stjórn sambandsins hefur síðan fjallað um
álit nefndarinnar á tveimur fundum og hefur nú
einróma ákveðið að gera álit nefndarinnar að
sínu.
Álit nefndarinnar fer hér á eftir:
„Á landsþingi Sambands íslenzkra sveitarfé-
laga voru undirrituð kjörin í nefnd til að gera
tillögur til stjórnar sambandsins að áliti um
breylingar á stjórnarskránni.
Nefndin lítur svo á, að verksvið hennar tak-
markist við stjórnarskrárákvæði, sem beinlínis
lúta að málefnum sveitaríélaga, eða telja verður
sérstaklega tengd hagsmunum þeirra.
Nefndin er þeirrar skoðunar, —
aö rétt sé, að í stjórnarskránni verði ákvæði um,
að ríkið skiptist í sveitarfélög,
að ekki sé æskilegt, að sett verði ítarleg stjórnar-
skrárákvæði um málefni sveitarfélaga, stjórn-
unarlegt skipulag þeirra, verksvið, staðar-
mörk eða samtök,
að eðlilegt sé að marka þá grundvallarreglu, að
sveitarfélög séu háð yfirstjórn ríkisvaldsins,
en hins vegar beri
að setja ákvæði, er tryggi sveitarfélögum sjálf-
stæði og fjárhagslegt sjálfsforræði í málum,
sem þau annast að öllu eða mestu leyti.
Þá vill nefndin lýsa þeirri skoðun sinni, að við
eignarnám eigi að meta sanngjarnar bætur, er
miðist við raunveruleg eða eðlileg not eignar,
þegar til eignarnáms kennir, en ekki við verð-
breytingar, sem leiða af framkvæmdum samfé-
lagsins eða fyrirhuguðum notum og eru ástæður
til eignarnámstöku. Er því bent á, að niðurlags-
ákvæði 67. gr. stjórnarskrárinnar verði endur-
skoðuð með þetta sjónarmið í huga.
Þannig samþykkt 29. 1. 1975
Jón G. Tómasson
Adda Bdra Sigfúsdóttir
Húnbogi Þorsteinsson
Eggert Haukdal
JÓ7i Isberg
SVEITARSTJ ÓRNARMÁL